ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། རྒྱལ་སྲིད་སྤྱི་ཁྱབ་ཁང་གི་ཙུང་ལི་བུན་ཅ་པའོ་ཡིས་ཟླ5བའི་ཚེས22ཉིན་འཇར་པན་གྱི་རྒྱལ་ས་ཏུང་ཅིན་ནས་ཧན་གོ་རྒྱལ་ཁབ་ཀྱི་ཙུང་ཐུང་ལིས་མེན་པའོ་ལ་མཇལ་འཕྲད་གནང་།
 བུན་ཅ་པའོ་ཡིས་ད་ལྟའི་ཀྲུང་གོ་དང་ཧན་གོ་རྒྱལ་ཁབ་བར་གྱི་དཔལ་འབྱོར་ཉོ་འཚོང་མཉམ་ལས་ཀྱི་འཕེལ་ཕྱོགས་བཟང་བ་དང་། ཕྱོགས་གཉིས་ཀས2015ལོའི་ཕྱོགས་གཉིས་ཀྱི་ཉོ་འཚོང་གི་ཚད་ཨ་མེ་རི་ཁའི་སྒོར་མོ་དུང་ཕྱུར་སྟོང3དུ་བསླེབ་པའི་དམིགས་ཡུལ་མངོན་འགྱུར་བྱེད་པར་འབད་བརྩོན་བྱེད་རྒྱུ་དང་། ནུས་ཁུངས་གྲོན་ཆུང་དང་ཁོར་ཡུག་སྲུང་སྐྱོབ། ཡང་བསྐྱར་སྤྱོད་ཆོག་པའི་ནུས་ཁུངས། སྐྱེ་དངོས་ལག་རྩལ། ཆ་འཕྲིན་ལག་རྩལ་སོགས་གསར་དར་ཐོན་ལས་ཁྱབ་ཁོངས་ཀྱི་མཉམ་ལས་རྒྱ་སྐྱེད་པ་དང་། ཀྲུང་གོ་དང་ཧན་གོ་བར་གྱི་རང་མོས་ཉོ་འཚོང་ས་ཁུལ་གྱི་གྲོས་མོལ་མྱུར་མགོ་བརྩམས་ཏེ། ཕྱོགས་གཉིས་ཀའི་ཉོ་འཚོང་དངུལ་གཏོང་རང་མོས་ཅན་དང་སྟབས་བདེ་ཅན་དུ་སྒྱུར་བར་ཡར་སྐུལ་དང་། ཀྲུང་གོ་དང་ཧན་གོ་བར་གྱི་དཔལ་འབྱོར་ཉོ་འཚོང་མཉམ་ལས་ལ་སྟོབས་ཤུགས་གསར་བ་སྣོན་དགོས་ཞེས་བསྟན་པར་མ་ཟད། ཀྲུང་གོའི་ཕྱོགས་ཀྱིས་ཧན་གོ་དང་ལྷན་དུ་བྱ་འགུལ་སྤེལ་ཏེ། ཀྲུང་གོ་དང་ཧན་གོ་རྒྱལ་ཁབ་བར་འབྲེལ་བ་བཙུགས་ཏེ་ལོ20ལོན་པར་རྟེན་འབྲེལ་ཞུ་བ་དང་། རྒྱལ་ཁབ་གཉིས་ཀའི་མི་དམངས་བར་གྱི་མཛའ་བརྩེ་ཇེ་ཟབ་དུ་གཏོང་འདོད་ཡོད་ཅེས་གསུངས།  །