སྐབས་བཅུ་གཅིག་པའི་རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་གྲོས་ཚོགས་ཐེངས་བཞི་པ་པེ་ཅིན་དུ་མཇུག་བསྒྲིལ།
ལྷ་འཛོམས་ཀྱིས་བསྒྱུར། 2011-03-17
གྲོས་ཚོགས་ཐོག་སྲིད་གཞུང་ལས་དོན་སྐོར་གྱི་སྙན་ཞུ་དང་ལོ་ལྔའི་འཆར་གཞི་བཅུ་གཉིས་པའི་འཆར་འགོད་རྩ་གནད།རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་རྒྱུན་ལས་ཨུ་ལྷན་གྱི་ལས་དོན་སྐོར་གྱི་སྙན་ཞུ་དང་སྙན་ཞུ་གཞན་ལ་ཆོག་མཆན་གནང་བ།
ཞིན་ཧྭ་གསར་འགྱུར་ཁང་པེ་ཅིན་ནས་ཟླ་ བ3པའི་ཚེས14ཉིན་འབྱོར་བའི་གཏམ་གསར།སྐབས་བཅུ་གཅིག་པའི་རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་གྲོས་ཚོགས་ཐེངས་བཞི་པའི་ཐོག་སྲིད་གཞུང་ལས་དོན་སྐོར་གྱི་སྙན་ཞུ་དང་ལོ་ལྔའི་འཆར་གཞི་བཅུ་གཉིས་པའི་འཆར་འགོད་རྩ་གནད།རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་རྒྱུན་ལས་ཨུ་ལྷན་གྱི་ལས་དོན་སྐོར་གྱི་སྙན་ཞུ་དང་་སྙན་ཞུ་གཞན་དག་ལ་ཆོག་མཆན་བཀོད་པ་དང་།གྲོས་རིམ་ཁག་ལེགས་འགྲུབ་བྱུང་རྗེས་ཚོགས་ཆེན་མཇུག་བསྒྲིལ།ཚོགས་ཆེན་གྱི་ཀྲུའུ་ཞི་ཚོགས་པའི་རྒྱུན་ལས་ཀྲུའུ་ཞི་དང་ལག་བསྟར་ཀྲུའུ་ཞི།རྒྱལ་ཡོངས་དམངས་ཆེན་གྱི་རྒྱུན་ལས་ཨུ་ལྷན་གྱི་ཨུ་ཡོན་ཀྲང་ཝུའུ་པང་གོས་མཇུག་བསྒྲིལ་ཚོགས་ཆེན་གྱི་གཙོ་འགན་བཞེས་པ་རེད།
ཧུའུ་ཅིན་ཐའོ་དང་ཝུན་ཅ་པའོ།ཅ་ཆིང་ལིན།ལི་ཁྲང་ཁྲུན།ཞི་ཅིན་ཕིང་།ལི་ཁེ་ཆང་།ཧོ་གོ་ཆང་།ཀྲོའུ་ཡུང་ཁང་སོགས་དང་ཚོགས་ཆེན་གྱི་ཀྲུའུ་ཞི་ཚོགས་པའི་གྲུབ་མི་རྣམས་གྲོས་ཚོགས་ཀྱི་ཀྲུའུ་ཞི་སྟེགས་བུའི་ཐོག་བཞུགས་ཡོད།
གྲོས་ཚོགས་ཐོག་སྲིད་གཞུང་ལས་དོན་སྐོར་གྱི་སྙན་ཞུའི་གྲོས་ཆོད་དང་རྒྱལ་དམངས་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་ལོ་ལྔའི་འཆར་གཞི་བཅུ་གཉིས་པའི་རྩ་གནད་སྐོར་གྱི་གྲོས་ཆོད་ལ་བརྡས་ཐག་བཅད་དེ་གྲོས་འཆམས་བྱུང་བ།
གྲོས་ཚོགས་ཐོག2010ལོའི་རྒྱལ་དམངས་དཔལ་འབྱོར་དང་སྤྱི་ཚོགས་འཕེལ་རྒྱས་འཆར་གཞི་ལག་བསྟར་བྱས་ཚུལ་དང2011ལོའི་རྒྱལ་དམངས་དཔལ་འབྱོར་དང་སྤྱི་ཚོགས་འཕེལ་རྒྱལ་འཆར་གཞིའི་སྐོར་གྱི་གྲོས་གཞི་བཅས་ལ་བརྡས་ཐག་བཅད་ནས་གྲོས་འཆམ་བྱུང་བ་དང་།2010ལོའི་རྒྱལ་དམངས་དཔལ་འབྱོར་དང་སྤྱི་ཚོགས་འཕེལ་རྒྱས་འཆར་གཞི་ལག་བསྟར་བྱེད་ཚུལ་དང2011ལོའི་རྒྱལ་དམངས་དཔལ་འབྱོར་དང་སྤྱི་ཚོགས་འཕེལ་རྒྱས་འཆར་གཞིའི་འཆར་ཟིན་སྐོར་གྱི་སྙན་ཞུ་ལ་ཆོག་མཆན་གནང་རྒྱུར་ཐག་བཅད་པ།2011ལོའི་རྒྱལ་དམངས་དཔལ་འབྱོར་དང་སྤྱི་ཚོགས་འཕེལ་རྒྱས་འཆར་གཞིར་ཆོག་མཆན་གནང་བ།2010ལོའི་ཀྲུང་དབྱང་དང་ས་གནས་ཀྱི་སྔོན་རྩིས་ལག་བསྟར་བྱས་ཚུལ་དང 2011ལོའི་ཀྲུང་དབྱང་དང་ས་གནས་ཀྱི་སྔོན་རྩིས་སྐོར་གྱི་གྲོས་ཆོད་ལ་བརྡས་ཐག་བཅད་དེ་གྲོས་འཆམས་བྱུང་བ་རེད།2010ལོའི་ཀྲུང་དབྱང་དང་ས་གནས་སྔོན་རྩིས་ལག་བསྟར་བྱས་ཚུལ་དང2011ལོའི་ཀྲུང་དབྱང་དང་ས་གནས་ཀྱི་སྔོན་རྩིས་འཆར་ཟིན་སྐོར་གྱི་སྙན་ཞུར་མཆོག་མཆན་གནང་རྒྱུར་གྲོས་ཐག་བཅད་པ་མ་ཚད།ད་དུང2011ལོའི་ཀྲུང་དབྱང་གི་སྔོན་རྩིས་ལ་ཆོག་མཆན་བཀོད་པ་རེད།
གྲོས་ཚོགས་ཐོག་རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་རྒྱུན་ལས་ཨུ་ལྷན་གྱི་ལས་དོན་སྐོར་གྱི་སྙན་ཞུའི་གྲོས་ཆོད་དང་ཆེས་མཐོའི་མི་དམངས་ཁྲིམས་ཁང་གི་ལས་དོན་སྐོར་གྱི་སྙན་ཞུའི་གྲོས་ཆོད་དང་ཆེས་མཐོའི་མི་དམངས་ཞིབ་དཔྱོད་ཁང་གི་ལས་དོན་སྐོར་གྱི་སྙན་ཞུའི་གྲོས་ཆོདལ་བརྡས་ཐག་བཅད་དེ་གྲོས་འཆམས་བྱུང་ཞིང་།སྙན་ཞུ་འདི་གཉིས་ལ་ཆོག་མཆན་གནང་བ་རེད།
གྲོས་ཚོགས་ཐོག་རྒྱལ་ཡོངས་དམངས་ཆེན་གྱི་རྒྱུན་ལས་ཨུ་ལྷན་གྱིས་ཨུ་ཡོན་ནིང་ཡོས་ཧྥུང་གིས་རྒྱལ་ཡོངས་དམངས་ཆེན་རྒྱུན་ལས་ཨུ་ལྷན་གྱི་ཨུ་ཡོན་གྱི་འགན་འཁྲི་རྩ་དགོངས་ཞུས་པར་དང་ལེན་བྱ་རྒྱུར་ཁས་ལེན་པའི་ཐག་གཅོད་ལ་བརྡས་ཐག་བཅད་དེ་གྲོས་ཆོད་གྲོས་འཆམས་བྱུང་བ་རེད།
ཚོགས་ཆེན་གྱི་གྲོས་རིམ་ཁག་གྲུབ་རྗེས་ཝུའུ་པང་གོས་གསུངས་དོན།གྲོས་ཚོགས་ཐོག་ལོ་ལྔའི་འཆར་གཞི་བཅུ་གཅིག་པའི་སྐབས་སུ་རང་རྒྱལ་གྱི་དཔལ་འབྱོར་དང་སྤྱི་ཚོགས་འཕེལ་རྒྱས་ཐད་ལ་གྲུབ་འབྲས་ཧ་ཅང་ཆེན་པོ་ཐོབ་པར་གདེང་འཇོག་ཚད་མཐོན་པོ་གནང་བ་དང《རྒྱལ་དམངས་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་ལོ་ལྔའི་འཆར་གཞི་བཅུ་གཉིས་པའི་རྩ་གནད》ཞིབ་བཤེར་བྱས་ཤིང་ཆོག་མཆན་སྤྲད། ལོ་ལྔའི་འཆར་གཞི་བཅུ་གཉིས་པའི་རྩ་གནད་དེ་ཏང་གི་ཚོགས་ཆེན་བཅུ་བདུན་པ་དང་སྐབས་བཅུ་བདུན་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་ལྔ་པའི་སྙིང་དོན་དོན་འཁྱོལ་མཐར་ཕྱིན་པ་བྱས་ནས་ཚན་རིག་དང་མཐུན་པའི་འཕེལ་རྒྱས་ལྟ་བས་བརྗོད་བྱ་གཙོ་བོ་བྱས་ཤིང་།དཔལ་འབྱོར་འཕེལ་རྒྱས་གཏོང་སྟངས་མགྱོ གས་སུ་བསྒྱུར་རྒྱུའི་གཙོ་ལམ་བྱས་ནས་ལོ་ལྔའི་འཆར་གཞི་བཅུ་གཉིས་པའི་སྐབས་ཀྱི་དཔལ་འབྱོར་དང་སྤྱི་ཚོགས་འཕེལ་རྒྱས་གཏོང་རྒྱུར་བསམ་བློ་ཁྲིད་སྟོན་དང་དམིགས་འབེན་གཙོ་བོ།གཙོ་གནད་འཐབ་ཇུས།བྱ་ཐབས་གལ་ཆེན་བཅས་གསལ་པོ་བྱས་ནས་མ་འོངས་པའི་ལོ་ལྔའི་ནང་སྤྱི་ཚོགས་རིང་ལུགས་ཀྱི་དེང་རབས་ཅན་འཛུགས་སྐྲུན་འཆར་གཞི་ཆེན་པོ་ཞིག་བྲིས་ཡོད་ལ།སླད་ཕྱིར་དུས་སྐབས་ཤིག་ལ་རང་རྒྱལ་གྱི་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་ཁྲིད་སྟོན་རང་བཞིན་གྱི་ཡིག་ཆ་གལ་ཆེན་ཞིག་ཡིན་པའི་ཚང་མས་མཐའ་གཅིག་ཏུ་ངོས་འཛིན་བྱས་པ་རེད།
ཝུའུ་པང་གོས་གསུངས་དོན།གྲོས་ཚོགས་ཐོག་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་བཅའ་ཁྲིམས་་མ་ལག་གི་དོན་སྙིང་གལ་ཆེན་དང་རྩ་བའི་ཉམས་མྱོང་ཕྱོགས་སྡོམ་ནན་པོ་བྱས་ཤིང་།ཚང་མས་མགྲིན་གཅིག་ཏུ་ངོས་འཛིན་བྱས་དོན།ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་བཅའ་ཁྲིམས་མ་ལག་ཆགས་པ་དེ་ནི་ཀྲུང་གོའི་སྤྱི་ཚོགས་རིང་ལུགས་ཀྱི་དམངས་གཙོ་བཅའ་ཁྲིམས་འཛུགས་སྐྲུན་གྱི་ལོ་རྒྱུས་ཐོག་ལམ་ཚད་རྡོ་རིང་ཞིག་ཡིན་ལ།ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་ལམ་ལུགས་རིམ་བཞིན་འཐུས་སྒོ་ཚང་དུ་གཏོང་བའི་མཚན་རྟགས་གལ་ཆེན་ཞིག་ཀྱང་ཡིན་པས།དེར་་དངོས་ཡོད་ཀྱི་དོན་སྙིང་གལ་ཆེན་དང་རྒྱང་རིང་གཏིང་ཟབ་ཀྱི་ལོ་རྒྱུས་དོན་སྙིང་ལྡན་ཡོད།ཚང་མས་ནན་གསུངས་གནང་དོན།སྔོན་ཆད་གྱི་གྲུབ་འབྲས་ཐོབ་པའི་ཉམས་མྱོང་དང་ཕན་ཡོད་ཀྱི་ལས་སྟངས་རྒྱུན་འཁྱོངས་བྱས་ནས་འགོ་འཛུགས་ས་གསར་པའི་ཐོག་སྔར་ལྷག་གིས་ཁྲིམས་འཛུགས་ལས་ཀར་ཤུགས་སྣོན་དང་ལེགས་བཅོས་བྱས་ནས་ཚན་རིག་དང་མཐུན་པའི་སྒོ་ནས་ཁྲིམས་འཛུགས་པ་དང་དམངས་གཙོ་སྒོ་ནས་ཁྲིམས་འཛུགས་པར་སྐུལ་འདེད་གཏོང་ཞིང་།ཟམ་མི་ཆད་པར་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་བཅའ་ཁྲིམས་མ་ལག་འཐུས་སྒོ་ཚང་དུ་གཏོང་དགོས།
ཀྲུང་དབྱང་གི་ཏང་སྲིད་དམག་དམངས་བཅས་ཀྱི་ལས་ཁུངས་ཀྱི་འགན་ཁུར་མི་སྣ་དང་དམངས་གཙོ་ཏང་ཤོག་ཀྲུང་དབྱང་དང་རྒྱལ་ཡོངས་བཟོ་ཚོང་མཉམ་འབྲེལ་ལྷན་ཚོགས།ཏང་ཤོག་གང་ལའང་མི་གཏོགས་པའི་མི་སྣ་བཅས་ཀྱི་འཐུས་མི་མཇུག་བསྒྲིལ་གྲོས་ཚོགས་ནང་ཟུར་ཞུགས་བྱས་ཡོད།
རྒྱལ་ཁབ་སོ་སོའི་ཀྲུང་གོ་རུ་བཅའ་སྡོད་གཞུང་ཚབ་ཆེན་མོའི་འཐུས་ཚབ་རྣམས་གྲོས་ཚོགས་ནང་ཞུགས་ནས་ཟུར་ཉན་བྱས།