2011ལོར་མཚོ་སྔོན་ཞིང་ཆེན་གྱིས་གཅིག་བསྡུས་ཀྱི་ཡུག་གཅིག་ཏུ་འབྲེལ་བའི་དམིགས་བསལ་དཀའ་ངལ་ས་ཁུལ་དེ་བཅོས་བསྒྱུར་གྱི་གཡུལ་ས་གཙོ་བོར་འཛིན་པ་རྒྱུན་འཁྱོངས་བྱས་ཏེ། བསམ་བློ་བཅོས་བསྒྱུར་དང་དབུལ་སྐྱོར་ཆེན་མོའི་རྣམ་པ་སྤེལ་བ་བརྒྱུད། ཁྱད་ལྡན་དབུལ་སྐྱོར་བྱེད་ཐབས་བསྐྲུན་ནས་དབུལ་སྐྱོར་གསར་སྤེལ་གྱིས་སྡེ་བ་ཧྲིལ་བོར་སྐུལ་འདེད་བྱེད་པར་ཐོལ་བརྒལ་ཆེན་མོ་ལྔ་མངོན་འགྱུར་བྱས།

2011ལོར་མཚོ་སྔོན་གྱིས་དངུལ་གཏོང་ལ་ཤུགས་བསྣན་ཏེ་མ་དངུལ་གྱི་གཞི་ཁྱོན་སྟེང་ཐོལ་བརྒལ་གསར་བ་མངོན་འགྱུར་བྱས། ཀྲུང་དབྱང་ནོར་སྲིད་ཀྱི་སྡེ་བ་ཧྲིལ་བོར་སྐུལ་འདེད་བྱེད་པའི་སྐོར་དང་པོའི་ལས་གཞིའི་མ་དངུལ་སྒོར་དུང་ཕྱུར4.2བརྩོན་ལེན་བྱས་ཤིང་། 2010ལོའི་སྡེ་བ་ཧྲིལ་བོར་སྐུལ་འདེད་བྱེད་པའི་སྐོར་དང་པོའི་ལས་གཞིའི་མ་དངུལ་ལས་སྒོར་ཁྲི4000ཇེ་མང་ལ་སོང་ཡོད། མིག་སྔའི་བར་དུ། མཚོ་སྔོན་གྱིས་ཞིང་ཆེན་ཡོངས་ཀྱི་ཁུལ（གྲོང་ཁྱེར་དང་ས་གནས）8ཀྱི་རྫོང（གྲོང་ཁྱེར）40ཡི་དབུལ་ཕོངས་སྡེ་བ387ཁྲོད་སྡེ་བ་ཧྲིལ་བོར་སྐུལ་འདེད་བྱེད་པའི་ལས་གཞི་སྤེལ་བ་དང་། དབུལ་ཕོངས་ཁྱིམ་ཚང78370དང་མི334709ལ་རོགས་སྐྱོར་བྱས།

མ་དངུལ་གཅིག་གྱུར་བཀོལ་སྤྱོད་ཁྲོད། མཚོ་སྔོན་གྱིས་དབུལ་སྐྱོར་ཆེན་མོའི་རྣམ་པ་འཚོལ་ཞིབ་བྱས་ཏེ་མ་དངུལ་ཧྲག་བསྡུ་བྱེད་པའི་ཐད་ཐོལ་བརྒལ་བྱུང་། ཐབས་ལམ་མི་རྙོག་པ་དང་སྤྱོད་སྒོ་མི་འགྱུར་བར་གཅིག་གྱུར་གྱིས་བཀོད་སྒྲིག་དང་ཆ་སྡེབ་འཛུགས་སྐྲུན། གང་སྒྲུབ་འགན་འཁྲི་བྱེད་པའི་རྩ་དོན་རྒྱུན་འཁྱོངས་བྱས་ཏེ། རིམ་པ་སོ་སོའི་དབུལ་སྐྱོར་གསར་སྤེལ་འགོ་ཁྲིད་ཚན་ཆུང་གི་ཁོངས་གཏོགས་ལས་ཁུངས་སོ་སོའི་སྡེ་ཁག་གི་ལེགས་ཆ་འདོན་སྤེལ་གང་ལེགས་བྱས་ཤིང་། བསྡོམས་པས་རིགས་སོ་སོའི་མ་དངུལ་སྒོར་ཁྲི38605.92ཧྲག་བསྡུ་བྱས་ལ། 2010ལོའི་སྡེ་བ་ཧྲིལ་བོར་སྐུལ་འདེད་བྱེད་པའི་སྐོར་དང་པོའི་ལས་གཞིའི་མ་དངུལ་ལས་སྒོར་ཁྲི7337.12ཇེ་མང་ལ་སོང་ཡོད།

མཚོ་སྔོན་ཞིང་ཆེན་དབུལ་སྐྱོར་སྡེ་ཁག་གིས་ད་རུང་མུ་མཐུད་དུ་དབུལ་སྐྱོར་རྣམ་པ་གཏིང་ཟབ་ཏུ་བཏང་ཞིང་། ཐོན་ལས་ཀྱིས་གཅིག་བསྡུས་དང་ཡུག་གཅིག་ཏུ་སྣེ་ཁྲིད་པར་ཐོལ་བརྒལ་གསར་བ་མངོན་འགྱུར་བྱས། དབུལ་སྐྱོར་གསར་སྤེལ་གྱི་སྡེ་བ་ཧྲིལ་བོར་སྐུལ་འདེད་བྱེད་པའི་ཁྲོད་ཧུར་བརྩོན་གྱིས་ཆེད་ལས་མཉམ་ལས་རྩ་འཛུགས་དང་ཁེ་ལས་ཀྱིས་སྣེ་ཁྲིད་པ། འཇོན་མིས་སྣེ་ཁྲིད། གླ་གཏོང་བདག་གཉེར་སོགས་གཅིག་བསྡུས་དང་ཡུག་གཅིག་ཏུ་དབུལ་སྐྱོར་གསར་སྤེལ་གྱི་སྡེ་བ་ཧྲིལ་བོར་སྐུལ་འདེད་བྱེད་པའི་རྣམ་པ་རིགས་མང་པོ་འཚོལ་ཞིབ་དང་གསར་སྐྲུན། འཐུས་ཚང་དུ་བཏང་། མིག་སྔར། མཚོ་སྔོན་གྱི་ཐོན་ལས་ཀྱིས་གཅིག་བསྡུས་དང་ཡུག་གཅིག་ཏུ་དབུལ་སྐྱོར་གསར་སྤེལ་གྱི་སྡེ་བ་ཧྲིལ་བོར་སྐུལ་འདེད་བྱེད་པའི་ལས་གཞིའི་སྡེ་བ་ཡིས་ལག་བསྟར་བྱས་པའི་སྡེ་བའི་སྤྱི་གྲངས་ཀྱི97.42%ཟིན་ཡོད་ལ། བསྡོམས་པས་རིགས་སོ་སོའི་ཐོན་ལས་རྟེན་གཞི140བཙུགས་ཡོད།

དུས་མཚུངས་སུ་དབུལ་སྐྱོར་སྡེ་ཁག་གིས་ས་ཁོངས་ལེགས་ཆར་བརྟེན་ནས་ཁྱད་ལྡན་ཐོན་ལས་འཕེལ་རྒྱས་སུ་གཏོང་བའི་ཐད་ཐོལ་བརྒལ་བྱུང་། ས་གནས་སོ་སོས་ཐོན་ཁུངས་ལེགས་ཆར་བརྟེན་ནས་ཁྱད་ལྡན་འདེབས་འཛུགས་དང་གསོ་སྤེལ། ཚོང་ལས་ཉོ་འཚོང་། གནས་སྐོར། བཟའ་བཏུང་། ལས་སྣོན་སོགས་འཕེལ་རྒྱས་སུ་བཏང་སྟེ། དབུལ་ཕོངས་སྡེ་བ300དང་དབུལ་ཕོངས་མི་གྲངས་ཁྲི30ལྷག་ལ་རོགས་སྐྱོར་བྱས།  །