རྒྱས་ལོན་བྱུང་པའི་གནས་ཚུལ་ལྟར་ན། མིག་སྔར་མཚོ་སྔོན་ཞིང་ཆེན་དུ་ཁང་བརྩེགས་མཐོན་པོ་བདུན་བརྒྱ་དང་ལྔ་བཅུ་ང་གསུམ་ལས་ཡོད་པ་དང་། དེ་དག་གི་བར་ཐག་ཉེ་བའི་ཁར་སྡོད་དམངས་ཀྱི་མེ་གསོད་བདེ་འཇགས་ཀྱི་འདུ་ཤེས་དམའ་བ་དང་། མེ་གསོད་རྨང་གཞི་འཛུགས་སྐྲུན་དང་མེ་གསོད་ཆེད་ལས་ཤུགས་ཚད་མི་འདང་བ་སོགས་ཀྱིས་མེ་གསོད་བྱ་བར་ཕྱོགས་ཡོངས་སུ་ཤུགས་རྐྱེན་ཐེབས། དེ་བས་མཚོ་སྔོན་ཞིང་ཆེན་གྱིས་ད་ལོར་མེ་གསོད་དཔུང་སྡེ་དང་མེ་གསོད་སྒྲིག་ཆས་འཛུགས་སྐྲུན་བྱ་བ་སྔར་ལས་ཇེ་ལེགས་སུ་བཏང་སྟེ་ཟི་ལིང་སྐྱེ་དངོས་གླིང་དང་མཚོ་ཤར་སོགས་ས་ཁུལ་དུ་མེ་གསོད་ས་ཚིགས་བརྒྱད་འཛུགས་སྐྲུན་བྱས་ཏེ་ཕན་ནུས་ལྡན་པའི་སྒོ་ནས་མེ་གསོད་ཆུ་ཚད་ཇེ་མཐོར་གཏོང་རྒྱུ་རེད།