ཞིན་ཧྭ་གསར་འགྱུར་ཁང་པེ་ཅིན་ནས་འབྱོར་བའི་གཏམ་གསར།ད་ལོར་ཀྲུང་དབྱང་ནོར་སྲིད་ཀྱིས་དམིགས་བསལ་སློབ་གསོ་ལ་རྒྱབ་སྐྱོར་བྱེད་ཤུགས་ཆེ་རུ་བཏང་ནས་དམིགས་བསལ་སློབ་གསོའི་ཁ་གསབ་རོགས་དངུལ་སྒོར་དུང་ཕྱུར4.1བཏང་ནས་ན་ལོ་ལས་ལྡབ་6འཕར་སྣོན་བྱུང་བ་རེད།ངོ་སྤྲོད་བྱས་པར་གཞིགས་ན།གོང་སྨོས་ཀྱི་གྲོན་དངུལ་དེ་གཙོ་བོ་དམིགས་བསལ་སློབ་གསོའི་ཐོན་ཁུངས་སློབ་ཁང་（ལྟེ་གནས）འཛུགས་སྐྲུན་དང་དམིགས་བསལ་སློབ་གསོའི་སློབ་གྲྭའི་སྒྲིག་ཆས་སྒྲིག་སྦྱོར།སྨན་བཅོས་དང་སློབ་གསོ་མཉམ་འབྲེལ་བྱས་པའི་ས་ཁོངས་ཚོད་ལྟ་བྱེད་ས་སོགས་སྐྲུན་པར་སྤྱད་དེ་དམིགས་བསལ་སློབ་གསོའི་སློབ་གྲྭའི་སློབ་གཉེར་གྱི་ཆ་རྐྱེན་ལེགས་བཅོས་བྱ་རྒྱུ་ཡིན་པ་རེད།
    དེ་མིན།ད་ལོར་ཀྲུང་དབྱང་ནོར་སྲིད་ཀྱིས་ཞིང་སྡེའི་འོས་འགན་སློབ་གསོའི་འགྲོ་སོང་གི་འགན་སྲུང་ནང་རྐྱེན་དུ་མ་དངུལ་སྒོར་དུང་ཕྱུར6.1བཀོད་སྒྲིག་བྱས་ཏེ།འོས་འགན་སློབ་གསོའི་དུས་རིམ་གྱི་དམིགས་བསལ་སློབ་གསོའི་སློབ་གྲྭའི་སྤྱི་སྤྱོད་འགྲོ་སོང་གི་གཞི་རྩའི་བཅད་གྲངས་མཐོ་རུ་བཏང་སྟེ་ལོ་རེར་མི་རེར་ཆ་སྙོམས་སྒོར4000ལ་ཟིན་ཐུབ་པ་བྱ་རྒྱུ་ཡིན་པ་དེ་སྤྱིར་བཏང་སློབ་འབྲིང་གི་ལྡབ5ཡིན་ཞིང་།འདི་འདྲ་བྱས་ཏེ་དེ་བས་ལེགས་པའི་སྒོ་ནས་དམིགས་བསལ་སློབ་གསོའི་སློབ་གྲྭའི་འཁོར་རྒྱུག་གི་མཁོ་འདོན་སྐོང་ཐུབ་པ་བྱ་རྒྱུ་ཡིན་པ་རེད།