ཟླ་བ་4པའི་ཚེས་29ནས་ཟླ་བ་5པའི་ཚེས་ཉིན་བར་ཀྲུང་གོའི་ཆོས་ལུགས་གནའ་རྫས་དཔྱད་ཞིབ་པ་གྲགས་ཅན། ལུང་མིན་བྲག་ཕུག་ཞིབ་འཇུག་ཁང་གི་སྔོན་མའི་དབུ་གཙོ་ཝུའུ་ཡུས་ཁྲེང་གིས་རོང་བྲག་དུ་ཧོར་ཇིང་གིར་རྒྱལ་པོའི་དུར་སྒམ་གསང་མྱུལ་རྟོགས་ཞིབ་གནང་སྐབས་གསར་འགོད་པར་གསུང་རྒྱུར། ཧོར་ཇིང་གིར་རྒྱལ་པོའི་དུར་སྒམ་རྒྱལ་རོང་གི་རོང་བྲག་རྫོང་ཁོངས་སུ་ཡོད་ཚོད་འདུག་ཟེར།
ཝུའུ་ཡུས་ཁྲེང་ནི་འཇར་པན་རྒྱལ་ཁབ་ཀྱི་གསར་འགྱུར་ཁང་གིས་ཧོར་ཇིང་གིར་རྒྱལ་པོའི་དུར་སྒམ་རྒྱལ་དཀར་མཛེས་ཁུལ་དུ་ཡོད་ཚོད་འདུག་ཅེས་ཁྱབ་བསྒྲགས་བྱས་རྗེས་ཨང་དང་པོ་
རྒྱལ་ནང་གི་མཁས་དབང་ཚོའི་ཚབ་གནང་ནས་ཧོར་ཇིང་གིར་རྒྱལ་པོའི་དུར་སྒམ་སི་ཁྲོན་ནུབ་ཕྱོགས་སུ་ཡོད་ཚུལ་གྱི་རིག་གཞུང་བགྲོ་གླེང་བྱེད་གྱི་མཁས་དབང་ཞིག་རེད། 2009ལོའི་ཟླ་བ9པའི་ཚེས་28ཉིན། འཇར་པན་རྒྱལ་ཁབ་ཀྱི་གསར་འགྱུར་ཁང་གིས་ཧོར་ཇིང་གིར་རྒྱལ་པོའི་དུར་སྒམ་རྒྱལ་དཀར་མཛེས་ཁུལ་དུ་ཡོད་ཚོད་འདུག་ཟེར། རྒྱུ་མཚན་ནི། ཧོར་ཇིང་གིར་རྒྱལ་པོའི་ཉེ་རྒྱུད་ཡིན་པའི་ཀྲུང་གོའི་སོག་རིགས་བུད་མེད་ཞིག་གིས་ཧོར་ཇིང་གིར་རྒྱལ་པོའི་དུར་སྒམ་རྒྱལ་དཀར་མཛེས་ཁུལ་དུ་ཡོད་ཅེས་འཛམ་གླིང་དུ་ཁྱབ་བསྒྲགས་བྱས་པ་རེད། འོན་ཀྱང་རྒྱལ་ནང་དུ་དེའི་སྐོར་གྱི་ལྟ་ཚུལ་བཤད་མཁན་གྱི་མཁས་པ་གཅིག་ཀྱང་གདོང་དུ་མ་ལོངས། ཟླ་བ་10པའི་ཚེས་15ཉིན་ཀྲུང་གོའི་ཆོས་ལུགས་གནའ་རྫས་དཔྱད་ཞིབ་པ་གྲགས་ཅན་ཝུའུ་ཡུས་ཁྲེང་གིས་རང་གི་ལྟ་ཚུལ་〈ཏ་ཞའོ་ཚགས་པར་ཁང་〉གི་གསར་འགོད་པར་བཤད་པས་རྒྱ་ཕྱི་ནང་དུ་སྐད་གྲགས་ཁྱབ་པ་རེད།
མཁས་དབང་ཝུའུ་ཡུས་ཁྲེང་ལགས་ནང་སོག་ཏུ་རྟོགས་ཞིབ་ཕེབས་སྐབས་ཧུའུ་ནུའུ་པེར་གྲོང་ཁྱེར་གྱི་འཐབ་འགྱུར་པུའུ་ཀྲང་དང་ཁ་བརྡ་ལབ་དུས་པུའུ་ཀྲང་གིས་སོག་པོའི་ཇ་མ་ཞིག་གིས་ཧོར་ཇིང་གིར་རྒྱལ་པོའི་དུར་སྒམ་དཀར་མཛེས་ཁུལ་དུ་ཡོད་པའི་གནས་ཚུལ་བཤད་པས་ཁྱེད་ཀྱིས་ཡིད་གཟབ་གནང་རོགས་ཞེས་ལབ།  མཁས་དབང་ཝུའུ་ཡུས་ཁྲེང་ལགས་ཕྱིར་པེ་ཅིང་དུ་ཕེབས་རྗེས་རྒྱ་རིགས་དང་སོག་རིགས་ཀྱི་དཔྱད་གཞིའི་ཡིག་མང་དག་ཞིག་བལྟས་རྗེས་ཧོར་ཇིང་གིར་རྒྱལ་པོའི་དུར་སྒམ་དེ་སི་ཁྲོ་ནུབ་ཕྱོགས་སུ་ཡོད་པའི་དཔྱད་གཞི་མང་པོ་ཞིག་རྙེད་པ་རེད། ཁོང་གིས་ཧོར་ཇིང་གིར་རྒྱལ་པོ་རྒྱལ་རོང་ཕྱོགས་སུ་དམག་སྐྱོད་བྱས་པའི་ས་ཁྲ་བྲིས་ནས་དཔྱད་ཞིབ་ཟབ་མོ་གནབ་བ་རེད།
   ད་ཐེངས་ཁོང་རོང་བྲག་དུ་ཕེབས་ནས་ས་གནས་དེའི་དམངས་ཁྲོད་རྒན་རབས་པ་དང་བླ་སྤྲུལ་སོགས་ལ་གནས་ཚུལ་དྲིས་པ་དང་ས་གནས་དངོས་སུ་རྟོག་ཞིབ་ནན་ཏན་གནང་བས་ཧོར་ཇིང་གིར་རྒྱལ་པོའི་དུར་སྒམ་རྒྱལ་རོང་གི་རོང་བྲག་རྫོང་ཁོངས་སུ་ཡོད་ཚུལ་གྱི་བདེན་དཔང་མང་དག་རྙེད་ཅིང་།  ལྷག་པར་དུ་རྒྱལ་རོང་དང་སོག་པོའི་བར་འབྲེལ་བ་ཆགས་ཚུལ་གྱི་བདེན་དཔང་དུ་ཧོར་ཡིག་གསར་མ་བྲིས་པའི་ལྷ་ཁང་དང་། ཡོན་རྒྱལ་རབས་ཀྱི་མཇུག་ནས་མིང་རྒྱལ་རབས་ཀྱི་འགོའི་བར་བྲིས་པའི་གྱང་ལྷ་མང་དག་ཀྱང་རྙེད་པ་རེད། ཁོང་གིས་རྟོགས་ཞིབ་མཇུག་བསྒྲིལ་རྗེས་གསར་འགོད་པར་གསུང་རྒྱུར། ད་ཐེངས་ཀྱི་རྟོགས་ཞིབ་ལ་གྲུབ་འབྲས་ཡོད་པོ་ཐོབ་སོང་།  ཧོར་ཇིང་གིར་རྒྱལ་པོའི་དུར་སྒམ་རྒྱལ་རོང་གི་རོང་བྲག་རྫོང་ཁོངས་སུ་ཡོད་པའི་བདེན་དཔང་དེ་བས་ཟབ་མོ་ཐོབ་སོང་གསུངས།