གསར་འགོད་པས་བོད་ལྗོངས་མངའ་རིས་ས་ཁུལ་རིག་དངོས་སྡེ་ཁག་ནས་རྒྱུས་ལོན་བྱུང་བའི་གནས་ཚུལ་ལྟར་ན། ཉེ་ལམ།བོད་ལྗོངས་ཀྱིས་གུ་གེ་རྒྱལ་རབས་ཀྱི་གནའ་ཤུལ་ཉམས་གསོ་སྲུང་སྐྱོབ་བྱེད་པའི་བཟོ་སྐྲུན་མགོ་བརྩམས་པ་དང་། བཟོ་སྐྲུན་འདི་ལག་བསྟར་བྱས་རྗེས་གུ་གེ་རྒྱལ་རབས་ཀྱི་གནའ་ཤུལ་ཁུལ་དུ་རང་བྱུང་གནོད་འཚེ་འགོག་པའི་ནུས་པ་དང་རིག་དངོས་བདེ་འཇགས་ཆུ་ཚད་ཕྱོགས་ཡོངས་ནས་ཇེ་མཐོར་གཏོང་ཐུབ། བོད་ལྗོངས་མངའ་རིས་ས་ཁུལ་རིག་དངོས་ཅུའུ་ཡི་ཅུའུ་ཀྲང་ལིས་ཞིན་ཀོ་ཡིས་བཤད་རྒྱུར། གུ་གེ་རྒྱལ་རབས་ཀྱི་གནའ་ཤུལ་ལ་ཕྱོགས་ཡོངས་ནས་ཉམས་གསོ་སྲུང་སྐྱོབ་བྱེད་པའི་བཟོ་སྐྲུན་ཐད་ལ་སྡོམ་པས་སྒོར་མོ་བྱེ་བ་ལྔ་དང་ས་ཡ་བདུན་འབུམ་བཞི་ཁྲི་གསུམ་ལྷག་གཏོང་རྒྱུ་ཡིན་ལ། བཟོ་སྐྲུན་ལས་ཡུན་སྔོན་དཔག་བྱས་ན་ལོ་ལྔ་ཡིན་པ་དང་། བཟོ་སྐྲུན་གྱི་ནང་དུ་གནའ་ཤུལ་གྱི་མ་གཞི་ཉམས་གསོ་བྱེད་པ་དང་། རི་ངོས་སྲ་བརྟན་སུ་གཏོང་བ། ལྡེབས་རིས་སྲུང་སྐྱོབ་དང་ཉམས་གསོ་བྱེད་པ་སོགས་འདུས་ཤིང་། ལས་གཞི་ལས་མགོ་བརྩམས་རྗེས་བྱ་བའི་འཕེལ་རིམ་བདེ་བླག་རེད་ཟེར།གསར་འགོད་པས་བཟོ་སྐྲུན་ཡུལ་དངོས་ནས་ལས་བཟོ་པ་དག་གིས་རྙིང་བ་ཉམས་གསོ་བྱས་ཀྱང་སྔར་ཡོད་ཀྱི་རྣམ་པ་མི་འདོར་བའི་རྩ་དོན་རྒྱུན་འཁྱོངས་བྱས་ནས། བོད་ལྗོངས་ཀྱི་འཛུགས་སྐྲུན་ཁྲོད་ཀྱི་ཨར་ཀ་རྒྱག་པ་དང་སྤེན་མ་འཆང་བ་སོགས་མ་བཅོས་རྒྱུ་ཆས་ཁང་ཀླད་ཉམས་གསོ་དང་གྱང་ཉམས་གསོ་བྱེད་བཞིན་པ་མཐོང་། ལྷ་ཁང་དཀར་པོ་དང་། ལྷ་ཁང་དམར་པོ། འཇིགས་བྱེད་ལྷ་ཁང་། སྒྲོལ་མ་ལྷ་ཁང་། དཀྱིལ་འཁོར་ལྷ་ཁང་སོགས་ལྷ་ཁང་ལྔ་ཞིག་གསོ་དང་སྲ་བརྟན་དུ་གཏོང་བའི་བཟོ་སྐྲུན་བྱ་བ་ཡང་ལས་མགོ་བརྩམས།ཉེ་བའི་ལོ་འགའི་རིང་ལ། གུ་གེ་རྒྱལ་རབས་ཀྱི་གནའ་ཤུལ་ཁུལ་དུ་གནས་སྐོར་བ་མང་བོ་ཡོང་བས། ད་ལྟ་བོད་ལྗོངས་ནུབ་ཕྱོགས་ཀྱི་གནས་སྐོར་ཡུལ་ལྗོངས་གྲགས་ཅན་ཞིག་ཏུ་གྱུར་པ་དང་། ད་ལོའི་ལོ་སྟོད་ལ་གནས་སྐོར་བ་སྟོང་གསུམ་ལྔ་བརྒྱ་སྣེ་ལེན་བྱས།