«ཐར་ལོ» དྲིལ་བསྒྲགས་པར་རིས།

     ཀྲུང་གོ་བོད་ཀྱི་དྲ་བའི་འཕྲིན། ཉེ་ལམ། འཁྲབ་ཁྲིད་པ་པདྨ་ཚེ་བརྟན་གྱིས་གསལ་བསྒྲགས་བྱས་པ་ལྟར་ན།  ཁོང་གི་གློག་བརྙན་གསར་ཤོས«ཐར་ལོ» སྤྱི་ཟླ11པའི་ཚེས18ཉིན་ནས།  བོད་ཁུལ་གཙོས་རྒྱ་ནག་གི་ནུབ་བྱང་ས་ཁུལ་དུ་གཟིགས་སྟོན་གནང་རྒྱུ་གཏན་འཁེལ་བྱས་ཟིན་ལ།   སྤྱི་ཟླ12པའི་ཚེས9ཉིན་ནས་རྒྱལ་ཡོངས་ཀྱི་གློག་བརྙན་ཁང་སོ་སོ་ནས་འགྲེམ་སྤེལ་བྱ་འཆར་ཡོད།  

     «ཐར་ལོ» ནི་པདྨ་ཚེ་བརྟན་གྱི་གློག་བརྙན་སྐྱ་བོ་ཐོག་མ་ཡིན་ཏེ།  2015ལོའི་ཟླ11པར།  ཐེ་ཝན་གྱི་གསེར་གྱི་རྟ་མཆོག་གློག་བརྙན་དུས་སྟོན་སྐབས་55པའི་འཁྲབ་གཞུང་ལེགས་བཅོས་རྩེ་གྲའི་བྱ་དགའ་ཐོབ་པ་དང་།  2015ལོའི་ཟླ12པར།  ཐོ་ཁྱོའི་གློག་བརྙན་དུས་སྟོནFILMEXསྐབས16པའི་གློག་བརྙན་རྩེ་གྲ་དང་སློབ་མའི་དཔྱད་འདེམས་ཚོགས་པའི་བྱ་དགའ་གཉིས་ཐོབ་པ་དང་།  2016ལོའི་ཟླ2པར།  ཧྥ་རན་སིའི་སུ་ཝེལ་ཨེ་ཤེ་ཡའི་རྒྱལ་སྤྱིའི་གློག་བརྙན་དུས་སྟོན་སྐབས22པར་གློག་བརྙན་དུས་ཆེན་དེའི་གཟེངས་རྟགས་མཐོ་ཤོས་གསེར་གྱི་འཁོར་ལོ་རྐང་གསུམ་བུམ་པ་དང་ཕ་རི་སིའི་ཤར་ཕྱོགས་སྐད་ཀྱི་གཟེངས་རྟགས་གཉིས་ཀ་ཐོབ་པ་དང་། སྔ་ཕྱིར། ཨ་རི་དང་ཡོ་རོབ།  ཉི་ཧོང་སོགས་རྒྱལ་ཁབ་དང་ས་གནས་མང་པོ་ནས་གཟིགས་སྟོན་བྱས།  །