ཀྲུང་གོའི་བོད་ཀྱི་དྲ་བའི་འཕྲིན།ཉེ་ལམ།ཟི་ལིང་གྲོང་ཁྱེར་གྱི་སྡེ་ཁག་མང་པོས་མཐུན་སྦྱོར་དང་མགྱོགས་མྱུར་སྒོས་སྒོར་མོ་བསྡུ་ལེན་བྱེད་པའི་ཐབས་སྣ་ཚོགས་བཙལ་ནས་དབུལ་ཕོངས་སློབ་ཆེན་སློབ་མར་སློབ་དངུལ་རོགས་སྐྱོར་བྱས་ནས་སློབ་མ་ཚོ་སེམས་བདེ་བག་ཕེབས་ངང་སློབ་གྲྭར་འགྲོ་ཐུབ་པ་བྱུང་།ཟླ་བརྒྱད་པའི་ཟླ་མཇུག་བར་དུ་དབུལ་ཕོངས་སློབ་ཆེན་སློབ་མ2185སྒོར་ཁྲི514.02རོགས་དངུལ་བྱིན་ལ།མི7113གྱིས་རྒྱལ་ཁབ་ཡིད་རྟོན་རོགས་སྐྱོར་དངུལ་བསྐྱི་བའི་ཡར་ཞུ་བྱས།
གྲོང་ཁྱེར་སྤྱིའི་བཟོ་ཚོགས་དང་།གྲོང་ཁྱེར་སློབ་གསོ་ཅུའུ།གུང་གཞོན་ཚོགས་པ་གྲོང་ཁྱེར་ཨུ་ཡོན་ལྷན་ཁང་བཅས་ཀྱིས་བྱ་བའི་འགན་ནུས་བརྩོན་ལེན་དང་སྤྱི་ཚོགས་ཀྱི་ཁེ་ལས་པ་དང་།བྱམས་བརྩེ་ཅན་གྱི་མི་སྣ།ཐེབས་རྩ་ཚོགས་པ་སོགས་ཀྱིས་རྒྱབ་སྐྱོར་གྱི་འོག་ནས་མ་དངུལ་སྒོར་ཁྲི323.17བཏང་ནས་དབུལ་ཕོངས་སློབ་ཆེན་སློབ་མ1405དཀལ་ངལ་ཁྱད་དུ་བསལ་ནས་སློབ་དངུལ་རོགས་སྐྱོར་བྱས།སློབ་ཆེན་གྱི་སྐབས་སུ་མི་རེ་ལ་ལོ་རེར་ཚད་མི་གཅིག་པའི་སྒོར3000ནས5000རོགས་སྐྱོར་བྱེད་རྒྱུ་ཡིན་ལ།རྫོང་སོ་སོའི་ས་ཁུལ་གྱིས་མི་འགྱང་པར་དབུལ་ཕོངས་སློབ་ཆེན་སློབ་མ་དམངས་འཚོའི་བཟོ་སྐྲུན་གལ་ཆེན་དུ་བཟུང་ནས་ཤུགས་ཆེན་པོས་དབུལ་སྐྱོར་གྱི་བྱ་འགུལ་རྒྱ་ཆེར་སྤེལ་ནས་རོགས་དངུལ་སྒོར་ཁྲི190.85བཏང་ནས་དབུལ་ཕོངས་སློབ་མ780ལ་དབུལ་སྐྱོར་བྱེད་རྒྱུ་ཡིན་པ་དང་ཁོ་ཚོའི་རེ་འདོད་སྐོང་རྒྱུ་རེད།དུས་མཚུངས་སུ།རྒྱལ་ཁབ་ཀྱི་ཡིན་རྟོན་དངུལ་བསྐྱི་བའི་བྱ་བ་བཟང་པོར་སྒྲུབ་ནས་ཟླ8པའི་ཟླ་སྨད་དུ།རྫོང་སོ་སོའི་ཡིད་རྟོན་དངུལ་བསྐྱི་བའི་དབུལ་སྐྱོར་མི་སྣ་སྡོམ་པའི་མི7113ལ་ཟིན་པ་དང་།ཡར་ཞུའི་དངུལ་སྒོར3839ལ་བསླེབས་ཤིང་།རོགས་སྐྱོར་བསྐྱི་དངུལ་གྱི་བྱ་བ་དེ་ཟླ11པའི་ཟླ་མཇུག་བར་ལེགས་འགྲུབ་འབྱུང་ངེས།  །