རང་རྒྱལ་གྲངས་ཉུང་མི་རིགས་ཀྱི་ཡིག་རིགས་བཀོད་ནས་འགྲེམ་སྤེལ་བྱེད་བཞིན་པའི་ཏང་ཀྲུང་དབྱང་གི་ལས་ཁུངས་ཚགས་པར་དང་པོ་ཡིན་པས་ཆ་ནས།  མི་དམངས་ཉིན་རེའི་ཚགས་པར་གྱི་བོད་ཡིག་པར་ངོས་ནི་མི་དམངས་ཉིན་རེའི་ཚགས་པར་ཁང་གིས་གཙོ་འགན་ཁུར་ཏེ།  མི་དམངས་ཉིན་རེའི་ཚགས་པར་དང་བོད་ལྗོངས་ཉིན་རེའི་ཚགས་པར་ཁང་གིས་གཙོ་སྒྲུབ་མཛད་བཞིན་ཡོད།  མི་དམངས་ཉིན་རེའི་ཚགས་པར་གྱི་བོད་ཡིག་པར་ངོས་རྩོམ་སྒྲིག་འགྲེམ་སྤེལ་བྱས་པ་ནས་བཟུང་ཏང་ཀྲུང་དབྱང་གི་སྲིད་ཇུས་ཡོད་ཚད་དམངས་ཡོངས་ལ་བརྒྱུད་སྒྲོག་བྱེད་པར་རྒྱུན་འཁྱོངས་བྱས་ཏེ།  ལག་ལེན་དངོས་དང་འཚོ་བ་དངོས། མང་ཚོགས་བཅས་ལ་ཁ་ཕྱོགས་པ་དང་།  གསར་འགྱུར་བརྒྱུད་སྒྲོག་བྱེད་པའི་ཆོས་ཉིད་ལྟར།  རྒྱུན་ཆད་མེད་པར་མི་དམངས་ཉིན་རེའི་ཚགས་པར་གྱི་བོད་ཡིག་པར་ངོས་ཀྱི་མཛའ་མཐུན་དང་ཡིད་འགུག་ནུས་པ་མཐོར་འདེགས་སུ་བཏང་བས།  བོད་རིགས་མང་ཚོགས་བར་ཏང་ཀྲུང་དབྱང་གི་སྲིད་ཇུས་དང་གནམ་འོག་ཀུན་གྱི་དུས་བྱུང་གསར་འགྱུར་བརྒྱུད་སྒྲོག་བྱེད་པ་དང་མང་ཚོགས་ཀྱི་བསམ་པའི་རིག་གནས་འཚོ་བ་ཕུན་སུམ་ཇེ་ཚོགས་སུ་གཏོང་བ་སོགས་བློ་རིག་གི་སྒོ་མོ་ཕྱེ་བའི་མཛའ་མཐུན་གྲོགས་པོ་ཞིག་ཏུ་གྱུར་ཡོད།  །