ལོ་ལྔའི་འཆར་གཞི་བཅུ་གཉིས་པའི་འཆར་འགོད་གྱི་རྩ་གནད་འཆར་ཟིན་ནང་ཐེངས་དང་པོ་ཚོན་ལྡན་རི་མོ་ལྔའི་ཐོག“ཞིང་ལས་འཐབ་ཇུས་ཀྱི་ཆགས་སྟངས”དང་། “མྱུར་བགྲོད་ཀྱི་ལྕགས་ལམ་དྲ་བ”།“མྱུར་བགྲོད་ཀྱི་གཞུང་ལམ་དྲ་བ”།“གྲོང་ཁྱེར་ཅན་དུ་གྱུར་བའི་འཐབ་ཇུས་ཆགས་སྟངས” “སྐྱེ་ཁམས་བདེ་འཇགས་ཀྱི་འཐབ་ཇུས་ཆགས་སྟངས”བཅས་འབྱུང་འགྱུར་ཀྲུང་གོ་འཕེལ་རྒྱས་གཏོང་རྒྱུའི་རྣམ་པ་གསར་པ་མཚོན་ཡོད།
    ཞིང་ལས་འཐབ་ཇུས་ཀྱི་ཆགས་སྟངས་གསར་པ་བསྐྲུན་རྒྱུའི་སྐོར།  ལོ་ལྔའི་འཆར་གཞི་བཅུ་གཉིས་པའི་སྐབས་སུ་བྱང་ཤར་ཐང་ཆེན་དང་།  དམར་ཆུ་དང་ཧོའེ་ཧའེ་ཐང་ཆེན།  འབྲི་ཆུའི་འབབ་རྒྱུད།  ཞིན་ཅང་ཧའོ་ཐའོ་ཡི་ཞིང་ཆུ་གཏོང་ཡུལ།  ཧྭ་ནན་དང་ཀན་ལྷོ་ཞིང་ཅང་སོགས་ཞིང་ལས་ཐོན་རྫས་ཐོན་སྐྱེད་བྱེད་ཁུལ་གྱིས་གཙོ་བོ་བྱས་ཤིང་དེ་མིན་གྱི་ཞིང་ལས་ས་ཁུལ་གྱིས་གལ་ཆེའི་གྲུབ་ཆ་བྱེད་པའི་ས་ཁུལ་བདུན་དང་ཞིང་ལས་ས་ཁུལ་བཅུ་གསུམ་ལས་གྲུབ་པའི་ཞིང་ལས་ཀྱི་ཐབས་ཇུས་ཆགས་སྟངས་འགྲུབ་རྒྱུ་རེད།
      འགྲིམ་འགྲུལ་སྐྱེལ་འདྲེན་གྱི་ཆགས་སྟངས་གསར་པ་བསྐྲུན་རྒྱུའི་སྐོར།    ལོ་ལྔའི་འཆར་གཞི་བཅུ་གཉིས་པའི་སྐབས་སུ་མྱུར་བགྲོད་ལྕགས་ལམ་འཕེལ་རྒྱས་བཏང་ནས་མྱུར་བགྲོད་ཀྱི་འགྲིམ་འགྲུལ་སྐྱེལ་འདྲེན་དྲ་བ་ཆགས་འཇུག་རྒྱུ་དང་།  གཞི་རྩའི་ཐོག་ཕྱོགས་ཀུན་དུ་གཏོང་བའི་ལྕགས་ལམ7དང་།  གཞུང་ཐིག་ཏུ་གཏོང་བའི་ལྕགས་ལམ9།  འཕྲེད་ཐིག་ཏུ་གཏོང་བའི་ལྕགས་ལམ18བཅས་ལས་གྲུབ་པའི་རྒྱལ་ཁབ་མྱུར་བགྲོད་གཞུང་ལམ་དྲ་བ་ཆགས་སྟེ་མེ་འཁོར་གཏོང་རིང་སྤྱི་ལེ་ཁྲི8.3ཐོག་སླེབས་ཐུབ་པ་བྱ་རྒྱུ་རེད།