པེ་ཅིན་གྲོང་ཁྱེར་ཏ་ཞིན་ཁུལ་ལ་མེ་དགྲ་བྱུང་ནས་མི་སྣར་ཤི་རྨས་ཚབས་ཆེན་བཟོས་པ།

ཕྱུག་ལོ།    མཚོ་སྔོན་བོད་སྐད་རླུང་འཕྲིན།    2011-04-28

ཚེས་ཉེར་བཞི་ཉིན་གྱི་ནམ་གུང་གི་དུས་ཚོད་གཅིག་དང་སྐར་མ་བཅུ་གསུམ་སྟེང་།པེ་ཅིན་གྲོང་ཁྱེར119བཀོད་འདོམས་ལྟེ་གནས་ལ་པེ་ཅིན་གྲོང་ཁྱེར་གྱི་ཏ་ཞིན་ཁུལ་ཅིག་ཀོང་གྲོང་བརྡལ་གྱི་སྲང་ལམ་ཆུང་བའི་བརྩེགས་རིམ་བཞི་ཅན་གྱི་ཁང་པ་ཞིག་མེར་འབར་བའི་ཉེན་བརྡའི་ཁ་པར་འབྱོར་བ་དང་།ཉེན་བརྡ་འབྱོར་རྗེས་པེ་ཅིན་གྲོང་ཁྱེར་སྤྱི་བདེ་ཅུའུ་ཡིས་མྱུར་དུ་མེ་གསོད་རུ་འབྲིང་བདུན་དང་མེ་གསོད་རླངས་འཁོར་ཉེར་བདུན།དཔོན་དམག་ཉིས་བརྒྱ་དང་། སྤྱི་བདེ་དང་འགྲིམ་འགྲུལ།འཕྲོད་བསྟེན་སོགས་སྡེ་ཁག་མེ་དགྲ་འབྱུང་སར་མངགས།ནམ་གུང་གི་དུས་ཚོད་གཉིས་སྟེང་མེ་བསད་ཚར། ཐོག་མར་ཞིབ་བཤེར་བྱས་པ་ལྟར་ན།དོན་རྐྱེན་ལས་མི་བཅུ་བདུན་རྐྱེན་ལམ་དུ་ཤོར་བ་དང་། མི་ཉེར་བཞི་ལ་རྨས་ཕོག་ཅིང་།མི་སུམ་ཅུ་ལྷག་བདེ་འཇགས་ངང་ས་གཞན་དུ་སྤར་ཟེར།
 དོན་རྐྱེན་བྱུང་རྗེས།པེ་ཅིན་གྲོང་ཁྱེར་ཏང་ཨུ་དང་གྲོང་ཁྱེར་སྲིད་གཞུང་གིས་ཧ་ཅང་མཐོང་ཆེན་བྱས་པ་དང་།ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་ཨུ་ཡོན།པེ་ཅིན་གྲོང་ཁྱེར་གྱི་ཏང་ཨུའི་ཧྲུའུ་ཅི་ལིག་ཆི་དང་།པེ་ཅིན་གྲོང་ཁྱེར་ཏང་ཨུའི་ཧྲུའུ་ཅི་གཞོན་པ།ཧྲི་ཀྲང་གོ་ཅིན་ལུང་གཉིས་དོན་རྐྱེན་བྱུང་སར་སོང་ནས།སྟོབས་ཤུགས་ཡོད་ཚད་བཏོན་ནས་རྨས་མ་མྱུར་སྐྱོབ་བྱེད་དགོས་པ་དང་།མྱུར་དུ་དོན་དག་གི་འབྱུང་རྐྱེན་རྩད་གཅོད་ནན་མོ་བྱེད་དགོས་པའི་རེ་བ་བཏོན།
 ད་ལྟ་འབྲེལ་ཡོད་བྱ་བ་རྣམས་གོ་རིམ་ལྡན་པའི་སྒོ་ནས་སྒྲུབ་བཞིན་ཡོད་ལ།རྨས་མ་རྣམས་པེ་ཅིན་ཅི་ཧྲོས་ཐན་སྨན་ཁང་དུ་བསྐྱལ་ནས་སྨན་བཅོས་བྱེད་བཞིན་ཡོད།
  • ལེ་ཚན་སྔོན་མ།:པེ་ཅིན་གྲོང་ཁྱེར་ཏ་ཞིན་ཁུལ་ལ་མེ་དགྲ་བྱུང་ནས་མི་སྣར་ཤི་རྨས་ཚབས་ཆེན་བཟོས་པ།
  • ལེ་ཚན་རྗེས་མ།:ཧོར་ཇིང་གིར་རྒྱལ་པོའི་དུར་སྒམ་རྒྱལ་རོང་གི་རོང་བྲག་རྫོང་ཁོངས་སུ་ཡོད་ཚོད་འདུག
  • དོ་སྣང་ཆེ་བའི་རྩོམ།