བོད་ལྗོངས་ཀྱིས་མིའི་ཐབས་ཀྱིས་སྤང་རྒྱན་མེ་ཏོག་འདེབས་འཛུགས་བྱེད་པ་ལེགས་འགྲུབ་བྱུང་བ།

ཚེ་རིང་སྒྲོལ་མ།    མཚོ་སྔོན་བོད་སྐད་རླུང་འཕྲིན།    2011-05-04

བོད་ལྗོངས་ཀྱིས་མིའི་ཐབས་ཀྱིས་སྤང་རྒྱན་མེ་ཏོག་འདེབས་འཛུགས་བྱེད་པ་ལེགས་འགྲུབ་བྱུང་བ།བོད་ལྗོངས་ཀྱིས་མིའི་ཐབས་ཀྱིས་སྤང་རྒྱན་མེ་ཏོག་འདེབས་འཛུགས་བྱེད་པ་ལེགས་འགྲུབ་བྱུང་བ།

 

 བོད་རང་སྐྱོང་ལྗོངས་མཐོ་སྒང་སྐྱེ་དངོས་ཞིབ་འཇུག་སའོ་ཡིས་ལོ་གསུམ་རིང་གི་ཞིབ་འཇུག་བྱས་པ་བརྒྱུད།ཆེས་ཐོག་མར་བོད་ལྗོངས་ཀྱི་སྤང་རྒྱན་མེ་ཏོག་རྐང་འབུམ་གཉིས་ལྷག་རྒྱལ་ཁའི་ངང་གསོ་སྐྱོང་བྱས་པ་དང་།འདེབས་འཛུགས་བྱས་པའི་རྒྱ་ཁྱོན་མུའུ་བཅུ་ལ་བསླེབས་ཡོད།གྲུབ་འབྲས་འདིས་གཞི་ཁྱོན་ཆེན་པོའི་སྒོ་ནས་སྤང་རྒྱན་མེ་ཏོག་འདེབས་འཛུགས་བྱེད་པར་སྟོབས་དང་ལྡན་པའི་ལག་རྩལ་གྱི་རྒྱབ་སྐྱོར་འདོན་སྤྲོད་བྱས།
 བོད་ལྗོངས་ཀྱི་སྤང་རྒྱན་མེ་ཏོག་ནི་བོད་རང་སྐྱོང་ལྗོངས་ཀྱི་རིམ་པ་དང་པོའི་སྨན་རྫས་ཆེས་དཀོན་པོ་ཞིག་ཡིན་པ་དང་། དེ་བོད་ལྗོངས་དང་། སི་ཁྲོན། ཡུན་ནན་སོགས་ས་ཁུལ་དུ་ཁྱབ་ཡོད་ལ། མང་ཆེ་བ་མཚོ་ངོས་ལས་མཐོ་ཚད་ལ་མུས་སྟོང་གཉིས་ནས་མུས་སྟོང་བཞི་དང་བརྒྱད་བརྒྱ་ཡོད་པའི་མཐོ་སྒང་གི་དྲོད་ཁུལ་དང་མཐོ་སྒང་གི་གྲང་ངར་ཆེ་བའི་ས་ཁུལ་དུ་སྐྱེས་ཡོད། སྤང་རྒྱན་མེ་ཏོག་དེ་མཆིན་མཁྲིས་ཀྱི་ནད་ལ་ཕན་པ་དང་། ཚ་བ་འཇོམས་པའི་ནུས་པ་ཡོད།
 མཚམས་སྦྱོར་བྱས་བའི་གནས་ཚུལ་ལྟར་ན།བོད་ལྗོངས་ཀྱི་སྤང་རྒྱན་མེ་ཏོག་གི་ཐོན་ཁུངས་ཀྱིས་རྒྱལ་ཡོངས་ཀྱི་ཕྱེད་ཀ་ཟིན་པ་དང་།བོད་རང་སྐྱོང་ལྗོངས་མཐོ་སྒང་སྐྱེ་དངོས་ཞིབ་འཇུག་སའོ་ཡིས་མིའི་ཐབས་ཀྱིས་སྤང་རྒྱན་མེ་ཏོག་འདེབས་འཛུགས་ལེགས་འགྲུབ་བྱུང་བ་དེས་ལུག་མིག་ཐོན་ཁུངས་ཀྱི་རྒྱུན་མཐུད་བཀོལ་སྤྱོད་དང་སྐྱེ་ཁམས་ཁོར་ཡུག་སྲུང་སྐྱོབ་བྱེད་པར་དོན་སྙིང་ཧ་ཅང་གལ་ཆེན་ལྡན་ཟེར།


 

  • ལེ་ཚན་སྔོན་མ།:ཀན་སུའུ་ཞིང་ཆེན་ཀན་ལྷོ་བོད་རིགས་རང་སྐྱོང་ཁུལ་ཀླུ་ཆུ་རྫོང་གིས་ཞང་དང་གྲོང་རྡལ་གྱི་རིག་གནས་ས་ཚིགས་ལྔ་ལས
  • ལེ་ཚན་རྗེས་མ།:ཕན་ཅི་བུན་གྱིས་པིན་ལཱ་ཏན་བསད་པ་ནི་འཛམ་གླིང་ཡོངས་ཀྱི་འཇིགས་སྐུལ་ལ་ངོ་རྒོལ་བྱེད་པའི་དཀྱོགས་མཚམས་ཤིག་ཡི
  • དོ་སྣང་ཆེ་བའི་རྩོམ།