བོད་ལྗོངས་བོད་ཀྱི་སྲོལ་རྒྱུན་སྨན་རྫས་ངོས་འཛིན་གྱི་འགྲན་བསྡུར་སྤེལ་བ།

མཚོ་སྔོན་པོ་དྲ་བ། 2014-09-01

ཉེ་སྔོན། དུས་ཡུན་ཉིན་གཉིས་ཀྱི་བོད་ལྗོངས་བོད་ཀྱི་སྲོལ་རྒྱུན་སྨན་རྫས་ངོས་འཛིན་འགྲན་བསྡུར་སྐབས་ལྔ་བ་དེ་ལྷ་ས་རུ་སྤེལ་ཞིང་། འགྲན་ཞུགས་པ་རྣམས་ཀྱིས་སྨན་རྫས་ཀྱི་ཕྱི་དབྱིབས་ལ་གཟིགས་པ་དང་རོ་དྲི་སྣོམ་པ་སོགས་སྲོལ་རྒྱུན་གྱི་བྱེད་ཐབས་བརྒྱུད་དེ་བོད་ཀྱི་སྨན་རྫས་སྣ200ལྷག་ལ་ཡུལ་དངོས་ངོས་འཛིན་བྱས་པ་རེད།
     ཐེངས་འདིའི་བྱ་འགུལ་ནི་བོད་ལྗོངས་འཕྲོད་བསྟེན་དང་འཆར་ལྡན་བུ་བཙའ་ཨུ་ཡོན་ལྷན་ཁང་གིས་གཙོ་སྒྲུབ་གནང་ཞིང་། ཉིན་དེར་བོད་ཀྱི་གསོ་རིག་སློབ་གླིང་དང་། བོད་སྨན་ཁང་སོགས་འགྲན་ཞུགས་རུ་ཁག11གི་འགྲན་ཞུགས་པ44སྐབས་འདིའི་འགྲན་བསྡུར་དུ་ཞུགས་པ་དང་། རྒྱན་ལེན་པ་དང་དུས་རྩི་བ། ཡང་དག་ཚད་བཅས་ཀྱི་ཐབས་ལམ་བརྒྱུད་འགྲན་ཞུགས་པ་རྣམས་ཀྱི་རྒྱུགས་སྐར་ལ་དཔྱད་ཞིབ་བྱས།
     ལོ་རྒྱུས་ཡིག་ཆ་ལས་བཀོད་པ་ལྟར་ན། བོད་སྨན་འདི་མདོ་དབུས་མཐོ་སྒང་དུ་ལོ་ངོ1400ལྷག་ལ་རྒྱུན་འཛིན་བྱུང་བ་དང་། ཆ་ཚང་བའི་གཞུང་ལུགས་མ་ལག་གྲུབ་ཅིང་ནད་ཐོག་ལག་ལེན་གྱི་ཉམས་མྱོང་ཕུན་སུམ་ཚོགས་ལ། མིག་སྔར་ཀྲུང་གོའི་ཆེས་ཆ་ཚང་ཞིང་ཤུགས་རྐྱེན་ཟབ་པའི་མི་རིགས་ཀྱི་གསོ་རིགས་གྲས་ཤིག་ཡིན།
     བསྡོམས་རྩིས་བྱས་པ་ལྟར་ན། བོད་ཀྱི་སྨན་རྫས་རྒྱུན་སྤྱོད་སྣ500ལྷག་ཡོད་ཅིང་། མིག་སྔར་བསྡོམས་པས་བོད་ཀྱི་སྨན་རྫས་སྣ237ལ་སྤུས་ཚད་ཚད་གཞི་འཛུགས་སྐྲུན་གནང་བ་དང་། བོད་ཀྱི་སྨན་རྫས་ཡང་དག་པར་ངོས་འཛིན་བྱེད་པ་ནི་ནད་ཐོག་སྨན་བཅོས་ཕན་འབྲས་ཐད་གལ་ཆེ་བའི་ནུས་པ་ལྡན་ཞིང་། སྨན་པ་དང་སྨན་སྦྱོར་བས་སྨན་རྫས་ངོས་འཛིན་བྱེད་པ་ནི་ནད་པ་དང་སྨན་བཅོས་ཕན་འབྲས་དང་འབྲེལ་བའི་རྒྱུ་རྐྱེན་གལ་ཆེ་ཤོས་ཤིག་ཡིན།

བོད་ལྗོངས་བོད་ཀྱི་སྲོལ་རྒྱུན་སྨན་རྫས་ངོས་འཛིན་གྱི་འགྲན་བསྡུར་སྤེལ་བ།

དོ་སྣང་ཆེ་བའི་རྩོམ།

རྩོམ་གསར། 10

དོ་སྣང་ཆེ་བའི་རྩོམ། 10