ཞིན་ཧྭ་གསར་འགྱུར་ཁང་པེ་ཅིན་ནས་ཟླ་བ8པའི་ཚེས23ཉིན་འབྱོར་བའི་གཏམ་གསར། ཆུ་བེད་པུའུ་ནས་བསྒྲགས་པའི་ཆ་འཕྲིན་ལ་གཞིགས་ན། ཁ་གཏད་བོད་སྐྱོར་ལོ20བྱས་པ་ནས་བཟུང་།བོད་རང་སྐྱོང་ལྗོངས་ལ་བསྡོམས་པས་བཀོད་སྒྲིག་དང་མཐུན་སྦྱོར་བྱས་པའི་ཆུ་བེད་ཁག་གི་རྣམ་གྲངས1000ལྷག་ཡོད་ཅིང་། མ་དངུལ་སྒོར་དུང་ཕྱུར300ལ་ཉེ་བ་བཏང་སྟེ།སྔོན་རྗེས་སུ་ཆུ་བེད་རྨང་གཞི་སྒྲིག་ཆས་ཚན་པ་ཆེན་པོ་ཞིག་བསྐྲུན་པས།ཁྱོན་བསྡོམས་མི་ཁྲི239ཡི་ཉེན་མེད་འཐུང་ཆུ་འཐུང་རྒྱུའི་གནད་དོན་ཐག་བཅད་བྱས་པ་དང་ཞིང་འབྲོག་མང་ཚོགས་ཁྲི36ཡི་གློག་སྤྱོད་རྒྱུའི་གནད་དོན་ཐག་གཅོད་བྱས་ཡོད་པ་རེད། ཤེས་རྟོགས་བྱུང་བར་གཞིགས་ན། ལོ་མང་པོའི་རིང་ལ། ཆུ་བེད་པུའུ་ཡིས་བོད་ལྗོངས་ཀྱི་རྨང་གཞི་སྒྲིག་ཆས་འཛུགས་སྐྲུན་ལ་གཟིགས་སྐྱོང་གཙོ་གནད་བྱས་ཏེ་བོད་ལྗོངས་ཀྱི་ཆུ་བེད་སྒྲིག་ཆས་འཛུགས་སྐྲུན་ལ་མ་དངུལ་གཏོང་ཁྱོན་མགྱོ གས་མྱུར་ངང་རྒྱ་སྐྱེད་བྱུང་།ལོ་ལྔའི་འཆར་གཞི་བཅུ་པའི་ཐོག་མའི་ལོ་འཁོར་དུ་དེའི་ཐད་ཀྱི་མ་དངུལ་གཏོང་འཇོག་བྱེད་ཚད་སྒོར་དུང་ཕྱུར3ལས་མི་འདང་ཞིང་། སྔོན་རྗེས་སུ་སྒོར་དུང་ཕྱུར10དང་དུང་ཕྱུར20  དུང་ཕྱུར30བཅས་བརྒལ་ཡོད། གཞི་རྩའི་ཐོག་ནས་ལོ་རེར་སྒོར་དུང་ཕྱུར45གཏོང་འཇོག་བྱེད་པའི་འཛུགས་སྐྲུན་བྱེད་ཁྱོན་བརྟན་བརླིང་བྱས་ཡོད།སྔོན་རྗེས་སུ་མ་ལ་ཆུ་བེད་ཀྱི་འགག་རྩ་དང་ཕང་ཏོའོ་ཆུ་བེད་འགག་རྩ། ལྷ་སའི་ཆུ་བོའི་ཆུ་རགས། མ་ལའི་ཞིང་ཆུ་གཏོང་ཡུལ། ཡར་ལུང་གི་ཞིང་ཆུ་གཏོང་ཡུལ། མོ་ཏའི་ཞིང་ཆུ་གཏོང་ཡུལ་སོགས་ཚན་པ་ཆེན་པོའི་ཆུ་བེད་རྨང་གཞི་སྒྲིག་ཆས་ཡོད་པའི་ས་ཁུལ（གྲོང་ཁྱེར）དང་རྫོང་མཁར་གྱི་ཆུ་ལོག་འགོག་རགས་ཚོ་ཆེན་པོ་ཞིག་ཧ་ལམ་གྲུབ་ཡོད་ཅིང་། ཞིང་སར་ཆུ་འདྲེན་པའི་གཞི་ཁྱོན་མུའུ་ཁྲི302ལ་ཟིན་ཏེ་གཞི་རྩའི་ཐོག་ནས་ཆུ་མཁོ་འདོན་དང་ཆུ་གཏོང་བ། གློག་འདོན་པ། ཆུ་ལོག་འགོག་པའི་ཆུ་བེད་ཕན་ནུས་ཀྱི་མ་ལག་གྲུབ་པས། ཕན་ནུས་ལྡན་པའི་སྒོས་རྗེས་སུ་ལུས་པའི་ཆུ་བེད་རྨང་གཞི་སྒྲིག་ཆས་ཀྱི་རྣམ་པ་ལེགས་བཅོས་བྱས་པ་རེད།