སྐྱིད་ན་གྲོང་སྡེས་ཞིང་དུད251གི་མིས་བཟོས་རྩྭ་རའི་མུའུ350ལྷག་འཁོར་རྒྱུག་གཅིག་བསྡུས་བྱས་ཏེ། གསོ་སྤེལ་ཆེད་ལས་མཉམ་ལས་ཁང་བཙུགས་པ་དང་དེང་རབས་ཞིང་འབྲོག་མཉམ་ལས་ཀྱི་གཞི་ཁྱོན་འོས་འཚམ་གྱི་བདག་གཉེར་དཔེ་སྟོན་བྱས་པས་ན་ལོར་མཉམ་ལས་ཁང་གིས་ལག་དངུལ་སྒོར་ཁྲི24.7བགོས་ཡོད། དུད་ཚང་རེར་ཆ་སྙོམས་ཡོང་འབབ་ལག་དངུལ་སྒོར་1234ཐོབ་ཡོད་པ་རེད། མཉམ་ལས་ཁང་དུ་ལས་ཀ་ལས་བྱེད་བཞིན་པའི་བླ་འཁོར་ལ་ཟླ་བ་རེར་སྒོར་སྟོང་གི་གླ་ཕོགས་ཡོད་པ་རེད། 　　     ཀྲུང་གོ་ཚན་རིགས་ཁང་གི་ས་ཁམས་ཚན་རིགས་དང་ཐོན་ཁུངས་ཞིབ་འཇུག་སུའོ་ཡིས་སྣེ་ཁྲིད་དང་ལག་བསྟར་བྱས་པའི་བོད་ལྗོངས་ཞིང་འབྲོག་མི་དམངས་ཀྱི་ཡོང་འབབ་འཕར་སྣོན་གཏོང་བའི་ལག་རྩལ་དཔེ་སྟོན་གྱི་རྣམ་གྲངས་དེ། བོད་ལྗོངས་ཀྱི་དམིགས་བསལ་གྱི་ཞིང་ལས་གྲོང་སྡེ（ལྷོ་ཁ་ས་ཁུལ་གྱི་སྐྱིད་ན་གྲོང་སྡེ）དང་ཞིང་མ་འབྲོག་གི་གྲོང་སྡེ（ལྷ་ས་གྲོང་ཁྱེར་དཔལ་ནང་གྲོང་སྡེ）གྲོང་ཁྱེར་ཉེ་འཁོར་གྱི་གྲོང་སྡེ（ཉིང་ཁྲི་ས་ཁུལ་གཙང་སྨད་གྲོང་སྡེ）བཅས་དཔེ་སྟོན་བྱེད་ཡུལ་དུ་བདམས་ཤིང་། གྲོང་སྡེ་སོ་སོའི་ཐོན་ཁུངས་ཀྱི་ཁྱད་ཆོས་ལ་གཞིགས་ནས་ཞིང་འབྲོག་མི་དམངས་ཀྱི་རྣམ་པ་གསར་པའི་མཉམ་ལས་བདག་གཉེར་གྱི་རྩ་འཛུགས་གསོ་སྐྱོང་དང་།  ཞིང་འབྲོག་མཉམ་འབྲེལ་བྱེད་པའི་ལག་རྩལ་མ་ལག་འཛུགས་སྐྱོང་བྱེད་པ། ཞིང་འབྲོག་མི་དམངས་ཀྱི་ནུས་རྩལ་མཐོ་རུ་གཏོང་བ་སོགས་ལས་ཀ་རབ་དང་རིམ་པ་མཉམ་འདྲེས་བྱས་པ་བརྒྱུད་ཕྱོགས་ཡོངས་ནས་གྲོང་སྡེ་ཧྲིལ་པོ་ལ་ཁྱབ་གདལ་གཏོང་བར་སྐུལ་འདེད་བྱས་ཏེ། བོད་ལྗོངས་ཞིང་ཁུལ་གྱི་དེང་རབས་དང་རྒྱུན་རིང་ལྡན་པའི་སྐྱེ་ཁམས་དང་ཕྱུགས་ལས་འཕེལ་རྒྱས་གཏོང་བའི་དམིགས་བསལ་གྱི་མ་དཔེ་བསྐྲུན་ནས་ཞིང་འབྲོག་མི་དམངས་ཀྱི་ཡོང་འབབ་འཕར་བར་ལག་རྩལ་གྱི་འདེགས་སྐྱོར་བྱ་རྒྱུ་མཁོ་འདོན་བྱས་པ་མ་ཚད་ཡུན་རིང་པོར་ཡོང་འབབ་འཕར་བའི་ནང་རྐྱེན་བསྐྲུན་རྒྱུ་རེད།