རང་རྒྱལ་གྱི་མཐོ་རིམ་སློབ་གྲྭའི་སློབ་ཐོན་སློབ་མའི་ལས་ཞུགས་བྱེད་ཚད་ལོ་བསྟུད་མར༡༤ལ་བརྒྱ༧༠ལས་བརྒལ།

ཡེ་ཤེས་ཀྱིས་བསྒྱུར། 2016-11-16

ཞིན་ཧྭ་གསར་འགྱུར་ཁང་ཞི་ཨན་ནས་འབྱོར་བའི་གཏམ་གསར། རང་རྒྱལ་གྱི་མཐོ་རིམ་སློབ་གྲྭའི་སློབ་ཐོན་སློབ་མའི་ཐོག་མའི་ལས་ཞུགས་བྱེད་ཚད་དེ་ལོ་བསྟུད་མ14བརྒྱ་ཆ70ལས་བརྒལ་བ་རེད། རྒྱལ་ཡོངས་མཐོ་རིམ་སློབ་གྲྭའི་སློབ་མའི་ཆ་འཕྲིན་བློ་འདྲི་དང་ལས་ཞུགས་ཁྲིད་སྟོན་ལྟེ་གནས་ཀྱི་ཀྲུའུ་རེན་ལེ་ཁྲའོ་ཙིས་བཤད་པར་གཞིགས་ན། སློབ་གསོ་པུའུ་ཡིས་ལོ་རེར་སློབ་ཐོན་སློབ་མའི་ལས་ཞུགས་དང་ལས་ལམ་གསར་འབྱེད་བྱ་རྒྱུའི་ལས་ཀ་དེ་སློབ་གསོ་པུའུ་ཡི་གཙོ་གནས་ལས་ཀར་བརྩིས་ཡོད་ཅིང་། ལས་ཀའི་ནང་རྐྱེན་འཐུས་སྒོ་ཚང་དུ་གཏོང་བ་དང་། སྲིད་ཇུས་ཀྱི་མ་ལག་འཐུས་སྒོ་ཚང་དུ་གཏོང་བ། ཞབས་ཞུའི་ལས་སྟེགས་སྐྲུན་པ། ལས་ཞུགས་ཀྱི་ཐབས་ལམ་རྒྱ་ཆེར་གཏོང་བ། གཞི་རིམ་གྱི་ཁྲིད་སྟོན་བྱེད་ཤུགས་ཆེ་རུ་གཏོང་བ། གསར་གཏོད་དང་ལས་ལམ་གསར་འབྱེད་བྱེད་པར་སྐུལ་འདེད་ཆེན་པོ་གཏོང་བ། སློབ་གསོ་བཅོས་བསྒྱུར་གཏིང་ཟབ་ཏུ་གཏོང་བ་བཅས་ཀྱི་ཕྱོགས་ལ་རབ་དང་རིམ་པའི་བྱེད་ཐབས་སྤྱད་ཡོད།
སློབ་གསོ་མ་ལག་གི་འབྲེལ་ཡོད་ཕྱོགས་དང་སྤྱི་ཚོགས་ལས་རིགས་ཁག་གི་ཐུན་མོང་གིས་འབད་བརྩོན་བྱས་པར་བརྒྱུད། ལས་ཞུགས་བྱེད་དཀའ་བའི་གནས་བབ་འོག་མཐོ་རིམ་སློབ་གྲྭའི་སློབ་ཐོན་སློབ་མའི་ཐོག་མའི་ལས་ཞུགས་བྱེད་ཚད་ལོ་བསྟུད་མ14བརྒྱ་ཆ70ལས་བརྒལ་བ་འགན་ལེན་ཏན་ཏིག་བྱས་པ་རེད།

རང་རྒྱལ་གྱི་མཐོ་རིམ་སློབ་གྲྭའི་སློབ་ཐོན་སློབ་མའི་ལས་ཞུགས་བྱེད་ཚད་ལོ་བསྟུད་མར༡༤ལ་བརྒྱ༧༠ལས་བརྒལ།

དོ་སྣང་ཆེ་བའི་རྩོམ།

རྩོམ་གསར། 10

དོ་སྣང་ཆེ་བའི་རྩོམ། 10