ཞིན་ཧྭ་གསར་འགྱུར་ཁང་ཧུའུ་ཧོ་ཧའོ་ཐེ་ནས་འབྱོར་བའི་གཏམ་གསར། ཉེ་ཆར་ཞིང་ལས་པུའུའི་པུའུ་ཀྲང་གཞོན་པ་ཡུ་ཁང་ཀྲེན་གྱིས་ངོ་སྤྲོད་བྱས་པར་གཞིགས་ན། 2013ལོར་རྒྱལ་ཡོངས་ཀྱི་རང་བྱུང་རྩྭ་ཐང་གི་གཟན་རྩྭ་གསར་པ་སྤྱིའི་ཐོན་ཚད་ཏུན་དུང་ཕྱུར10.6ཡོད་ཅིང་། ཉེ་བའི་ལོ་ལྔའི་ནང་ཧ་ལམ་ཆེས་ལེགས་པའི་ཆུ་ཚད་གསར་དུ་བཏོད། རྒྱལ་ཡོངས་ཀྱི་རྩྭ་ལས་ལོ་རེའི་ཐོན་རྫས་རིན་ཐང་སྒོར་དུང་ཕྱུར3000ལས་བརྒལ་བ་རེད།
2011ལོ་ནས་བཟུང་།རྒྱལ་ཁབ་ཀྱིས་ལོ་རེར་སྒོར་དུང་ཕྱུར134བཏང་སྟེ་ནང་སོག་དང་ཞིན་ཅང་། བོད་ལྗོངས། མཚོ་སྔོན། སི་ཁྲོན། ཀན་སུའུ། ཉིང་ཞ། ཡུན་ནན་བཅས་རྩྭ་ཐང་གི་འབྲོག་པ་གཙོ་བོ8ལ་ཁྱོན་ཡོངས་ནས་རྩྭ་ཐང་གི་སྐྱེ་ཁམས་སྲུང་སྐྱོང་བྱེད་པར་ཁ་གསབ་བྱ་དགའ་སྤྲོད་པའི་ནང་རྐྱེན་བཙུགས།མིག་སྔར། རྒྱལ་ཡོངས་སུ་མིས་འདེབས་པའི་རྩྭ་རའི་གཞི་ཁྱོན་མུའུ་དུང་ཕྱུར2.8ལ་ཟིན་ཞིང་།ལོ་རེའི་རྩྭའི་ཐོན་ཚད་རིགས་གཞུང་ཐོག་བཤད་ན་ཏུན་ཁྲི4500ཡིན།རང་གིས་འདེབས་པར་རང་གིས་སྤྱད་པའི་རྣམ་པ་དང་སྐྱེ་ཁམས་ཕན་ནུས་ཀྱི་རྣམ་པ།ཚོང་རྫས་ཐོན་སྐྱེད་ཀྱི་རྣམ་པ་བཅས་རིགས་གསུམ་གྱི་གཟན་རྩྭ་འདེབས་འཛུགས་ཀྱི་ལས་སྣོན་ལས་རིགས་ཆགས་ཡོད། རྒྱལ་ཡོངས་སུ་ཐོ་འགོད་དང་བསྡོམས་རྩིས་བྱེད་པའི་རྩྭའི་ཐོན་རྫས་ལས་སྣོན་བྱེད་མཁན་གྱི་ཁེ་ལས300ལྷག་ཡོད་པ་རེད།ཆེད་རམས་པས་བསྟན་དོན།ཀྲུང་གོས་མ་འོངས་པར་རྒྱལ་ཁབ་ཀྱི་མངའ་ཁོངས་ལས་བརྒྱ་ཆ41བཟུང་ཡོད་པའི་རྩྭ་ཐང་བེད་སྤྱོད་གང་ལེགས་བྱེད་པའི་རྨང་གཞིའི་ཐོག་ཤུགས་ཆེན་པོས་རྩྭ་སའི་ཞིང་ལས་འཕེལ་རྒྱས་གཏང་རྒྱུ་ཡིན་པ།སྔོན་དཔག་བྱས་ན2020ལོར།རྩྭ་ལས་ཀྱི་ཁ་གསབ་འོག་རང་རྒྱལ་ནི་འབྲུ་རིགས་བརྟན་བརླིང་ངང་རང་མཁོ་འདང་ཞིང་འབྲུ་ལྷག་དང་གཟན་ཆག་ཕྱིར་གཏོང་བྱེད་པའི་དུས་རབས་གསར་པར་སླེབས་པའི་རེ་བ་ཡོད།