ཟླ་བཞི་བའི་ཚེས་ཉེར་གཉིས་ཉིན། “སའི་གོ་ལའི་ཐོན་ཁུངས་ལ་གཅེས་སྤྲས་བྱས་ནས་འཕེལ་རྒྱས་ཀྱི་རྣམ་པ་བསྒྱུར་བ།”ཞེས་པ་བརྗོད་བྱ་ཡིན་པའི་འཛམ་གླིང་གི་སའི་གོ་ལའི་ཉིན་མོའི་རྗེས་དྲན་བྱེད་པའི་བྱ་འགུལ་མཚོ་སྔོན་ཞིང་ཆེན་ཟི་ལིང་གྲོང་ཁྱེར་ལུས་རྩལ་ཁང་གི་ལྷོ་ཕྱོགས་ནས་བསྡུས། མཚོ་སྔོན་ཞིང་ཆེན་སྲིད་གྲོས་ཀྱི་ཀྲུའུ་ཞི་གཞོན་པ་རིན་ཆེན་རྣམ་རྒྱལ་ཉིན་དེའི་བྱ་འགུལ་ལ་ཞུགས།
ཉིན་དེར་ཟི་ལིང་གི་སློབ་གླིང་སོ་སོ་དང་སྡོད་ཁུལ་སོགས་ཀྱིས་ཀྱང་ས་གཤིས་ཀྱི་གྲུབ་ཤུལ་དང་ས་གཤིས་ཀྱི་རིག་གནས་འཕེལ་རྒྱས་ལ་གཅེས་སྤྲས་པ་བྱེད་སོགས་བརྗོད་བྱར་བཟུང་ནས་འཛམ་གླིང་གི་སའི་གོ་ལའི་ཉིན་མོར་རྗེས་དྲན་བྱེད་པའི་བྱ་འགུལ་སྣ་ཚོགས་སྤེལ།
ཉིན་དེར་ད་དུང་སའི་གོ་ལར་སྲུང་སྐྱོབ་བྱེད་པའི་དྲིལ་སྒྲོག་རྒྱུ་ཆ་ཁྲི་གཉིས་བཀྲམས་པ་དང་། སའི་གོ་ལར་སྲུང་སྐྱོབ་བྱེད་པའི་ཁུག་མ་སྟོང་གཉིས་བཀྲམས།