2003ལོ་ནས་བཟུང་།ཀྲེན་ཅང་གིས་ཞིང་ཆེན་ཡོངས་ཀྱི་ཞིང་སྡེར“གྲོང་ཚོ་སྟོང་ལ་དཔེ་སྟོན་པ་དང་གྲོང་ཚོ་ཁྲིར་བཅོས་སྐྱོང་བྱེད་པའི”ཨར་ལས་བསྒྲུབས་ཏེ་ཕན་ནུས་མངོན་གསལ་དོད་པོ་ཐོབ་པ།ཉེ་ཆར།ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི།རྒྱལ་ཁབ་ཀྲུའུ་ཞི།ཀྲུང་དབྱང་དམག་ཨུའི་ཀྲུའུ་ཞི་ཞི་ཅིན་ཕིང་གིས་དེར་གལ་ཆེའི་མཛུབ་སྟོན་གནང་སྟེ།ཀྲེན་ཅང་ཞིང་ཆེན་གྱིས“གྲོང་ཚོ་སྟོང་ལ་དཔེ་སྟོན་བྱེད་པ་དང་གྲོང་ཚོ་ཁྲིར་བཅོས་སྐྱོང་བྱེད་པའི”ཨར་ལས་སྤེལ་བའི་ཉམས་མྱོང་ལ་ཕྱོགས་བསྡུས་དང་ཁྱབ་གདལ་གཏོང་དགོས་པ་དང་།ས་གནས་ཁག་གིས་ཞིང་སྡེ་གསར་པ་འཛུགས་སྐྲུན་བྱེད་རིམ་ཡུལ་བབ་དང་བསྟུན་དགོས་ཤིང་།རིགས་བགོས་ཏེ་ཁྲིད་སྟོན་བྱེད་པ།འཆར་འགོད་སྔོན་དུ་བྱེད་པ།ནང་རྐྱེན་འཐུས་སྒོ་ཚང་དུ་གཏོང་བ།གཙོ་གནད་དམིགས་བཀར་བ།གཅིག་འགྱུར་མཐུན་སྦྱོར་བཅས་བྱས་ཏེ་དུས་ཡུན་རིང་པོ་འབད་འཐབ་བྱས་པར་བརྒྱུད་སྒོ་ཀུན་ནས་ཞིང་སྡེའི་ཐོན་སྐྱེད་དང་འཚོ་འི་ཆ་རྐྱེན་ལེགས་བཅོས་བྱེད་དགོས་ཞེས་ནན་གསུང་གནང་།
    ཞི་ཅིན་ཕིང་གིས་མཛུབ་སྟོན་སྙིང་སྟོབས་ལ་དམིགས་ཏེ་ཀྲུང་དབྱང་གི་འབྲེལ་ཡོད་སྡེ་ཁག་གིས་དུས་ཐོག་ཏུ་ཀྲེན་ཅང་ཞིང་ཆེན་གྱི་ཉམས་མྱོང་ལ་ཕྱོགས་བསྡུས་བྱས་ཤིང་།ལས་ཡུལ་དངོས་ཀྱི་གྲོས་ཚོགས་འཚོག་པར་སྒྲིག་འཛུགས་བྱས་ཡོད།རྒྱལ་སྲིད་སྤྱི་ཁྱབ་ཁང་གི་ཙུང་ལི་ལི་ཁེ་ཆང་གིས་གྲོས་ཚོགས་ལ་ཆེད་དུ་མཆན་བཀོད་མཛུབ་སྟོན་གནང་སྟེ་ནན་གསུང་གནང་བར།ཞིང་སྡེའི་མི་སྡོད་ཁོར་ཡུག་ལེགས་བཅོས་བྱེད་པར་ཞིང་པ་དུང་ཕྱུག་ཁྲིའི་རེ་འདུན་ཁྱེར་ཡོད་པས།ས་གནས་ཁག་དང་འབྲེལ་ཡོད་སྡེ་ཁག་གིས་དངོས་གནས་ནས་ཐོན་ནས་གཅིག་གྱུར་འཆར་འགོད་དང་།ཡུལ་བབ་དང་བསྟུན་ནས་ཤུགས་ལ་དཔགས་ཏེ་བྱེད་པ།ཞིང་པས་གཙོ་གནད་ཀྱི་ཐོབ་ཐང་བྱེད་པར་རྒྱུན་འཁྱོངས་བྱེད་དགོས།ཞིང་པའི་རེ་འདུན་ལ་གུས་བཀུར་བྱེད་དགོས།ཞིང་སྡེའི་ཁྱད་ཆོས་དམིགས་སུ་བཀར་བ་བྱེད་དགོས།རྒྱུན་སྲོལ་གྱི་རིག་གནས་དར་སྤེལ་གཏོང་དགོས།གོ་རིམ་ལྡན་པའི་སྒོས་ཞིང་སྡེའི་མི་སྡོད་ཁོར་ཡུག་ཕྱོགས་བསྡུས་བཅོས་སྐྱོང་བྱེད་པར་སྐུལ་འདེད་བཏང་སྟེ་མཛེས་སྡུག་ལྡན་པིའེ་གྲོང་ཚོ་མགྱོགས་པོ་སྐྲུན་གང་ཐུབ་བྱེད་དགོས།
    ཟླ་བ10པའི་ཚེས9ཉིན།རྒྱལ་སྲིད་སྤྱི་ཁྱབ་ཁང་གི་ཙུང་ལི་གཞོན་པ་ཝང་ཡང་གིས་རྒྱལ་ཡོངས་ཀྱི་ཞིང་སྡེའི་མི་སྡོད་ཁོར་ཡུག་ལེགས་བཅོས་བྱེད་པའི་ལས་ཀའི་གྲོས་ཚོགས་ཐོག་ཞི་ཅིན་ཕིང་གི་གལ་ཆེའི་མཛུབ་སྟོན་ལ་སློབ་སྦྱོང་བྱ་རྒྱུར་བཀོད་སྒྲིག་གནང་ཡོད།ཁོང་གིས་ས་གནས་ཁག་གིས་ཞིང་སྡེའི་མི་སྡོད་ཁོར་ཡུག་འཛུགས་སྐྲུན་བྱ་རྒྱུར་མཐོང་ཆེན་ཆེན་པོ་བྱེད་དགོས་པ་དང་།འགོ་ཁྲིད་བྱ་རྒྱུར་ཤུགས་སྣོན་དོ་དན་རྒྱག་དགོས།ཚན་རིག་དང་མཐུན་ནས་འཆར་འགོད་བྱེད་དགོས།སྒྲིག་འཛུགས་ཞིབ་ཕྲ་བྱེད་དགོས།ཞིང་སྡེའི་རྨང་གཞི་སྒྲིག་ཆས་འཛུགས་སྐྲུན་དང་ཁོར་ཡུག་བཟོ་བཅོས་བྱེད་པར་ཤུགས་སྣོན་རྒྱག་དགོས་པ་ཞེས་ནན་གསུང་གནང་།