ལོ་དྲུག་རིང་ལ་འཛུགས་སྐྲུན་བྱས་པར་བརྒྱུད།ཀུའེ་ཀྲོའུ་ནས་ཀོང་ཀྲོའུ་བར་གྱི་ལྕགས་ལམ་འཛུགས་སྐྲུན་དེ་མཇུག་སྒྲིལ་བའི་དུས་རིམ་ལ་སླེབས།ཟམ་པ་དང་ཕུག་ལམ།ལམ་གཞི་འཛུགས་སྐྲུན།ལམ་ལྕགས་འདིང་བ་སོགས་རྨང་གཞི་རང་བཞིན་གྱི་ཨར་ལས་སྒོ་ཀུན་ནས་ལས་ཚར་ཏེ་ཟླ་བ9པར་མཉམ་ལས་མཐུན་སྦྱོར་དང་ཉེན་ཁ་གདེང་ཚོད་བྱེད་པའི་དུས་རིམ་དུ་འཇུག་རྒྱུ་རེད།ཀུའེ་ཀྲོའུ་ནས་ཀོང་ཀྲོའུ་བར་གྱི་ལྕགས་ལམ་གྱི་ལམ་ཐག་ཧྲིལ་པོ་སྤྱི་ལེ857ཡོད་ཅིང་།ཆུ་ཚོད་རེར་མེ་འཁོར་སྤྱི་ལེ250རྒྱུགས་ཐུབ་པ་དེ་ནི་རང་རྒྱལ་གྱི་ནུབ་རྒྱུད་གསར་སྦོལ་ཆེན་པོའི་ཐབས་ཇུས་ལག་ལེན་བསྟར་བའི་ལྷོ་ནུབ་ས་ཁུལ་དང་ཀྲུང་ཧྭ་ནུབ་རྒྱུད་ཀྱི་ཀྲུའུ་ཅང་ཟུར་གསུམ་གླིང་ཕྲན་སྦྲེལ་པའི་གལ་ཆེའི་འགྲུལ་སྐྱེལ་ལྕགས་ལམ་ཞིག་ཡིན་པ་རེད།ལྕགས་ལམ་དེ་ཀུའེ་ཀྲོའུ་དང་།ཀོང་ཞི།ཀོང་ཀྲོའུ་ཞིང་ཆེན་གསུམ་བརྒྱུད་ཡོད།ལྕགས་ལམ་དེའི་ཐོག་མེ་འཁོར་ཤར་གཏོང་བྱུང་རྗེས་ཀུའེ་ཀྲོའུ་ནས་ཀུའེ་ལིན་བར་ཆུ་ཚོད2ཙམ་ལས་མི་དགོས།ཀུའེ་ཀྲོའུ་ནས་ཀོང་ཀྲོའུ་བར་ཆུ་ཚོད4ཙམ་ལས་མི་དགོས་པ་རེད།