མཚོ་སྔོན་མི་རིགས་སློབ་ཆེན་དུ་སློབ་མ་གསར་བ་བསུ་བའི་དགོང་ཚོགས་བསྡུས།

        ཟླ9བའི་ཚེས25ནས་ཚེས26བར། མཚོ་སྔོན་མི་རིགས་སློབ་ཆེན་གྱི་ཏང་ཨུའི་དྲིལ་སྒྲོག་པུས་གཙོ་སྒྲུབ་དང་། སློབ་ཆེན་པའི་ཚོགས་པས་འགན་སྒྲུབ། ཚོགས་པ་སོ་སོས་རོགས་སྒྲུབ་གནང་བའི་སྐབས་གཉིས་པའི་ཚོགས་པའི་དགོང་ཚོགས་ དང2013ལོའི་སློབ་མ་གསར་བ་བསུ་བའི་དགོང་ཚོགས་དེ་ཏུན་ཤུའུ་སློབ་ཁུལ་ཤོའོ་ཏོད་ རིག་རྩལ་ཁང་གི་ལྷོ་སྒོ་དང་ཞི་ཁུན་སློབ་ཁུལ་ཏུན་ཡང་ཐང་ཆེན་དུ་སྤེལ་བ་རེད།

མཚོ་སྔོན་མི་རིགས་སློབ་ཆེན་དུ་སློབ་མ་གསར་བ་བསུ་བའི་དགོང་ཚོགས་བསྡུས།

        དགོང་ཚོགས་སྟེང་། རྒྱང་སྒྲོག་བརྙན་འཕྲིན་ཁང་དང་། ཡིག་གཟུགས་མཐུན་ཚོགས། ཧིའུ་ཧོང་ཚའོ་རྩོམ་རིག་ཚོགས་པ། ཨ་རབ་སྐད་ཀྱི་རྩོམ་རིག་ཚོགས། པོའོ་སི་ཀློག་པ་པོའི་མཐུན་ཚོགས།  དབྱིན་ཡིག་དགའ་མོས་པའི་མཐུན་ཚོགས་སོགས་ཚོགས་པ14ཡི་སློབ་མས་སྙན་ངག་གྱེར་འདོན་དང་། ཡིག་གཟུགས་འཁྲབ་སྟོན། མཚོ་སྔོན་གྱི་མི་རིགས་གྱོན་ཆས་འཁྲབ་སྟོན། རོལ་ཆས་དཀྲོལ་བ། ཁ་ཤགས་སོགས་རིག་རྩལ་འཁྲབ་སྟོན་བྱས་མཐར། ཁམས་སྐད་སློབ་སྦྱོང་ཚོགས་པའི་བྲོ་གར་ལས་ཡོངས་སུ་མཇུག་སྒྲིལ།