ཞིན་ཧྭ་གསར་འགྱུར་ཁང་ཞང་ཀང་ནས་ཟླ3པའི་ཚེས21ཉིན་འབྱོར་བའི་གློག་འཕྲིན། ཞང་ཀང་དམིགས་བསལ་ས་ཁུལ་སྲིད་གཞུང་གིས་གོང་ཚེས་ཉིན་མུག་སྐྱོབ་མ་དངུལ་འདྲི་གཅོད་ཨུ་ཡོན་ལྷན་ཁང་གི་གྲོས་གཞི་ལ་དང་ལེན་བྱས་པར་མུག་སྐྱོབ་མ་དངུལ་ནས་ཞང་ཀང་ཤོག་སྒོར་ཁྲི200གཏོང་ཆོག་པའི་ཆོག་མཆན་བཀོད་དེ་ཞང་ཀང་འཛམ་གླིང་གསལ་བསྒྲགས་ཚོགས་པ་བརྒྱུད་ནས་ཡུན་ནན་ས་འགུལ་ལས་གནོད་ཐེབས་མང་ཚོགས་ལ་མུག་སྐྱོབ་བྱས་པ་རེད།
   དམིགས་བསལ་ས་ཁུལ་གྱི་སྲིད་གཞུང་གི་གསུངས་བཤད་གནང་མཁན་གྱིས་ཐེངས་འདིའི་མ་དངུལ་སྤྲད་པ་དེས་ཡུན་ནན་ས་འགུལ་ལས་གནོད་ཐེབས་མང་ཚོགས་ལ་འོས་འཚམ་གྱི་རོགས་རམ་ཐོབ་པའི་རེ་བ་བཏོན་ལ། མུག་སྐྱོབ་ལས་ཁུངས་ཀྱི་མུག་སྐྱོབ་འཆར་གཞི་ལེགས་གྲུབ་བྱུང་རྗེས། ཨུ་ཡོན་ཚོགས་པས་ཞིབ་བཤེར་སྙན་སྒྲོན་དང་རྩིས་ཐོ་ཞིབ་བཤེར་གཏན་འབེབས་ཡར་སྤྲད་དགོས་པའི་རེ་བ་བཏོན་ཏེ་མ་དངུལ་སྤྱོད་པར་སྟོན་རྒྱུ་ཡོད་པའི་ཁག་ཐེག་བྱེད་དགོས།
      ཞང་ཀང་མུག་སྐྱོབ་ཐེབས་རྩའི་ལྷན་ཚོགས་ནི1993ལོའི་ཟླ་བ12པར་བཙུགས། སྲིད་དོན་སིའི་སི་ཀྲང་གིས་ཨུ་ཡོན་ལྷན་ཚོགས་ཀྱི་ཀྲུའུ་ཞིའི་འགན་ཁུར། ཞང་ཀང་མིན་པའི་གནོད་འཚེ་ཐེབས་པའི་ས་གནས་ལ་བྲེལ་མྱུར་གྱི་རོགས་སྐྱོབ་མཁོ་འདོན་བྱ་རྒྱུ་ཡིན་པ།