ལོ་ལྔའི་འཆར་གཞི་བཅུ་གཉིས་པའི་སྐབས་ནི་མཚོ་ནུབ་སོག་རིགས་དང་བོད་རིགས་རང་སྐྱོང་ཁུལ་གྱིས་ཞིང་ཆེན་ཡོངས་སུ་ཐོག་མར་འབྱོར་འབྲིང་སྤྱི་ཚོགས་འབད་འཐབ་བྱེད་པའི་དམིགས་འབེན་ཕྱོགས་ཡོངས་ནས་མངོན་འགྱུར་བྱེད་པའི་དུས་སྐབས་གལ་ཆེན་ཞིག་ཡིན་ལ། ཚྭ་འདམ་གཞོང་སའི་འཁོར་སྐྱོད་དཔལ་འབྱོར་ཚོད་ལྟ་ས་ཁུལ་དང་མཁར་གྲོང་གཞི་གཅིག་ཅན་དུ་བསྒྱུར་བའི་དཔེ་སྟོན་ས་ཁུལ་མྱུར་དུ་འཛུགས་སྐྲུན་བྱེད་པའི་དུས་སྐབས་གཙོ་བོ་ཞིག་ཡིན་པར་མ་ཟད། ཚན་རྩལ་ལ་བརྟེན་ནས་འཕེལ་རྒྱས་ཀྱི་རྣམ་པ་མྱུར་དུ་བསྒྱུར་བ་དང་། དཔལ་འབྱོར་དང་སྤྱི་ཚོགས་ལ་འཕེལ་རྒྱས་ཆེན་པོ་འབྱུང་བར་འབད་འཐབ་བྱེད་པའི་དུས་སྐབས་ཤིག་ཀྱང་ཡིན། 
 «མཚོ་ནུབ་ཁུལ་རྒྱལ་དམངས་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་ལོ་ལྔའི་འཆར་གཞི་བཅུ་གཉིས་པའི་རྩ་གནད»དེས་ཕྱིན་ཆད་ཀྱི་ལོ་ལྔའི་ནང་མཚོ་ནུབ་ཁུལ་གྱི་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་འགུལ་སྐྱོད་རྩ་གནད་གཏན་ལ་ཕབ། ལོ་ལྔའི་འཆར་གཞི་བཅུ་གཉིས་པའི་སྐབས་སུ་མཚོ་ནུབ་ཁུལ་གྱི་ས་ཁུལ་གྱི་ཐོན་སྐྱེད་ཀྱི་སྤྱིའི་ཐོན་རིན་ལོ་རེར་བརྒྱ་ཆའི་བཅོ་བརྒྱད་འཕར་སྣོན་འབྱུང་བ་དང་།  སྤྱིའི་ཐོན་རིན་སྒོར་དུང་ཕྱུར་སྟོང་གཅིག་ལ་སླེབས་པ། བཟོ་ལས་ཀྱི་སྤྱིའི་ཐོན་རིན་སྒོར་དུང་ཕྱུར་བརྒྱད་བརྒྱར་སླེབས་པ་གཏན་འཁེལ་བྱས་ཡོད།