ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཉེ་དུས་སྤྱི་ལོ2014ལོའི་གྲོང་གསེབ་ཀྱི་དགེ་རྒན་ཡག་ཤོས་འཚོལ་བ་ཞེས་པའི་རྣམ་པ་ཆེ་གྲས་ཀྱི་སྤྱི་ཕན་བྱེད་སྒོའི་བྱ་དགའ་སྤྲོད་པའི་མཛད་སྒོ་དེ་ཀྲུང་དབྱང་བརྙན་འཕྲིན་ལས་ཁུངས་ཀྱིས་ཕབ་བཟོ་བྱས་ཟིན་པ་རེད། གྲོང་གསེབ་ཀྱི་དགེ་རྒན་ཡག་ཤོས་བྱ་དགའ་སྤྲོད་པའི་གར་སྟེགས་ཐོག་ཏུ་བསྐྱོད་མ་ཐག་མི་རྣམས་ཀྱིས་ཆེས་ཡིད་ལ་གཟབ་ཤོས་ཀྱི་སྨོན་འདུན་དེ་གྲོང་གསེབ་ཀྱི་དགེ་རྒན་ཡག་ཤོས་ལ་སྒྲོན་ཡོད་པ་རེད།

བྱ་དགའ་སྤྲོད་པའི་མཛད་སྒོའི་ཐོག་ཏུ་བབ་ཆགས་དང་མི་སེམས་འགུལ་བའི་བྱ་སྤྱོད་ཀྱིས་མི་རྣམས་ལ་དྲང་ཕྱོགས་སྟོབས་ཤུགས་བརྒྱུད་སྤྲོད་བྱས་ཡོད་པ་དང་ཕུགས་འདུན་དང་རེ་བ་བརྒྱུད་སྤྲོད་བྱས་ཡོད་ཅིང་། གྲོང་གསེབ་ཀྱི་དགེ་བའི་བཤེས་མཉེན་ཡག་ཤོས་ཀྱི་མི་སེམས་འགུལ་བའི་བྱ་སྤྱོད་དེས་ཚོགས་ར་དངོས་སུ་ཡོད་པའི་མི་རྣམས་ལ་ཡིད་སེམས་འགུལ་བའི་མིག་ཆུའི་ཐིག་ཕྲེང་ཟག་ཏུ་བཅུག་ཡོད་པ་རེད།

དེ་སྔོན་ཕྱི་འབྲེལ་དཔོན་ཡིན་པའིa་ཀྲུའུ་མིན་ཚའེ་དང་ཁོང་གི་སྐུ་ཟླ་སུན་ལི་ནཱ་གཉིས་ནི་ལས་འཁྱུར་ངལ་གསོ་ཞུས་རྗེས་པེ་ཅིན་ནས་ཞལ་གྱེས་ཏེ་ཀུའེ་ཀྲོའུ་རི་ཁུལ་དུ་སློབ་སྐྱོར་ལ་ཕེབས་ཡོད་པ་རེད། རྒན་རྒོན་གཉིས་པོས་འདི་གར་དུས་ཡུན་ལོ་ངོ་དགུའི་རིང་འཚོ་བ་བསྐྱལ་བ་དང་སྔ་རྗེས་སུ་གྲོང་གསེབ་ཀྱི་སློབ་ཆུང་བརྒྱད་ལ་སློབ་ཁྲིད་གནང་མྱོང་ཡོད་པ་རེད། དེ་གར་ཁོར་ཡུག་ཆ་རྐྱེན་མི་ལེགས་པའི་དབང་གིས་ཀྲུའུ་མིན་ཚའེ་ལ་ནད་གཞི་སྣ་ཚོགས་ཕོག་པ་དང་ཡུན་རིང་མ་སོང་གོང་ཁོང་གི་སྐུ་ཟླའི་མིག་གཡས་པར་ཡལ་བའི་རང་བཞིན་གྱི་ལོང་བའི་ནད་གཞི་ཐོན་ཡོད་པ་རེད།

བྱ་དགའ་སྤྲོད་པའི་མཛད་སྒོའི་ཐོག་ཏུ་གྲོང་གསེབ་ཀྱི་དགེ་རྒན་ཡག་ཤོས་ཀྱིས་བློ་བརྟན་འགྱུར་མེད་དང་ཕྱོགས་རིས་མེད་པར་ལེགས་སྐྱེས་འབུལ་བའི་བླ་ན་མེད་པའི་ཀུན་སྤྱོད་ལ་བསྟོད་གླུ་བླངས་ཡོད་པ་རེད།  །