ད་ལོར་བོད་ལྗོངས་ཀྱིས་རང་སའི་ཐོན་ཁུངས་ཀྱི་ཆ་རྐྱེན་དང་ཐོན་ལས་རྨང་གཞིའི་དོན་དངོས་གཞིར་བཟུང་སྟེ། ཁྱད་ཆོས་ཡོད་པའི་ཁྱད་སྟོབས་ཐོན་ལས་ས་ཁུལ་འཛུགས་སྐྲུན་བྱེད་པར་འབད་བརྩོན་བྱེད་རྒྱུ་རེད།
 ལོ་ལྔའི་འཆར་གཞི་བཅུ་གཅིག་པའི་སྐབས་སུ། བོད་ལྗོངས་ཀྱིས་ཁྱད་སྟོབས་གཏེར་ཐོན་ལས་རིགས་དང་། བོད་སྨན་ལས་རིགས། མི་རིགས་ལག་ཤེས་ལས་རིགས། ཁྱད་ཆོས་ཡོད་པའི་གནས་སྐོར་ལས་རིགས། ཁྱད་ཆོས་ཡོད་པའི་ཞིང་ཕྱུགས་ལས་དང་ལྷད་མེད་ཟས་རིགས་བཅས་ཁྱད་ཆོས་ཡོད་པའི་ཐོན་ལས་དྲུག་གོང་དུ་སྤེལ་བར་དམ་འཛིན་བྱས་པ་དང་། མཚན་སྙན་ཅུང་མཐོ་བའི་མཐོ་སྒང་གི་ཁྱད་ཆོས་ཡོད་པའི་ཐོན་རྫས་སྐོར་ཞིག་ཐོན་སྐྱེད་བྱེད་པར་བརྩོན་ལེན་བྱས། བདུན་རྩི་རྟགས་ཅན་གྱི་བོད་སྨན། ལྷ་སའི་སྦི་རག  5100གཏེར་ཆུ་སོགས་ཐོན་རྫས་ལ་རྒྱལ་ཁབ་ཀྱི་ཚོང་རྟགས་གྲགས་ཅན་གྱི་མཚན་སྙན་ཐོབ།
 2010ལོར། རྒྱ་མ་ཐང་མདོ་ལྕགས་རིགས་གཏེར་ཁ་ནས་གཏེར་རྫས་འདོན་འགོ་བརྩམས་པ་དང་། ཞིན་ཧྭ་ཨར་འདམ་བཟོ་གྲྭའི་བཟོ་སྐྲུན་རིམ་པ་གཉིས་པ་ལེགས་གྲུབ་བྱུང་། གསར་དུ་ཏུན་འབུམ་གཉིས་ཁ་སྣོན་བྱས་པའི་ལྷ་སའི་ནས་ཆང་ཐོན་སྐྱེད་བརྒྱུད་ལམ་ལེགས་གྲུབ་བྱུང་སྟེ་ཐོན་སྐྱེད་བྱེད་མགོ་བརྩམས་ཏེ་ཨ་མེ་རི་ཁའི་ཚོང་རར་བཀྲམས།
 མཚོ་བོད་ལྕགས་ལམ་ལེགས་གྲུབ་བྱུང་ནས་མེ་འཁོར་གཏོང་མགོ་ཚུགས་པའི་ཚུན་ལ། བོད་ལྗོངས་ཀྱི་གནས་སྐོར་ལས་རིགས་དེ་འཕེལ་རྒྱས་ཀྱི་གོ་སྐབས་གསར་བར་འཕྲད། 2010ལོར། བོད་ལྗོངས་ཀྱིས་གནས་སྐོར་བ་མི་ཐེངས་ས་ཡ་དྲུག་དང་འབུམ་བདུན་སྣེ་ལེན་བྱས་པ་དང་།  གནས་སྐོར་གྱི་ཡོང་འབབ་སྒོར་མོ་དུང་ཕྱུར་རེ་བདུན་ལ་བསླེབས།