བོད་ལྗོངས་ལྷ་མོ་བླ་མཚོ་ཐང་ག་སྒྱུ་རྩལ་གླིང་གི་གླིང་གཙོ་སྐུ་ཞབས་རྡོ་རྗེ་དོན་གྲུབ་དང་།མཛེས་རྩལ་བཟོ་རྩལ་གྱི་སློབ་དཔོན་ཆེན་མོ་སྐུ་ཞབས་བསྟན་དགའ་རྣམ་གཉིས་ཀྱི་བློ་དང་རིག་པའི་དཔལ།ཐུགས་བསྐྱེད་དང་ལྷག་བསམ་གྱི་མཐུ་ལས་འཁྲུངས་བའི་གངས་ལྗོངས་རྡོར་ལུགས་ཐང་གའི་སྒྱུ་རྩལ་བརྩམས་ཆོས་དག་ཟླ་འདིའི་སྤྱི་ཚེས༥ཉིན་གྱི་ཞོགས་པའི་དུས་ཚོད་དགུ་དང་ཕྱེད་ཀའི་སྟེང་དུ་པེ་ཅིང་གི་རྒྱལ་ཁབ་དངོས་མང་བཤམས་སྟོན་ཁང་དུ་རི་མོ་འགྲེམ་སྟོན་གྱི་བྱེད་སྒོ་སྤེལ་རྒྱུའི་དབུ་བརྩམ་རྒྱུ་ཡིན་པ་རེད།པེ་ཅིང་དུ་སྡོད་པའི་རིགས་སོ་སོའི་སྤུན་ཟླ་དང་ཕྱོགས་སོ་སོའི་ལས་རིགས་འདི་ལ་དགའ་ཞེན་ཅན་གྱི་མི་སྣ་དག་དུས་ཐོག་ཏུ་ཕེབས་ཏེ་གཟིགས་སྐོར་མཛད་པར་དགའ་བསུ་ཞུས་ཤིང་།  ཚེས་གསུམ་ཉིན་གྱི་སྔོན་དུ་建国门建外外交公寓组委会ཞེས་པའི་ས་གནས་སུ་མགྲོན་ཤོག་དང་བྱེད་སྒོར་ཞུགས་རྒྱུའི་འབྲེལ་ཡོད་ལག་ཁྱེར་ལེན་དུ་ཕེབས་པར་འཚལ།འགྲེམ་སྟོན་གྱི་ས་གནས་ནི་པེ་ཅིང་ཤར་གྱི་གྲོང་ཁུལ་ལྕགས་རི་ཤར་མའི་སྒོ་རྟགས༡༦པའི་གནམ་བདེ་སྒོ་མོའི་ཐང་ཆེན་གྱི་ཤར་ཕྱོགས་ཐད་ཀྱི་ཀྲུང་གོའི་རྒྱལ་ཁབ་དངོས་མང་བཤམས་སྟོན་ཁང་དུ་ཡིན། ༼北京东城区东长安街16号天安门广场东侧,中国༽ འབྲེལ་གཏུག་ཁ་པར། 010-65127556