རང་རྒྱལ་གྱིས2011ལོའི་ཟླ་བ3པའི་ཚེས7ཉིན་ནས་ཚེས14ཉིན་གྱི་བར་པེ་ཅིན་རྒྱལ་ཁབ་གྲོས་ཚོགས་ཀྱི་ལྟེ་གནས་སུ“གསར་བསྐྲུན་འདེད་སྐུལ་དང་མཆོང་རྒལ་འཕེལ་རྒྱས་གཏོང་བ”ཞེས་བརྗོད་བྱ་གཙོ་བོ་བྱས་པའི་འགྲེམས་སྟོན་སྤེལ་ཡོད།“རང་དབང་གསར་སྐྲུན་བྱ་རྒྱུར་ཤུགས་སྣོན་བརྒྱབ་ནས་ཚན་རྩལ་མཆོང་རྒལ་འཕེལ་རྒྱས་ཡོང་བ”དང་།“ཚན་རྩལ་ཐད་ཀྱི་གལ་འགངས་ཆེ་བའི་ཆེད་དོན་རྣམ་གྲངས་ལག་བསྟར་བྱ་རྒྱུར་སྐུལ་འདེད་བཏང་ནས་འཐབ་ཇུས་ཀྱི་རང་བཞིན་ལྡན་པའི་ཐོན་ལས་གསར་པ་གསོ་སྐྱོང་དང་འཕེལ་རྒྱས་གཏོང་བ”།“ལག་རྩལ་རྩེ་གྲ་དང་དཔེ་གསར་ཅན་བེད་སྤྱོད་བྱ་རྒྱུ་མགྱོགས་སུ་བཏང་ནས་ཐོན་ལས་ཆགས་ཚུལ་བཟང་སྒྲུག་དང་རིམ་སྤར་ཡོང་བར་སྐུལ་འདེད་གཏོང་བ”སོགས་ལེ་ཚན7གྱི་ཐོག་ནས་རང་རྒྱལ་གྱིས་ལོ་ལྔའི་འཆར་གཞི་བཅུ་གཅིག་པའི་དུས་སུ་ཐོབ་པའི་གལ་འགངས་ཆེ་བའི་ཚན་རྩལ་ཐད་ཀྱི་གྲུབ་འབྲས་མཚོན་ཡོད་པ་རེད།