མཚོ་སྔོན་ཞིང་ཆེན་ཁོར་ཡུག་སྲུང་སྐྱོབ་ཐིན་གྱིས་ཡིག་ཆ་དང་པོ་སྒྲོག་སྦྱོང་བྱེད་པའི་བྱ་འགུལ་ཁྲོད། རང་སྟེང་གི་ཐོན་ཁོངས་དང་འཕྲིན་གསར་གྱི་ཁྱད་སྟོབས་འདོན་སྤེལ་གང་ལེགས་བྱེད་ཆེད། ཧུར་ཐག་སྒོས་མགོ་ལོག་བོད་རིགས་རང་སྐྱོང་ཁུལ་དར་ལག་རྫོང་རྒྱུད་སྨད་གྲོང་བརྡལ་ནས། ཞིང་སྡེ་ཁོར་ཡུག་ཕྱོགས་བསྡུས་བཅོས་སྐྱོང་བྱ་བར་རོགས་སྐྱོར་དང་ཁྲིད་སྟོན་བྱས་ཏེ། ཤུགས་ཆེན་པོས་ཁོར་ཡུག་གི་གནས་བབ་ལ་བཅོས་སྒྱུར་བྱས་ནས་རིམ་བཞིན་སྐྱེ་ཁམས་མཁར་གྲོང་འཛུགས་སྐྲུན་བྱེད་པར་སྐུལ་འདེད་བཏང་།
  ཞིང་ཆེན་ཁོར་ཡུག་སྲུང་སྐྱོབ་ཐིན་སྒྲོག་སྦྱོང་ཚན་ཆུང་གིས་རྒྱུད་སྨད་གྲོང་བརྡལ་གྱི་དཔལ་འབྱོར་སྤྱི་ཚོགས་ཕྱོགས་ཡོངས་ནས་འཕེལ་རྒྱས་སུ་གཏོང་བར་སྐུལ་འདེད་གཏོང་རྒྱུ་དེ། སྔར་ལས་ལྷག་པར་ཚན་རིག་གི་འཕེལ་རྒྱས་ལྟ་བ་དང་། ཕྱོགས་ཡོངས་ནས་ཏང་དང་རྒྱལ་ཁབ་གྱི་ཞིང་བར་རྒྱབ་སྐྱོར་དང་ཞིང་ལས་ལ་ཕན་པའི་སྲིད་ཇུས་ལག་ལེན་མཐར་ཕྱིན་བྱེད་པའི་ བྱེད་ཐབས་གཙོ་བོར་རྩིས་ནས་དམ་འཛིན་དང་། ཡིག་ཆ་དང་པོ་སྒྲོག་སྦྱོང་བྱེད་པ་དང་ཟུང་འབྲེལ་བྱས་ཏེ་བཞུགས་མོལ་ཚོགས་འདུ་དང་། རོང་འབྲོག་པའི་ཁྱིམ་དུ་འགྲོ་བ། རྟོག་དཔྱོད་འདྲི་གཞི་བཀྲམས་པ། ཡུལ་དངོས་ནས་རྟོག་དཔྱོད་བྱེད་པ་སོགས་ཀྱི་བྱེད་ཐབས་སྤྱད་དེ། ཕྱོགས་ཡོངས་ནས་སྐྱེ་ཁམས་ཁོར་ཡུག་སྲུང་སྐྱོབ་ཐད་ཀྱི་དོན་དངོས་གནས་ཚུལ་དང་། དབུལ་སྐྱོར་རོགས་སྐྱོར་འཆར་གཞིར་ཞིབ་འཇུག་གཏན་འབེབས་བྱས་ཏེ། བསམ་བློར་སྣེ་ཁྲིད་དང་དམིགས་འབེན་ལས་འགན། འགན་སྲུང་བྱེད་ཐབས་བཅས་ཕྱོགས་ཡོངས་ནས་ཁ་གཏད་རོགས་སྐྱོར་བྱ་བའི་ལས་འགན་གསལ་བོ་བྱས་ནས། གནས་གཏན་འཁེལ་གྱིས་དབུལ་སྐྱོར་བྱ་བ་བདེ་ལེགས་ངང་སྒྲུབ་པར་རྨང་གཞི་བརྟན་པོ་ཞིག་བཏིང་བ་དང་། སྒྲོག་སྦྱོང་ཚན་ཁག་གིས་དར་ལག་རྫོང་རྒྱུད་སྨད་གྲོང་བརྡལ་གྱི་ཞིང་སྡེ་ཁོར་ཡུག་ཕྱོགས་བསྡུས་བཅོས་སྐྱོང་ལས་གཞི་ཡུལ་དངོས་ནས་རྟོག་དཔྱོད་བྱས་པ་བརྒྱུད་དེ། སྐྱེ་ཁམས་སྤྱོད་ཁང་གི་འཆར་འགོད་གནས་ཚུལ་དང་གད་སྙིགས་བསྡུ་ས་བཅས་ས་གནས་སྲིད་གཞུང་དང་མཉམ་དུ་གྲོས་བསྡུར་བྱས་ཏེ། དར་ལག་རྫོང་རྒྱུད་སྨད་གྲོང་བརྡལ་ནས་གད་སྙིགས་སྐྱེལ་འདྲེན་དང་བཙོག་ཆུ་མེད་པར་གཏོང་བ། ཆུ་ཁོངས་སྲུང་སྐྱོབ་སོགས་ཞིང་ཕྱུགས་ལས་ས་ཁུལ་གྱི་ཕྱོགས་བསྡུས་བཅོས་སྐྱོང་ལས་གཞི་འཆར་འགོད་བྱས་ཏེ། འབད་བརྩོན་གྱིས་དར་ལག་རྫོང་གི་སྐྱེ་ཁམས་སྲུང་སྐྱོབ་དང་ཞིང་སྡེ་ཁོར་ཡུག་ཕྱོགས་བསྡུས་བཅོས་སྐྱོང་ལས་གཞི་ལག་བསྟར་བྱེད་པ་དང་། རྨ་འབྲི་རྫ་གསུམ་ཆུ་བོའི་འབྱུང་ཡུལ་གྱི་མཁར་གྲོང་ཆུང་བའི་ཁོར་ཡུག་ཕྱོགས་བསྡུས་བཅོས་སྐྱོང་བྱེད་པ་བཅས་ཀྱི་ཐད་ལ་དཔེ་སྟོན་སྣེ་ཁྲིད་ཀྱི་ནུས་པ་བཏོན།