བོད་ལྗོངས་ཀྱིས་བོད་ཡིག་ཆ་འཕྲིན་ཐག་གཅོད་བྱེད་སྟངས་ཀྱི་ལག་རྩལ་གསོ་སྦྱོང་བྱས་ཏེ་ཞིང་འབྲོག་དམངས་ལས་ཞུགས་བྱས་པར་སྐུལ་སྤེལ་བྱས།
ཡེ་ཤེས་མགོན་པོས་བསྒྱུར། 2010-12-02
ཞིན་ཧྭ་གསར་འགྱུར་ཁང་ལྷ་ས་ནས་ཟླ་བ11པའི་ཚེས20ཉིན་འབྱོར་གཏམ་གསར།ཉེ་ཆར།བོད་རང་སྐྱོང་ལྗོངས་གཞིས་ཀ་རྩེ་ས་སྐྱ་རྫོང་ནས་འོངས་པའི་མཐོ་རིམ་སློབ་འབྲིང་གི་ཡོན་ཚད་ཡོད་པའི་ཞིང་འབྲོག་དམངས་ཀྱི་བུ་རྒྱུད20ལྷག་ཙམ་གྱིས་བོད་ལྗོངས་ནོར་ཚང་རྩིས་རྒྱག་འཕྲུལ་འཁོར་གསོ་སྦྱོང་སློབ་གྲྭའི་ནང་ཟླ་བ་གཉིས་ཀྱི་རིང་སློབ་སྦྱོང་བྱེད་འགོ་ཚུགས་པ་རེད།བོད་རང་སྐྱོང་ལྗོངས་ངལ་རྩོལ་འགན་སྲུང་ཐིང་གི་གསོ་སྦྱོང་ལས་ཞུགས་ཁྲུའུ་ཡི་ཁྲུའུ་ཀྲང་ལི་པའོ་རུང་གིས་ངོ་སྤྲོད་བྱས་པར་གཞིགས་ན།བོད་ལྗོངས་ཀྱི་མི་འབོར་བརྒྱ་ཆ80དེ་ཞིང་འབྲོག་ས་ཁུལ་དུ་ཡོད་པས་ཞིང་འབྲོག་ས་ཁུལ་གྱི་ངལ་རྩལ་མི་ལག་གི་ཐོན་ཁུངས་ཕུན་སུམ་ཚོགས་པོ་ཡིན་ཞིང་།ལོ་རྟག་པར་ཞིང་པའི་གླ་པ་ཁྲི30ལྷག་ཙམ་ཕྱི་ཕྱོགས་སུ་གླ་ས་འགྲོ་བཞིན་ཡོད་པ་རེད།མི་འདི་གིས་རྒྱུ་ནོར་གསར་སྐྲུན་དང་ལག་དངུལ་ཡོང་འབབ་འཕར་སྣོན།རང་ཉིད་ཀྱི་འཚོ་བ་ལེགས་བཅོས་བྱས་པའི་དུས་མཚུངས་སུ།གླ་ས་འགྲོ་བའི་ཁྲོད་དུ་དམིགས་བསལ་གྱི་དཀའ་ངལ་དང་གནད་དོན་ཡང་འཕྲད་སྲིད་པ་རེད།གནས་ཚུལ་འདི་ལ་དམིགས་ནས།ཉེ་བའི་ལོ་ཤས་རིང་ལ་བོད་ལྗོངས་ཀྱིས་ཞིང་འབྲོག་དམངས་ཚོས་སྤྱི་ཚོགས་ཐོག་ལས་ཀར་ཞུགས་པའི་སྐབས་སུ་ལག་ཤེས་སྣ་གཅིག་ཡོད་ཆེད།ཤུགས་ཆེན་པོས་མི་རིགས་ཀྱི་སྲོལ་རྒྱུན་ལག་ཤེས་བཟོ་རྩལ་དང་ཁྱད་ཆོས་ལྡན་པའི་ཞིང་འབྲོག་ཐོན་རྫས་ལས་སྣོན་བྱ་རྒྱུ་སོགས་ཀྱི་ལག་ཤེས་འཇོན་ནུས་གསོ་སྦྱོང་བྱས་པར་བརྟེན།གཞི་རྩའི་ཐོག་ངལ་རྩོལ་མི་ལག་ཚོང་རའི་དགོས་མཁོ་ཡིས་གཙོ་ཕྱོགས་དང་གསོ་སྦྱོང་གིས་ལས་ཞུགས་ལ་སྐུལ་སྤེལ་གཏོང་རྒྱུས་དམིགས་ཡུལ་བྱས་པའི་ལག་ཤེས་འཇོན་ནུས་གསོ་སྦྱོང་གི་ནང་རྐྱེན་གཏན་འཁེལ་བྱས་པ་རེད།བསྡོམས་རྩིས་བྱས་པར་གཞིགས་ན།འདས་པའི་ལོ5ཡི་ནང་བོད་ལྗོངས་ཀྱིས་རིགས་སྣ་ཚོགས་ཀྱི་གསོ་སྦྱོང་འཛིན་གྲྭ་ཐེངས2000ལྷག་ཙམ་གཉེར་ཡོད་པས་ཞིང་འབྲོག་དམངས་ཁྲི5ལ་ཁེ་ཕན་ཐོབ་པ་རེད།བསྡོམས་རྩིས་བྱས་པར་གཞིགས་ན།ལོ་ལྔའི་འཆར་གཞི་བཅུ་གཅིག་པའི་ནང་བོད་ལྗོངས་ཀྱི་ཞིང་འབྲོག་ཁུལ་ངལ་རྩོལ་མི་ལག་སྤོ་སྒྱུར་བྱས་པའི་མིའི་ཐེངས་གྲངས་ཁྲི371ལ་ཟིན་པ་དང་ངལ་རྩོལ་ཡོང་འབབ་སྒོར་དུང་ཕྱུར53.7ལ་ཟིན་པ་རེད།