སི་ཁྲོན་ཞིང་ཆེན་རྔ་བ་བོད་རིགས་ཆཱང་རིགས་རང་སྐྱོང་ཁུལ་གཟི་ཚ་སྡེ་དགུ་རྫོང་ཏང་ཨུ་དང་། རྫོང་སྲིད་གཞུང་གིས་དཀའ་ངལ་ཆེ་བའི་མང་ཚོགས་ཀྱིས་དགུན་སྐྱིད་པོ་ཞིག་རོལ་བའི་བྱ་བ་བཟང་པོར་སྒྲུབ་པ་དེ་དེང་སྐབས་ཀྱི་ལས་འགན་གཙོ་བོར་བརྩིས་ཏེ་སྔ་མོ་ནས་དམ་འཛིན་བྱས། གཅིག་ནས་གཟི་ཚ་སྡེ་དགུ་རྫོང་གིས་དཀའ་ངལ་ཆེ་བའི་མང་ཚོགས་ཀྱིས་དགུན་སྐྱིད་པོ་ཞིག་རོལ་བའི་བྱ་བ་བཟང་པོར་སྒྲུབ་སྟེ། སྔར་ལས་ལྷག་པའི་སྒོ་ནས་ངོས་འཛིན་ཇེ་མཐོར་བཏང་སྟེ། གནོད་འཚེ་ཐེབས་པའི་མང་ཚོགས་ཀྱིས་དགུན་སྐྱིད་པོ་ཞིག་རོལ་བའི་བྱ་བར་ཕྱོགས་ཡོངས་ནས་བཀོད་སྒྲིག་བྱས་པ་དང་། གཉིས་ནས་ཞང་དང་གྲོང་བརྡལ། རྫོང་རིམ་པའི་འབྲེལ་ཡོད་སྡེ་ཁག་གིས་གནོད་འཚེ་ཐེབས་པའི་མང་ཚོགས་ཀྱིས་དགུན་སྐྱིད་པོ་ཞིག་རོལ་བ་དང་། དབུལ་ཕོངས་ཁྱིམ་ཚང་ལ་རོགས་སྐྱོར་བྱེད་པའི་བྱ་བ་བཟང་པོར་སྒྲུབ། གསུམ་ནས་དགུན་ཁར་མཁོ་བའི་དངོས་རྫས་གསོག་འཇོག་བྱས་ནས། རོང་འབྲོག་མང་ཚོགས་ཀྱིས་དགུན་སྐྱིད་པོ་ཞིག་རོལ་བར་འགན་སྲུང་བྱས།