ཉིས་སྟོང་བཅུ་གཅིག་ལོའི་མཚོ་སྔོན་ཁྲི་ཀ་ཡུལ་གྱི་ལྗོངས་རྒྱུ་འཛུགས་སྐྲུན་ཐད་ཀྱི་རིག་རྩལ་གལ་ཆེན་ཏེ། སྐབས་དྲུག་པའི་ཁྲི་ཀ་རྨ་ཆུའི་རིག་གནས་ལྗོངས་རྒྱུ་དུས་ཆེན་དེ་ཟླ་བཞི་བའི་ཚེས་བཅུ་བདུན་ཉིན་མགོ་རྩོམ་པའི་མཛད་སྒོ་བསྡུ་རྒྱུ་ཡིན་པ་དང་། ད་ལོའི་རྨ་ཆུའི་རིག་གནས་ལྗོངས་རྒྱུ་དུས་ཆེན་མགོ་རྩོམ་པའི་མཛད་སྒོའི་སྐབས་སུ། ཚོགས་ཆེན་ཚན་ཁག་ཨུ་ཡོན་ལྷན་ཁང་གིས་རྒྱལ་ནང་གི་མིང་དུ་གྲགས་པའི་ན་གཞོན་གླུ་བ་ཀོ་ཧྥུན་དང་དབྱང་ཅན་ལྷ་མཛེས། བསོད་ནམས་བཀྲ་ཤིས། འཕྱོངས་ཞོལ་སྒྲོལ་མ་སོགས་གདན་དྲངས་ཡོད་ལ། དེ་མིན་ད་རུང་ཞིང་ཆེན་ནང་ཁུལ་གྱི་བརྙན་ལེན་པ་བརྒྱ་ཙམ་གདན་དྲངས་ནས་ཡུལ་ལྗོངས་ཀྱི་མཛེས་སྡུག་བརྙན་པར་དུ་འགོད་པ་སོགས་ཀྱི་བྱ་འགུལ་སྟེ། ངོ་མཚར་བའི་གཟི་མདངས་ཞེས་པའི་གླུ་གར་སྒྱུ་རྩལ་གྱི་འགྲན་བསྡུར་ཆེན་མོ་དང་། ལྒང་ལི་འགྲན་བསྡུར། རི་མོ་དང་པར་རིས་། རྨ་ཆུའི་རྡོ་ངོ་མཚར་ཅན་གྱི་འགྲེམ་སྟོན། རྒྱལ་ཁབ་གཟུགས་འདུས་རིག་གནས་ཤུལ་བཞག སྲུང་གཞུག་རྩེད་རིག མང་ཚོགས་ཀྱི་ཐང་ཆེན་རིག་རྩལ་བྱ་འགུལ་སོགས་སྤེལ་རྒྱུ་རེད།