ཟླ་བ8པའི་ཚེས་22ཉིན་ནོར་སྲིད་པུས་གནས་ཚུལ་ཁྱབ་བསྒྲགས་བྱས་པར་གཞིགས་ན།ཀྲུང་དབྱང་ནོར་སྲིད་ཀྱིས་ཞབས་ཞུའི་ལས་རིགས་འཕེལ་རྒྱས་ཀྱི་ཆེད་དོན་མ་དངུལ་སྒོར་དུང་ཕྱུར་24བཏང་སྟེ་ཅི་ལིན་དང་ཧྲན་ཏུང་སོགས་ཞིང་ཆེན་8དུ་ཁྲོམ་ར་ཅན་གྱི་བྱེད་ཐབས་ཐོག་ནས་རྒན་གསོ་ཞབས་ཞུའི་ཐོན་ལས་འཕེལ་རྒྱས་ཀྱི་ཚོད་ལྟར་རྒྱབ་སྐྱོར་བྱ་རྒྱུ་རེད།　　གསར་འགོད་པར་ནོར་སྲིད་པུའུ་དཔལ་འབྱོར་འཛུགས་སྐྲུན་སི་ནས་ཤེས་རྟོགས་བྱུང་གསལ།ཚོད་ལྟ་བྱེད་རིང་གཙོ་བོ་ཀྲུང་དབྱང་ནོར་སྲིད་ཀྱི་འདེགས་སྐྱོར་གྱི་ནུས་པ་འདོན་སྤེལ་བྱས་ཐོག་ཀྲུང་དབྱང་ནོར་སྲིད་ཀྱིས་མ་དངུལ་གྱི་ཁྲིད་སྟོན་བྱེད་པ་དང་ས་གནས་སྲིད་གཞུང་དང་།དངུལ་ཁང་།ཁེ་ལས་བཅས་ཀྱིས་མཉམ་དུ་མ་རྩ་བཏོན་ནས་ཐེབས་རྩའི་ལས་སྟེགས་འཛུགས་པ་དང་ཁྲོམ་ར་ཅན་གྱི་འཁོར་སྐྱོད་བྱ་ཐབས་ལྟར་ཁྱིམ་སྡོད་རྒན་གསོ་དང་།གཅིག་སྡུད་རྒན་གསོ།སྡེ་ཁུལ་ཕྱོགས་བསྡུས་ཞབས་ཞུ་སོགས་རྣམ་པ་སྣ་ཚོགས་དང་གཞི་རིམ་དམངས་ཚོགས་ལ་ཕྱོགས་པའི་རྒན་གསོ་ཞབས་ཞུའི་ཐོན་ལས་འཕེལ་རྒྱས་གཏོང་རྒྱུར་རྒྱབ་སྐྱོར་བྱས་ཏེ་རྒན་གསོ་ཞབས་ཞུའི་ཐོན་ལས་མགྱོ གས་མྱུར་དང་མཉམ་འདྲེས་ངང་འཕེལ་རྒྱས་འགྲོ་རྒྱུར་སྐུལ་འདེད་གཏོང་བ་དང་ཁྲོམ་ར་ཅན་དང་ཚོང་ལས་ཅན་གྱི་རྣམ་པའི་ཐོག་ནས་རྒན་གསོ་ཞབས་ཞུའི་ཐོན་ལས་འཕེལ་རྒྱས་ལ་རྒྱབ་སྐྱོར་བྱེད་པའི་སྒྲིག་སྲོལ་ལམ་སྲོལ་དང་ནུས་ལྡན་གྱི་ཐབས་ལམ་འཚོལ་ཞིབ་བྱ་རྒྱུ་རེད།
　　      མིག་སྔར་རང་རྒྱལ་གྱི་རྒན་གསོ་ཞབས་ཞུའི་ལས་སྒོ་འཕེལ་རྒྱས་ཐད་མ་དངུལ་བསྡུ་སྤྱོད་དཀའ་བ་དང་།ས་ཆ་རག་དཀའ་བ།མི་སྣ་དཀོན་པ།གཉེར་སྐྱོང་བྱེད་དཀའ་བ་སོགས་མངོན་གསལ་དོད་པའི་གནད་དོན་རབ་དང་རིམ་པ་འཕྲད་ཡོད་པ་རེད།
ན་ནིང་ཟླ་9པར་ཁྱབ་བསྒྲགས་བྱས་པའི《རྒན་གསོ་ཞབས་ཞུའི་ལས་རིགས་མགྱོ གས་མྱུར་འཕེལ་རྒྱས་གཏོང་རྒྱུའི་སྐོར་གྱི་རྒྱལ་སྲིད་སྤྱི་ཁྱབ་ཁང་གི་བསམ་འཆར་འགའ་ཞིག》ནང་།རྒན་གསོ་ཞབས་ཞུའི་ལས་རིགས་འཕེལ་རྒྱས་མགྱོ གས་མྱུར་གཏོང་བར་སྲིད་གཞུང་གི་གཞི་རྩ་འགན་ལེན་གྱི་ནུས་པ་འདོན་སྤེལ་གང་ལེགས་བྱེད་པ་དང་ལས་ཁུངས་ཁུ་བསྡུ་དང་དབང་ཆ་གཤམ་སྤྲོད་དང་།སྒྲིག་སྲོལ་ལམ་སྲོལ་གསར་གཏོད།སྤྱི་ཚོགས་ཀྱི་གསོན་ཤུགས་འཕེལ་བ་བཅས་ལ་བརྟེན་ནས་འདྲ་མཉམ་ངང་ཞུགས་པ་དང་འདྲ་མཉམ་འགྲན་རྩོད་ཀྱི་ཁྲོམ་རའི་ཁོར་ཡུག་ཅིག་བཏོད་དེ།སྤྱི་ཚོགས་ཀྱི་སྟོབས་ཤུགས་དེ་རྒན་གསོ་ཞབས་ཞུའི་ལས་རིགས་འཕེལ་རྒྱས་གཏོང་བའི་གཙོ་གཟུགས་ལ་རིམ་བཞིན་འགྱུར་བ་བྱེད་དགོས་ཞེས་བཏོན་ཡོད་པ་རེད།