ས་དེའི་ཚེས8ཉིན་གྱི་ཕྱི་དྲོར། ཀྲིན་ཧི་རྟགས་ཅན་གྱི་རྒྱང་བཞུད་སྦྱོང་བརྡར་དམག་གྲུ་དང་ལའོ་དབྱང་རྟགས་ཅན་གྱི་ཏའོ་ཏན་འཕུར་མདའི་སྲུང་སྐྱོབ་གྲུ་གཟིངས་ལས་གྲུབ་པའི་ཀྲུང་གོའི་མཚོ་དམག་གི་སྦྱོང་བརྡར་གྲུ་གཟིངས་རུ་ཁག་ཁྲའོ་ཞན་དུ་འཚམས་འདྲིར་སྐྱོད་པ་ཕུན་སུམ་ཚོགས་པའི་ངང་མཇུག་རྫོགས་ཏེ། ཁྲའོ་ཞན་གྱི་ཡོན་ཧྲན་གྲུ་ཁ་ནས་ཕྱིར་རྒྱལ་ནང་དུ་ལོག

ཉིན་བཞིའི་འཚམས་འདྲིའི་སྐབས་སུ། ཀྲུང་གོའི་མཚོ་དམག་གི་སྦྱོང་བརྡར་དམག་གྲུ་རུ་ཁག་གི་བཀོད་འདོམས་པ་ཐེན་ཡོན་གྱིས་སྔ་གཞུག་ཏུ་ཁྲའོ་ཞན་མི་དམངས་དྲག་ཤུགས་པུའུ་ཡི་པུའུ་ཀྲང་ཅིན་ཡོན་ཁྲོན་དང་། དམག་དཔུང་གི་དམག་སྤྱི་ཆེན་མོ་ཀྲིན་མེན་ཏའོ་སོགས་ལ་ཐུག་འཕྲད་བྱས་ཏེ། ཀྲུང་གོ་དང་ཁྲའོ་ཞན་བར་གྱི་སྲོལ་རྒྱུན་མཛའ་བརྩེ་ཇེ་ཟབ་ཏུ་གཏོང་བ་དང་། རྒྱལ་ཁབ་གཉིས་ཀྱི་མཚོ་དམག་གིས་འབྲེལ་ཡོད་ཁྱབ་ཁོངས་ནས་བརྗེ་རེས་དང་མཉམ་ལས་བྱེད་པར་བགྲོ་གླེང་བྱས་པ་ལས་གཞན། དམག་གྲུ་རུ་ཁག་དཔོན་དམག་གི་འཐུས་ཚབ་ཀྱི་སྣེ་ཁྲིད་དེ་ཕེན་རང་ལ་སོང་སྟེ། ཀྲུང་གོ་དང་ཁྲའོ་ཞན་གྱི་མཛའ་བརྩེ་མཆོད་རྟེན་དང་། ཏ་ཁྲིན་སྔོན་གཤེགས་དཔའ་བོའི་བང་སོ། ཅིན་ཞིག་རི་བོའི་རྗེས་དྲན་ཕོ་བྲང་དང་བན་ཅིན་ཐེ་ཡི་ཀྲུའུ་ཞི་ཅིན་རི་ཁྲིན་གྱི་གནས་རྙིང་ལ་ལྟ་སྐོར་བྱས་པ་དང་། ཀྲུང་གོ་དང་ཁྲའོ་ཞན་གྱི་སྔོན་གཤེགས་དཔའ་བོར་མེ་ཏོག་གི་ཕྲེང་བ་ཕུལ།

འཚམས་འདྲིའི་སྐབས་སུ། ཀྲུང་གོའི་མཚོ་དམག་གྲུ་གཟིངས་རུ་ཁུག་གིས་ད་དུང་ཁྲའོ་ཞན་མཚོ་དམག་ཤར་མཚོ་གྲུ་གཟིངས་ཡན་ལག་རུ་ཁག་དང་ཡོན་ཧྲན་ཞིང་ལས་ཕྱོགས་བསྡུས་སློབ་གྲྭ་ཆེན་མོར་ལྟ་སྐོར་དང་། ཁའོ་ཞན་མཚོ་དམག་རམ་འདེགས་རོལ་དབྱངས་ཚོགས་པས་བསྡུས་པའི་དགའ་བསུའི་འཁྲབ་སྟོན་ལ་བལྟས།