ཧུའུ་ཅིན་ཐའོ་དང་།ཝུའུ་པང་གོ།ཝུན་ཅ་པའོ།ལི་ཁྲང་ཁྲུན།ཞི་ཅིན་ཕིང་།ལི་ཁེ་ཆང་།ཧོ་གོ་ཆང་།ཀྲོའུ་ཡུང་ཁང་སོགས་ཚོགས་འདུར་ཞུགས།ཅ་ཆིང་ལིན་གྱིས་གྲོས་ཚོགས་ཀྱི་གཙོ་འགན་བཞེས།
ཟླ་བ3པའི་ཚེས13ཉིན་འབྱོར་བའི་གཏམ་གསར།
ཀྲུང་གོ་མི་དམངས་ཆབ་སྲིད་གྲོས་མོལ་ཚོགས་འདུ་སྐབས་བཅུ་གཅིག་པའི་རྒྱལ་ཡོངས་ཨུ་ཡོན་ལྷན་ཚོགས་ཀྱི་གྲོས་ཚོགས་ཐེངས་བཞི་པས་གྲོས་རིམ་ཁག་ལེགས་འགྲུབ་བྱས་རྗེས།ཚེས13ཉིན་གྱི་སྔ་དྲོར་མི་དམངས་ཚོགས་ཁང་ཆེན་མོར་མཇུག་བསྒྲིལ།ཚོགས་འདུའི་ཐོག   མི་དམངས་སྲིད་གྲོས་ཀྱི་རིམ་ཁག་རྩ་འཛུགས་དང་ཚོགས་འདུར་ཞུགས་པའི་སྡེ་ཚན་ཁག་དང་རྒྱ་ཆེའི་སྲིད་གྲོས་ཨུ་ཡོན་ཚོར་བློ་མཐུན་ཧུའུ་ཅིན་ཐོའི་ཡིས་སྤྱི་ཁྱབ་ཧྲུའུ་ཅི་མཛད་པའི་ཀྲུང་གུང་ཀྲུང་དབྱང་གི་མཐའ་སྐོར་དུ་མཐུན་སྒྲིལ་དམ་ཟབ་བྱས་ནས་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་རླབས་ཆེན་དར་ཆ་མཐོན་པོ་སྒྲེང་བ།ཏེང་ཞའོ་ཕིང་གི་རིགས་པའི་གཞུང་ལུགས་དང་“མཚོན་པ་གསུམ་”གྱི་དགོངས་པ་གལ་ཆེན་གྱིས་ཁྲིད་སྟོན་བྱེད་པ།ཚན་རིག་དང་མཐུན་པའི་འཕེལ་རྒྱས་གཏོང་བའི་ལྟ་བ་ལག་བསྟར་དོན་ཟབ་མོ་བྱེད་པ།སྤོབས་པས་ཁེངས་ཤིང་ཡར་ཡོན་ཡོང་བའི་སྙིང་སྟོབས་དང་བདེན་འཚོལ་དངོས་སྒྲུབ་ཀྱི་རྣམ་འགྱུར་ལ་བརྟེན་ནས་གོང་བུ་གཅིག་ཏུ་འགྲིག་བ།མཉམ་དུ་འཕེལ་རྒྱས་ཀྱི་གྲོས་མོལ་བྱས་ནས་ལོ་ལྔའི་འཆར་གཞི་བཅུ་གཉིས་པའི་དམིགས་ཡུལ་ལས་འགན་མངོན་འགྱུར་ཡོང་བ་བྱེད་པ་དང་སྒོ་ཀུན་ནས་འབྱོར་འབྲིང་སྤྱི་ཚོགས་ལ་རྒྱལ་ཁ་གསར་པ་ཐོབ་པ་བྱེད་ཆེད་འབད་འཐབ་བྱེད་དགོས་པའི་འབོད་སྐུལ་བྱས་པ་རེད།
རྒྱལ་ཡོངས་སྲིད་གྲོས་ཀྱི་ཀྲུའུ་ཞི་ཅ་ཆིང་ལིན་གྱིས་གྲོས་ཚོགས་ཀྱི་གཙོ་འགན་བཞེས།རྒྱལ་ཡོངས་སྲིད་གྲོས་ཀྱི་ཀྲུའུ་ཞི་གཞོན་པ་ཝང་ཀོང་དང་ལེའི་ཧུའེ།ཏུའུ་ཆིང་ལིན།འཕགས་པ་ལྷ་དགེ་ལེགས་རྣམ་རྒྱལ།པེ་ལི་ཁྲེང་སོགས་ཀྲུའུ་ཞི་སྟེགས་བུའི་ཐོག་བཞུགས་ཡོད།
 
ཧུའུ་ཅིན་ཐའོ་དང་།ཝུའུ་པང་གོ།ཝུན་ཅ་པའོ།ལི་ཁྲང་ཁྲུན།ཞི་ཅིན་ཕིང་།ལི་ཁེ་ཆང་།ཧོ་གོ་ཆང་།ཀྲོའུ་ཡུང་ཁང་སོགས་ཀྲུའུ་ཞི་སྟེགས་བུའི་ཐོག་བཞུགས།
སྔ་དྲོའི་ཆུ་ཚོད9པའི་ཐོག་མཇུག་བསྒྲིལ་ཚོགས་ཆེན་འགོ་ཚུགས།ཅ་ཆིང་ལིན་གྱིས་ཀྲུང་གོ་མི་དམངས་ཆབ་སྲིད་གྲོས་མོལ་ཚོགས་འདུ་སྐབས་བཅུ་གཅིག་པའི་རྒྱལ་ཡོངས་ཨུ་ཡོན་ལྷན་ཚོགས་ཀྱི་གྲོས་ཚོགས་ཐེངས་བཞི་པར་ཨུ་ཡོན2260ཞུགས་དགོས་པ་དང་།དེ་རིང་ཨུ་ཡོན2129དངོས་སུ་ཞུགས་པས་ཁྲིམས་བཀོད་མི་གྲངས་དང་མཐུན་པའི་ཁྱབ་བསྒྲགས་གནང་བ་རེད།
གྲོས་ཚོགས་ཐོག་སྲིད་གྲོས་སྐབས་བཅུ་གཅིག་པའི་རྒྱལ་ཡོངས་ཨུ་ཡོན་ལྷན་ཚོགས་ཀྱི་གྲོས་ཚོགས་ཐེངས་བཞི་པའི་རྒྱུན་ལས་ཨུ་ཡོན་ལྷན་ཚོགས་ཀྱི་སྲིད་གྲོས་སྐབས་བཅུ་གཅིག་པའི་ལས་དོན་སྙན་ཞུ་སྐོར་གྱི་གྲོས་ཆོད་དང་།སྲིད་གྲོས་སྐབས་བཅུ་གཅིག་པའི་རྒྱལ་ཡོངས་ཨུ་ཡོན་ལྷན་ཚོགས་ཀྱི་གྲོས་གཞི་ཨུ་ཡོན་ལྷན་ཁང་གི་སྲིད་གྲོས་སྐབས་བཅུ་གཅིག་པའི་གྲོས་ཚོགས་ཐེངས་བཞི་པའི་གྲོས་གཞི་ཞིབ་བཤེར་བྱས་ཚུལ་སྐོར་གྱི་སྙན་ཞུ།སྲིད་གྲོས་སྐབས་བཅུ་གཅིག་པའི་རྒྱལ་ཡོངས་ཨུ་ཡོན་ལྷན་ཚོགས་ཀྱི་གྲོས་ཚོགས་ཐེབས་བཞི་པའི་ཆབ་སྲིད་གྲོས་ཆོད་བཅས་གྲོས་འཆམས་བྱུང་བ།
ཅ་ཆིང་ལིན་གྱིས་གསུང་བཤད་གནང་སྐབས་བསྟན་དོན།ཐེངས་འདིའི་གྲོས་ཚོགས་ཀྱིས་ཀྲུང་གུང་ཀྲུང་དབྱང་དང་རྒྱལ་ཡོངས་དམངས་རྒྱུན་ཨུ།རྒྱལ་སྲིད་སྤྱི་ཁྱབ་ཁང་བཅས་ཀྱིས་ཐུགས་ཁུར་དང་མཐོང་ཆེན་དང་འབྲེལ་ཡོད་སྡེ་ཁག་གི་རྒྱབ་སྐྱོར་ཤུགས་ཆེན་གནང་འོག ཨུ་ཡོན་ཡོངས་ཀྱིས་ཐུན་མོང་དུ་འབད་བརྩོན་བྱས་པ་བརྒྱུད་ཚོགས་འདུ་ལེགས་འགྲུབ་བྱུང་ནས་གྲུབ་འབྲས་གཡུར་དུ་ཟ་བ་ཐོབ་པས།དམངས་གཙོ་དར་སྤེལ་དང་།ཇུས་ཤུགས་དང་དངོས་ཤུགས་འདོན་པའི་ཚོགས་ཆེན་ཞིག་ཡིན་ལ་བདེན་འཚོལ་དངོས་བསྒྲུབ།མཐུན་སྒྲིལ་ཡར་སྐུལ་གྱི་ཚོགས་ཆེན་ཞིག་དང་།རྒྱང་སྐྱོད་བྱེད་འགོ་ཚུགས་པ་དང་།མི་ལ་ཡར་སྐུལ་ཐེབས་པའི་ཚོགས་ཆེན་ཞིག་ཀྱང་རེད།ཚོགས་འདུ་འཚོགས་སྐབས།རྒྱ་ཆེའི་ཨུ་ཡོན་རྣམས་ཀྱིས་རྒྱལ་ཁབ་དང་མི་དམངས་ལ་འགན་ཆེན་པོ་ཁུར་བའི་སྙིང་སྟོབས་དང་སྟོབས་ཤུགས་ཡོད་དགུ་བཏོན་ནས་འགན་འཁྲི་ལག་བསྟར་བྱེད་པའི་རྣམ་འགྱུར།བདེན་གཏམ་བཤད་པ།གྲོས་གཞི་འདོན་པའི་སྤྱོད་ཚུལ་གྱི་ཐོག་ནས་སྲིད་གཞུང་ལས་དོན་སྐོར་གྱི་སྙན་ཞུ་དང་《རྒྱལ་དམངས་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་ལོ་ལྔའི་འཆར་གཞི་བཅུ་གཉིས་པའི་འཆར་འགོད་རྩ་གནད་》（འཆར་ཟིན་）སོགས་ལ་དམ་པོར་དམིགས་ནས་གཙོ་གནད་དུ་དཔལ་འབྱོར་འཕེལ་རྒྱས་མགྱོ གས་པོ་གཏོང་སྟངས་བསྒྱུར་བ་དང་དཔལ་འབྱོར་ཆགས་ཚུལ་ལེགས་སྒྲིག  དམངས་འཚོ་འགན་སྲུང་དང་ལེགས་བཅོས།སྤྱི་ཚོགས་རིང་ལུགས་ཀྱི་རིག་གནས་དར་རྒྱས་ཕུན་སུམ་ཚོགས་པོ་ཡོང་བ་སོགས་གལ་འགངས་ཆེ་བའི་གནད་དོན་ལ་རིན་ཐང་ཡོད་པའི་བསམ་འཆར་དང་གནད་འཕྲོད་གྲོས་གཞི་མང་པོ་བཏོན་ཡོད་པས་མི་དམངས་སྲིད་གྲོས་ཀྱི་ཆབ་སྲིད་རྩ་འཛུགས་དང་དམངས་གཙོའི་རྣམ་པའི་ཐུན་མོང་མ་ཡིན་པའི་མཐུན་རྐྱེན་ཞིག་གང་ལེགས་མཚོན་ཡོད་ལ་རྒྱ་ཆེའི་སྲིད་གྲོས་ཨུ་ཡོན་ཚོས་རྒྱལ་ཁབ་ཀྱི་གནས་ཚུལ་དང་དམངས་འཚོ་ལ་སེམས་ཁུར་བྱེད་པའི་སྙིང་སྟོབས་གསོན་ཉམས་ལྡན་པ་ཞིག་མཚོན་ཡོད་པ་རེད།
ཅ་ཆིང་ལིན་གྱིས་བསྟན་དོན།འཆར་གཞི་བཞག་ཚར་བ་དང་།དམིགས་ཡུལ་གསལ་པོ་གཏན་འཁེལ་བྱས་ཚར་ཞིང་འགག་རྩ་ནི་བློ་རྩེ་གཅིག་སྒྲིལ་གྱིས་དོན་འཁྱོལ་བྱས་རྒྱུ་དམ་འཛིན་བྱས་ནས་་ཕྱུར་བ་གྲུ་འདེགས་ཀྱིས་རྣམ་པ་གསར་པ་བཏོད་དགོས་པ་རེད།ང་ཚོས་བློ་མཐུན་ཧུའུ་ཅིན་ཐའོ་ཡིས་སྤྱི་ཁྱབ་ཧྲུའུ་ཅི་མཛད་པའི་ཀྲུང་གུང་ཀྲུང་དབྱང་གི་མཐའ་སྐོར་དུ་མཐུན་སྒྲིལ་དམ་ཟབ་བྱེད་པ་དང་།ཏེང་ཞའོ་ཕིང་གི་རིགས་པའི་གཞུང་ལུགས་དང་“མཚོན་པ་གསུམ་”གྱི་དགོངས་པ་གལ་ཆེན་གྱིས་ཁྲིད་སྟོན་བྱེད་པ།ཚན་རིག་དང་མཐུན་པའི་འཕེལ་རྒྱས་གཏོང་བའི་ལྟ་བ་ལག་བསྟར་དོན་འཁྱོལ་ཟབ་མོ་བྱེད་པ།སྒོ་ཀུན་ནས་སྤྱི་ཁྱབ་ཧྲུའུ་ཅི་ཧུའུ་ཅིན་ཐའོ་ཡིས་ཚོགས་ཆེན་གཉིས་ཀྱི་སྐབས་སུ་གནང་བའི་གསུང་བཤད་གལ་ཆེན་དང་ཙུང་ལི་ཝུན་ཅ་པའོ་ཡིས་གནང་བའི་སྲིད་གཞུང་ལས་དོན་སྐོར་གྱི་སྙན་ཞུ།ལོ་ལྔའི་འཆར་གཞི་བཅུ་གཉིས་པའི་རྩ་གནད་དང་གལ་འགངས་ཆེ་བའི་ཡིག་ཆའི་སྙིང་དོན་སློབ་སྦྱོང་ལག་བསྟར་བྱས་ནས་གྲོས་འཆམས་བྱས་མ་ཐག་པའི་ཐེངས་འདིའི་གྲོས་ཚོགས་ཀྱི་ཆབ་སྲིད་གྲོས་ཆོད་ནན་ཏན་གྱིས་དོན་འཁྱོལ་བྱས་ཏེ།མཐུན་སྒྲིལ་བྱེད་ཐུབ་པའི་སྟོབས་ཤུགས་མཐའ་དག་ལ་མཐུན་སྒྲིལ་བྱེད་པ་དང་།གོང་འགྲིག་བྱེད་ཐུབ་པའི་བློ་གྲོས་མཐའ་དག་ལ་གོང་འགྲིག་ཡོང་བ་བྱེད་པ།སྐུལ་མ་གཏོང་ཐུབ་པའི་གསོན་ཤུགས་མཐའ་དག་ལ་སྐུལ་མ་བཏང་ནས་ལོ་ལྔའི་འཆར་གཞི་བཅུ་གཉིས་པའི་འཆར་འགོད་དང་སྒོ་ཀུན་ནས་འབྱོར་འབྲིང་སྤྱི་ཚོགས་འཛུགས་སྐྲུན་གྱི་བརྗིད་ཆགས་དམིགས་ཡུལ་དང་ཀྲུང་ཧྭ་མི་རིགས་རླབས་ཆེན་བསྐྱར་དར་ཡོང་བའི་འོད་ཟེར་ལྡན་པའི་མདུན་ལམ་དེད་ནས་དཔའ་ངར་ངང་མདུན་སྐྱོད་བྱེད་དགོས༎