ཞིན་ཧྭ་གསར་འགྱུར་ཁང་པེ་ཅིན་ནས་འབྱོར་བའི་གཏམ་གསར།ཟླ་བ8པའི་ཚེས1ཉིན་ནས་བཟུང་།རྒྱལ་ཁབ་འཕེལ་རྒྱས་དང་བཅོས་བསྒྱུར་ཨུ་ལྷན།དངུལ་ཁང་ལྟ་སྐུལ་དོ་དམ་ཚོགས་པས་མཉམ་དུ་ཁྱབ་བསྒྲགས་བྱས་པའི༼ཚོང་ལས་དངུལ་ཁང་གི་ཞབས་ཞུའི་རིན་གོང་དོ་དམ་བྱེད་ཐབས༽དངོས་སུ་ལག་བསྟར་བྱས་ཤིང་།ཚོང་ལས་དངུལ་ཁང་མང་པོ་ཞིག་གིས་སྲིད་གཞུང་གིས་མཛུབ་སྟོན་བྱས་པའི་རིན་གོང་ལྟར་གྲོན་དངུལ་སྡུད་རྒྱུའི་ཚད་གཞི་ཁ་ཤས་དམའ་རུ་བཏང་ཡོད་ཅིང་། མི་སྒེར་མཁོ་མཁན་གྱི་ཐོ་ཁོངས་དོ་དམ་དང་། ལོ་རེའི་གྲོན་དངུལ།། རྒན་གསོའི་མ་དངུལ་སོགས་ས་གནས་གཞན་དག་གི་དངུལ་ཁང་ནས་བླངས་པའི་འགྲོ་སོང་རིན་པ་ཁ་ཤས་ཆག་ཡང་དང་རྩ་ཆག་ཏུ་བཏང་བ་རེད།
ཟླ་བ8པའི་ཚེས1ནས་བཟུང་།ས་གནས་གཞན་གྱི་དངུལ་ཁང་ནས་རྒན་གསོའི་མ་དངུལ་གཏོང་ལེན་བྱེད་དགོས་པའི་མཛད་སྤྱོད་པས་ཤེས་རྟོགས་བྱུང་རྒྱུར།ཟླ་བ་རེའི་སྔོན་གྱི་ཐེངས་གཉིས་ལ་དངུལ་ལེན་ཚད་སྒོར2500ལས་མི་བརྒལ་ན་བཟོ་ཚོང་དངུལ་ཁང་དང་། འཛུགས་སྐྲུན་དངུལ་ཁང་།ཀྲུང་གོའི་ཡིད་རྟོན་དངུལ་ཁང་སོགས་དངུལ་ཁང་མང་པོར་འགྲོ་སོང་རིན་པ་སྤྲོད་མི་དགོས།ཟླ་བ་རེའི་སྔོན་གྱི་ཐེངས་གཉིས་ལ་དངུལ་ལོན་ཚད་སྒོར2500ལས་བརྒལ་བའི་ཆ་དང་དངུལ་ཐེངས་མ་གསུམ་ལེན་པ་ནས་བཟུང་མ་དངུལ་ལེན་ཚད་ཀྱི་བརྒྱ་ཆ0.5ལྟར་འགྲོ་སོང་རིན་པ་རྩིས་ཞུ་བྱེད་དགོས་ཤིང་།ཆེས་མཐོ་བའི་གྲོན་དངུལ་སྡུད་ཚད་སྒོར50ཡིན་པ་རེད།དངུལ་ཁང་གི་མཁོ་མཁན་ཆ་ཤས་ཀྱིས་ད་དུང་གཞི་ཁྱོན་དེ་བས་ཆེན་པོའི་རིན་པ་མི་དགོས་པའི་ཞབས་ཞུ་ལ་ལོངས་སུ་སྤྱད་ཆོག་པ་ཡིན།ཆོད་དོན་གསར་པ་ལས་གཏན་འཁེལ་གསལ་པོ་བྱས་དོན།མི་སྒེར་གྱི་ལག་དངུལ་བཏང་བའི་འགྲོ་སོང་རིན་པ་ཐེངས་རེར་བཏང་དངུལ་གྱི་དངུལ་གྲངས་བརྒྱ་ཆ0.5ལས་མི་བརྒལ་ན།ཆེས་མཐོ་བའི་གྲོན་དངུལ་སྡུད་ཚད་སྒོར50ཡིན།མི་སྒེར་གྱི་ས་གནས་གཞན་དག་གི་དངུལ་ཁང་རིགས་གཅིག་པའི་ཚོང་སྒྲོམ་ལས་ལག་དངུལ་ལེན་པའི་འགྲོ་སོང་རིན་པ་ཐེངས་རེར་དངུལ་གྲངས་ཀྱི་བརྒྱ་ཆ0.5ལས་མི་བརྒལ་ན་ཆེས་མཐོ་བའི་གྲོན་དངུལ་སྡུད་ཚད་སྒོར50ཡིན།རྒྱལ་དབང་དངུལ་ཁང་ཆེན་པོས་སྔོན་གྱི་གྲོན་དངུལ་སྡུད་བའི་ཚད་གཞི་དང་བསྡུར་ནས་བལྟས་ན་གྲོན་དངུལ་སྡུད་ཚད་དེ་བརྒྱ་ཆ50དམའ་རུ་བཏང་ཡོད་པ་རེད།