ཤིན་ཧྭ་ནུབ་རྒྱུད་གྲོང་ཁྱེར་ཚགས་པར་ཐོག་གནས་ཚུལ་སྤེལ་བ་གཞིར་བཟུང་། ཉེ་ཆར་སི་ཁྲོན་ཞིང་ཆེན་གྱི་དཀར་མཛེས་དང་མའེ་ཧྲན་བཟོ་ལས་གླིང་གིས་ཁྲེང་ཏུར་དངོས་སུ་གན་འཇོག་བྱས་པ་དེ་ཐོག་ནས་དཀར་མཛེས་དང་མའེ་ཧྲན་མཉམ་ལས་བྱ་རྒྱུའི་ཐད་ལེའུ་གསར་པ་ཕྱེ་བ་མཚོན་པ་རེད།

ད་ལོ་ཚུན་ལོ་ཕྱེད་ཙམ་འབྲེལ་གཏུག་དང་གྲོས་མོལ་བྱས་པ་བརྒྱུད་དཀར་མཛེས་བོད་རིགས་རང་སྐྱོང་ཀྲོའུ་དང་མའེ་ཧྲན་གྲོང་ཁྱེར་དབར་དཀར་མའེ་བཟོ་ལས་གླིང་མཉམ་ལས་ཐོག་བསྐྲུན་རྒྱུའི་ཐད་ངོས་འཛིན་གཅིག་མཐུན་བྱུང་ནས་མའེ་ཧྲན་གྱི་ཧ་ཡང་དང་ཀུའེ་ཐོན་ལས་གླིང་གི་རྨང་གཞིའི་ཐོག་དཀར་མའི་བཟོ་ལས་གླིང་མཉམ་སྐྲུན་བྱས་པར་་དང་ཐོག་སྤྱི་ལེ་གྲུ་བཞི་མ10འཛུགས་སྐྲུན་བྱེད་འགོ་བཙུགས་ཐོག་གསོན་ཤུགས་ཆེ་ཤོས་དང་འགྲན་བརྩོན་གྱི་ལེགས་ཆ་ལྡན་པའི“གཞན་གཏོགས་ས་ཆའི”བཟོ་ལས་གླིང་མཉམ་འབྲེལ་ཐོག་བསྐྲུན་པ་རེད།

ཤེས་རྟོགས་བྱུང་བར་གཞིགས་ན།དཀར་མའེ་བཟོ་ལས་གླིང་གིས་ཐོན་ལས་གྲོང་གསར་གྱི་དཔེ་དབྱིབས་གཞིར་བཟུང་རང་བདག་དོ་དམ་དང་།རང་བདག་ཞིབ་རྩིས།སྒོ་རྒྱག་འཁོར་རྒྱུགམ་རྐང་གཞིར་བཟུང་མ་འཇོག་བྱེད་པ།གན་རྒྱ་གཞིར་བཟུང་ཁེ་སྤོགས་བགོ་བ་བཅས་ཀྱི་མཉམ་མྱོང་ལམ་སྲོལ་ལག་བསྟར་བྱས་པ་དང་།ཐོན་ལས་ཀྱི་ངེས་གཏན་ཐོག་ཚན་རྩལ་རྣམ་པ་དང་།གསར་གཏོད་རྣམ་པ།ནུས་རྒྱུ་བསྲི་ཚགས་དང་ཁོར་ཡུག་སྲུང་སྐྱོང་རྣམ་པ་བཅས་ཀྱི་ཐོན་ལས་གཙོ་གནད་དུ་འཕེལ་རྒྱས་བཏང་ནས་མདོག་ལྡན་ལྕགས་རིགས་ཀྱི་ཐོན་ལས་སྒྲོག་ཐག་སྣུར་བསྲིང་བྱས་ཐོག་དཀར་མཛེས་ཀྲོའུ་ཡི་མདོག་ལྡན་ལྕགས་རིགས་གཏེར་ཐོན་ཐོན་ཁུངས་ལས་སྣོན་ཞིབ་ཚགས་བྱ་རྒྱུའི་འགན་འཁུར་བ་རེད།མིག་སྔར་དཀར་མཛེས་དང་མའེ་ཧྲན་ཕྱོགས་གཉིས་པོས་སྐུལ་འདེད་སྒྲིག་གཞི་མཉམ་འཛུགས་བྱེད་པ་དང་དོ་དམ་གྱི་མཐུན་སྦྱོར་ལམ་སྲོལ་བཙུགས་ཏེ་བཟོ་ལས་གླིང་འཛུགས་སྐྲུན་དང་ཐོན་ལས་འཕེལ་རྒྱས་ལ་མགྱོ གས་མྱུར་སྐུལ་འདེད་གཏོང་བཞིན་ཡོད་པ་རེད། །