མཚོ་སྔོན་མི་རིགས་དཔེ་སྐྲུན་ཁང་གིས་ལོ་དུ་མའི་རིང་ལ་དཀའ་སྤྱད་ཀྱིས་རྩོམ་སྒྲིག་མཛད་པའི་གོང་ས་སྐྱབས་མགོན་པཎ་ཆེན་ཐམས་ཅད་མཁྱེན་པ་སྐུ་ཕྲེང་བཅུ་པ་ཆེན་པོའི་གསུང་འབུམ་གྱི་འགྲེམ་སྤེལ་མཛད་སྒོ་ཟླ༥པའི་ཚེས༢༠ཉིན་མཚོ་སྔོན་དུ་སྤེལ་བ་རེད།གསུང་འབུམ་དེ་པར་སྐྲུན་བྱས་པ་ཡིས་པཎ་ཆེན་རིན་པོ་ཆེའི་རྒྱལ་གཅེས་ཆོས་གཅེས་ཀྱི་སྙིང་སྟོབས་དང་མཁའ་ལྟར་ཡངས་པའི་ཐུགས་རྒྱ་མཚོན་པ་མ་ཟད།མི་རིགས་ཀྱི་རིག་གནས་དར་སྤེལ་གཏོང་བར་ཁྱད་དུ་འཕགས་པའི་དོན་སྙིང་ལྡན་ནོ།