གྲོང་གསེབ་ཅན་དུ་གྱུར་བའི་ཆགས་སྟངས་བསྐྲུན་རྒྱུའི་སྐོར།  ལོ་ལྔའི་འཆར་གཞི་བཅུ་གཉིས་པའི་སྐབས་སུ་རང་རྒྱལ་གྱི་ཤར་རྒྱུད་དང་།  དཀྱིལ་རྒྱུད།  ནུབ་རྒྱུད་སོགས་ཞིང་ཆེན་ལྔ་དང་ས་ཁུལ་གཅིག་བརྒྱུད་པའི་ལམ་ཆེན་དང་།  འབྲི་ཆུའི་འབབ་རྒྱུད་དུ་ལམ་ཆེན་གཉིས་བསྐྲུན་ཞིང་།  མཚོ་རྒྱུད་དང་།  པེ་ཅིན་ནས་ཧ་ཨའེ་པིང་དང་པེ་ཅིན་ནས་ཀའོ་ཀྲོའུ་བར་དང་།  པའོ་ཐོའུ་ནས་ཁུན་མིང་བར་ལམ་ཆེན་གསུམ་བསྐྲུན་པ་བརྒྱུད།  ལམ་ཆེན་རྒྱུད་ཀྱི་གྲོང་ཁྱེར་སྦྲེལ་ཏེ་ཤར་ལྷོ་ནུབ་བྱང་གི་གྲོང་ཁྱེར་ཚང་མར་སྦྲེལ་ཐུབ་པའི་ཆགས་སྟངས་འཛུགས་སྐྱོང་བྱ་རྒྱུ་རེད།
       བདེ་འཇགས་སྐྱེ་ཁམས་ཀྱི་འཐབ་ཇུས་ཆགས་སྟངས་བསྐྲུན་རྒྱུའི་སྐོར།  ལོ་ལྔའི་འཆར་གཞི་བཅུ་གཉིས་པའི་སྐབས་སུ་མཚོ་བོད་མཐོ་སྒང་གི་སྐྱེ་ཁམས་སྲུང་ཡོལ་དང་།  ས་སེར་མཐོ་སྒང་ནས་སི་ཁྲོན་དང་ཡུན་ནན་བར་གྱི་སྐྱེ་ཁམས་སྲུང་ཡོལ།  ཤར་བྱང་གི་ནགས་ཚལ་ས་ཁུལ།  བྱང་རྒྱུད་ཀྱི་བྱེ་མ་འགོག་ཁུལ།  ལྷོ་རྒྱུད་ཀྱི་དེའུ་འབུར་རི་ཁུལ་སོགས་བསྐྲུན་ནས་སྤྱི་ཁོག་གི་སྔོ་ལྗོངས་འཕེལ་རྒྱས་གཏོང་རྒྱུའི་ཆགས་སྟངས་འཛུགས་སྐྱོང་བྱ་རྒྱུ་རེད།ཞིན་ཧྭ་གསར་འགྱུར་ཁང་ལྷ་ས་ནས་འབྱོར་བའི་གློག་འཕྲིན།  （བོད་ལྗོངས་རང་སྐྱོང་ཁུལ་མི་དམངས་སྲིད་གཞུང་གིས་ཚེས8ཉིན་ཁྱབ་བསྒྲགས་གནང་བའི《རང་སྐྱོང་ཁུལ་མི་དམངས་སྲིད་གཞུང་གི་ཞིང་སྡེའི་འགྲུལ་སྐྱེལ་ལས་རིགས་འཕེལ་རྒྱས་གཏོང་བར་རོགས་སྐྱོར་བྱ་རྒྱུའི་སྐོར་གྱི་བསམ་འཆར》ལ་དམིགས་པ）།  ལོ་ལྔའི་འཆར་གཞི་བཅུ་གཉིས་པའི་སྐབས་སུ་བོད་ལྗོངས་ཀྱིས་གཞི་རྩའི་ཐོག་བོད་ལྗོངས་ཞིང་སྡེའི་འགྲུལ་སྐྱེལ་འཕེལ་རྒྱས་བཏང་ཚུལ་རྗེས་ལུད་དང་།  ཞིང་འབྲོག་མང་ཚོགས་ཕྱིར་འགྲོ་དཀའ་བ།  རླངས་འཁོར་ལ་སྡོད་མི་བདེ་བ།   ཕྱིར་འགྲོ་མི་བདེ་བའི་གནད་དོན་ཐག་གཅོད་བྱ་རྒྱུ་རེད། 
      བོད་ལྗོངས་རང་སྐྱོང་ཁུལ་འགྲིམ་འགྲུལ་ཐིང་གི་ཐིང་ཀྲང་གཞོན་པ་བསོད་ནམས་ཆོས་འཕེལ་གྱིས་ངོ་སྤྲོད་བྱས་པར་གཞིགས་ན།   འབྱུང་འགྱུར་གྱི་ལོ་ལྔའི་ནང་བོད་ལྗོངས་ཀྱིས་ཤང་དང་གྲོང་རྡལ་དུ་འགྲུལ་སྐྱེལ་རླངས་འཁོར་གཏོང་ཚད་དེ་མིག་སྔར་གྱི་བརྒྱ་ཆ56ནས་བརྒྱ་ཆ80ཐོག་སླེབས་ཐུབ་པ་བྱ་རྒྱུ་དང་།  གྲོང་བགྲོད་གཞུང་ལམ་ཏུ་འགྲུལ་སྐྱེལ་རླངས་འཁོར་གཏོང་ཚད་དེ་མིག་སྔར་གྱི་བརྒྱ་ཆ40ནས་བརྒྱ་ཆ60ཐོག་སླེབས་ཐུབ་པ་བྱ་རྒྱུ།  ཤང་བགྲོད་སྣུམ་ལམ་དུ་འགྲུལ་སྐྱེལ་རླངས་འཁོར་གཏོང་ཚད་བརྒྱ་ཆ100ཐོག་སླེབས་ཐུབ་པ་བྱ་རྒྱུ།  རྫོང་རིམ་པའི་འགྲུལ་སྐྱེལ་ས་ཚིགས་ཀྱི་བདག་གཉེར་བྱེད་ཚད་བརྒྱ་ཆ100ཐོག་སླེབས་ཐུབ་པ་བྱ་རྒྱུ་བཅས་རེད།
      མིག་སྔར།  བོད་ལྗོངས་རང་སྐྱོང་ཁུལ་གྱི་ཞིང་སྡེའི་གཞུང་ལམ་གྱི་རླངས་འཁོར་གཏོང་ཚད་སྤྱི་ལི41747.05ཐོག་སླེབས་ཡོད་མོད།  འོན་ཀྱང་ཞིང་འབྲོག་མང་ཚོགས་ཕྱིར་འགྲོ་དཀའ་བའི་གནད་དོན་སྔར་བཞིན་མངོན་གསལ་དོད་པོ་ཡིན་པས།  འགྲུལ་སྐྱེལ་རླངས་འཁོར་གཏོང་བདེ་བའི་གཞུང་ལམ་བསྐྲུན་དགོས་པ་ནི་ཁ་ཚ་དགོས་གཏུགས་ཀྱི་དོན་ཆེན་ཞིག་རེད། （གངས་སྐྱིད་ཀྱིས་བསྒྱུར།）