ཞིན་ཧྭ་གསར་འགྱུར་ཁང་པེ་ཅིན་ནས་ཟླ་བ3པའི་ཚེས17ཉིན་འབྱོར་བའི་གློག་འཕྲིན།རྒྱལ་ཁབ་འཕེལ་རྒྱས་དང་བཅོས་བསྒྱུར་ཨུ་ལྷན་གྱིས་ཚེས17ཉིན་བྲེལ་མྱུར་གྱི་བརྡ་སྦྱོར་བཏང་ནས་ས་གནས་ཁག་ལ་ལམ་སང་ཚོང་རར་ཞིབ་བཤེར་བྱས་ནས་བློ་བརྟན་འགྱུར་མེད་ཀྱིས་དཀྲོག་གཏམ་བཟོས་ནས་མི་ལ་མགོ་སྐོར་གཏོང་བ་དང་།ངན་སེམས་ཀྱིས་དངོས་ཟོག་ཉར་གསོགརིན་གོང་ཧམ་སྤར།ཚོང་རའི་སྒྲིག་ལམ་དཀྲུག་པ་སོགས་ཀྱི་ཁྲིམས་འགལ་བྱ་སྤྱོད་ལ་རྡུང་རྡེག་རྒྱག་དགོས་པའི་བླང་བྱ་བཏོན་པ།
     འཕེལ་རྒྱས་བཅོས་བསྒྱུར་ཨུ་ལྷན་གྱིས་བསྟན་དོན།ཉེ་ཆར།ས་གནས་ཁ་ཤས་ལ་དཀྲོག་གཏམ་གྱི་གནོད་སྐྱོན་ཐེབས་པས།ཚྭ་གཅིག་བསྡུས་ཀྱིས་ཉོ་བའི་གནས་ཚུལ་བུད་ཡོད།ཁྲིམས་འགལ་གྱི་བརྒྱུད་འཚོང་ཚོང་པ་ཁ་ཤས་ཀྱིས་སྐབས་འཚོལ་ནས་རིན་གོང་ཧུར་སྤར་བྱས་ཏེ་ཚུལ་མེད་ཁེ་ཆེན་ཧམ་ལེན་བྱས་པའི་རྐྱེན་གྱིས།མང་ཚོགས་ལ་བསམ་འཆར་ཆེན་པོ་ཡོད་པ།     ཡུལ་མི་འཚོ་བའི་ངེས་མཁོའི་དངོས་རྫས་འཚོང་རྒྱུ་ཡོད་པ་དང་རིན་གོང་བརྟན་བརླིང་ཡོང་བར་འགན་ལེན་དང་ཚོང་རའི་སྒྲིག་ལམ་འཚོ་སྲུང་བྱེད་ཆེད།འཕེལ་རྒྱས་བཅོས་བསྒྱུར་ཨུ་ལྷན་གྱིས་ད་དུང་ས་གནས་ཁག་གི་རིན་གོང་གཙོ་གཉེར་སྡེ་ཁག་ལ་འབྲེལ་ཡོད་སྡེ་ཚན་དང་གཞོགས་འདེགས་ཧུར་ཐག་བྱས་ཏེ་ཕྱོགས་མང་པོ་ནས་དངོས་རྫས་སྒྲིག་འཛུགས་བྱས་ནས་ཚྭ་སོགས་དངོས་རྫས་འཚོང་རྒྱུ་ཡོད་པར་འགན་ལེན་བྱས་ཏེ་ཚོང་རའི་སྒྲིག་ལམ་བརྟན་བརླིང་དང་རིན་གོང་བརྟན་བརླིང་བྱེད་དགོས།
     འཕེལ་རྒྱས་བཅོས་བསྒྱུར་ཨུ་ལྷན་གྱིས་བསྟན་དོན།རང་རྒྱལ་གྱི་ཚྭ་སོགས་རྒྱུན་སྤྱོད་འཛད་རྫས་ཀྱི་མཛོད་བཞག་འདང་བས།ཚྭ་འཚོང་རྒྱུ་ཡོད་པར་རྦད་དེ་འགན་ལེན་བྱས་ཐུབ།རྒྱ་ཆེ་བའི་འཛད་སྤྱོད་པར་བློ་རིག་གསལ་པོས་འཛད་སྤྱོད་བྱེད་དགོས་པ་དང་།ལུགས་མཐུན་གྱིས་ཚོང་ཟོག་ཉོ་དགོས་པ།དཀྲུག་གཏམ་ལ་ཡིད་ཆེས་མི་བྱེད་པ་དང་།དཀྲུག་གཏམ་མི་བཤད་པ།ཚོང་ཟོག་ཧམ་ཉོ་མི་བྱེད་པའི་རེ་བ་བཏོན་ཡོད།