བུའུ་པང་གོ་ཡིས་མའོ་སང་པུས་ཁིའི་ཙུང་ཐུང་ཀི་པུའུ་ཀྲ་ལ་མཇལ་འཕྲད་གནང་བ།

དཔའ་བརྟན་རྒྱལ།    མཚོ་སྔོན་བོད་སྐད་རླུང་འཕྲིན།    2011-08-12


རྒྱལ་ཡོངས་དམངས་འཐུས་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ཨུ་ཡོན་ཀྲང་བུའུ་པང་གོ་ཡིས་ཚེས་བཅུ་ཉིན་མི་དམངས་ཚོགས་ཁང་ཆེན་མོའི་ནང་མའོ་སང་པུའུ་ཁིའི་ཙུང་ཐུང་ཀི་པུའུ་ཀྲ་ལ་མཇལ་འཕྲད་གནང་། བུའུ་པང་གོ་ཡིས་བསྟན་དོན། ཀྲུང་གོ་དང་མའོ་སང་པུས་ཁིའི་མཛའ་བརྩེའི་འབྲེལ་གཏིང་ཟབ་ལ། རྒྱལ་ཁབ་གཉིས་བར་འབྲེལ་བ་བཙུགས་ནས་ལོ་ངོ་སོ་དྲུག་འགོར་བའི་རིང་ལ་རྒྱལ་སྤྱིའི་གནས་བབ་དང་རང་རང་རྒྱལ་ནང་གི་གནས་ཚུལ་འགྱུར་ལྡོག་ཇི་འདྲ་བྱུང་ཡང་ཕྱོགས་གཉིས་ཀྱིས་ཕན་ཚུན་ལ་བརྩི་འཇོག་དང་འདྲ་མཉམ་གཉིས་ཕན་གྱི་རྨང་གཞིའི་སྟེང་རྒྱལ་ཁབ་གཉིས་ཀྱི་འབྲེལ་བ་བདེ་བླག་ངང་འཕེལ་རྒྱས་སུ་སོང་། ཕྱོགས་གཉིས་ཀྱི་མཐོ་རིམ་མགོ་ཁྲིད་པའི་བར་གྱི་འགྲོ་འོང་རྒྱུན་ལྡན་ཡིན་པ་དང་ཆབ་སྲིད་ཀྱི་ཐད་དུ་ཕན་ཚུན་ལ་ཡིད་ཆེས་བྱེད་ཤུགས་རྒྱུན་ཆད་མེད་པར་གཏིང་ཇེ་ཟབ་ལ་སོང་ནས། ཕན་ཚུན་ལ་འབྲེལ་བ་ཡོད་པའི་གནད་དོན་གལ་ཆེན་དང་ཁེ་ཕན་གྱི་གནད་དོན་ཕྱོགས་ནས་ཕན་ཚུན་ལ་རྒྱུས་ལོན་དང་རྒྱབ་སྐྱོར་བྱས། ཀྲུང་གོ་དང་མའོ་སང་པུས་ཁི་གཉིས་ནི་འཕེལ་རྒྱས་སུ་འགྲོ་བཞིན་པའི་རྒྱལ་ཁབ་ཡིན་ལ། དེང་རབས་ཅན་འཛུགས་སྐྲུན་གྱི་འཕེལ་རིམ་ཁྲོད་དུ་ཕྱོགས་གཉིས་རིགས་མཚུངས་ཀྱི་འོས་འགན་ཡོད། ཀྲུང་གོ་རྒྱལ་ཡོངས་དམངས་འཐུས་ཚོགས་ཆེན་གྱིས་མའོ་སང་པུས་ཁིའི་གྲོས་ཚོགས་བར་བརྗེ་རེས་དང་མཉམ་ལས་བྱེད་པར་ཤུགས་བསྣན་ཏེ། དཔལ་འབྱོར་འཕེལ་རྒྱས་དང་དམངས་ཀྱི་འཚོ་བ་ལེགས་བཅོས་བྱེད་པ། ཁྲིམས་ལྟར་རྒྱལ་ཁབ་སྐྱོང་བ་སོགས་ཕྱོགས་ཀྱི་མཉམ་ལས་དང་བརྗེ་རེས་ཁྱབ་བརྡལ་དུ་བཏང་ནས་རྒྱལ་ཁབ་གཉིས་ཀྱི་འཕེལ་རྒྱས་འབྲེལ་བ་སྐས་རིམ་གསར་བ་ཞིག་ཏུ་མཐོར་འདེགས་སུ་གཏོང་བར་གསོན་ཤུགས་གསར་བ་སྣོན་འདོད་ཡོད་ཟེར། ཀི་པུའུ་ཀྲ་ཡིས་བསྟན་དོན། ཉེ་བའི་ལོ་འགའི་རིང་ལ་མའོ་སང་པུས་ཁི་དང་ཀྲུང་གོའི་འབྲེལ་བ་རྒྱུན་ཆད་མེད་པར་ཇེ་ལེགས་སུ་འགྲོ་བཞིན་ཡོད་པ་དང་། མའོ་སང་པུས་ཁི་དང་ཀྲུང་གོའི་མཛའ་བརྩེའི་འབྲེལ་དེ་མའོ་སང་པུས་ཁི་མི་དམངས་ཀྱི་སེམས་སུ་རྡོ་ལ་རི་བརྐོས་པ་ཇི་བཞིན་གནས་ཡོད་ཟེར།
 

  • ལེ་ཚན་སྔོན་མ།:ཀྲུང་གོའི་མཚོ་དམག་གི་སྦྱོང་བརྡར་དམག་གྲུ་རུ་ཁག་ཁྲའོ་ཞན་དུ་འཚམས་འདྲིར་བསྐྱོད་རྗེས་ཕྱིར་རྒྱལ་ནང་དུ་ལོག་
  • ལེ་ཚན་རྗེས་མ།:མཚོ་སྔོན་ཞིང་ཆེན་གྱིས་འབྲེལ་ཡོད་འཆར་གཞི་ལག་བསྟར་བྱས་ནས་བོད་ཁུལ་གྱི་མཐོ་རིམ་སློབ་གྲྭའི་མཐར་ཕྱིན་སློབ་
  • དོ་སྣང་ཆེ་བའི་རྩོམ།