ཀྲུང་གོའི་བོད་ཀྱི་དྲ་བའི་འཕྲིན། ཉེ་ཆར་གསར་འགོད་པས་བོད་རང་སྐྱོང་ལྗོངས་སྡོད་ཁང་དང་གྲོང་ཁྱེར་དང་གྲོང་གསེབ་འཛུགས་སྐྲུན་ཐིང་ནས་ཤེས་རྟོགས་བྱུང་གསལ།བོད་ཀྱི་སྲོལ་རྒྱུན་གྱི་གྲོང་ཚོ་སྟེ་ཀོང་པོ་རྒྱ་མདའ་རྫོང་མཚོ་མགོ་གྲོང་ཚོ་དང་སྐྱིད་གྲོང་རྫོང་སྤང་ཞིང་གྲོང་ཚོ་གཉིས་ཀྲུང་གོའི་སྲོལ་རྒྱུན་གྱི་གྲོང་ཚོའི་མིང་ཐོའི་ནང་བཅུག་ནས་ཀྲུང་དབྱང་ནོར་སྲིད་ཀྱི་རྒྱབ་སྐྱོར་ཐོབ་སྟེ་སྲུང་སྐྱོང་བྱ་ཤུགས་ཆེ་རུ་གཏོང་རྒྱུ་རེད།

བོད་ལྗོངས་སྡོད་ཁང་འཛུགས་སྐྲུན་ཐིང་གྲོང་ཁྱེར་དང་གྲོང་གསེབ་འཛུགས་སྐྲུན་ཁྲུའི་ཁྲུའུ་ཀྲང་ལི་ཤིན་ཁྲང་གིས་མཚོ་མགོ་གྲོང་ཚོ་དང་སྤང་ཞིང་གྲོང་ཚོར་ཀྲུང་དབྱང་ནོར་སྲིད་ཀྱི་རྒྱབ་སྐྱོར་ཐོབ་རྗེས་གྲོང་ཚོ་གཉིས་པོའི་སྲུང་སྐྱོང་དང་འཕེལ་རྒྱས་ལ་ཕན་པ་ཐོབ་རྒྱུ་རེད།སླད་ཕྱིན་སྲུང་སྐྱོང་དང་འཕེལ་རྒྱས་འཆར་འགོད་བཟོ་བ་དང་སྲུང་སྐྱོང་དང་དོ་དམ་ལམ་སྲོལ་བཙུགས་ནས་སྲུང་སྐྱོང་འཆར་འགོད་ཀྱི་འཛུགས་སྐྲུན་བྱ་སྤྱོད་ལ་རྒྱབ་འགལ་བྱ་རྒྱུ་གཏན་འགོག་དང་སྲོལ་རྒྱུན་གྱི་གྲོང་ཚོའི་མིང་ཐོའི་ནང་བཅུག་པའི་གྲོང་ཚོ་གཉིས་རྒྱུན་མཐུད་འཕེལ་རྒྱས་ཡོང་རྒྱུར་སྐུལ་མ་གཏོང་རྒྱུ་རེད་ཅེས་བཤད།

ཤེས་རྟོགས་བྱུང་བར་གཞིགས་ན།མཚོ་མགོ་གྲོང་ཚོ་ནི་བྲག་གསུམ་མཚོའི་ཟུར་དུ་གནས་པ་དང་ཉིང་ཁྲི་ས་ཁུལ་གྱི་ཉར་ཚགས་ཆ་ཚང་ཤོས་ཀྱི་གནའ་བོའི་གྲོང་ཚོའི་གྲས་ཤིག་ཡིན་པ་དེར་ཀོང་པོའི་སྲོལ་རྒྱུན་གྱི་རྣམ་པ་ཟབ་མོ་ལྡན་ཡོད་པ་དང་སྤང་ཞིང་གྲོང་ཚོའི་མཐའ་མཚམས་ཀྱི་གྲོང་རྡལ་ཆུང་ངུ་སྐྱིད་གྲོང་དུ་གནས་པས་དེའི་སྡོད་ཁང་མང་ཆེ་བ་རྡོ་དང་ཤིང་ལས་གྲུབ་ཡོད་སྟབས་དཔེ་མཚོན་གྱི་བོད་བཟོའི་ནགས་ཁུལ་འཛུགས་སྐྲུན་གྱི་ཉམས་འགྱུར་ཟབ་མོ་ལྡན་ཡོད།གྲོང་ཚོ་གཉིས་པོའི་འཛུགས་སྐྲུན་གྱི་བཀོད་པ་སོགས་ཐད་མཚོན་བྱེད་རང་བཞིན་ངེས་ཅན་ལྡན་ཡོད་པ་རེད།  །