ཞིན་ཧྭ་གསར་འགྱུར་ཁང་ལྷ་ས་ནས་ཟླ་བ5པའི་ཚེས25ཉིན་འབྱོར་བའི་གཏམ་གསར།གོང་ཚེས་ཉིན་གྱི་ཆུ་ཚོད11དང་སྐར་མ18ཐོག ཕུག་ལམ་དུ་མཐའ་མའི་འབར་གས་གཏོར་ནས་ལེགས་གྲུབ་བྱུང་བར་བརྒྱུད། ལྷ་ས་ནས་གཞིས་ཀ་རྩེ་བར་གྱི་ཕེང་དབྱིང་ལའི་ཕུག་ལམ་ཨང4པའི་འཕྲེད་དོང་དང་ཨང3པའི་འཕྲེད་དོང་ཤར་བགྲོད་ཐུབ་པ་བྱུང་། དེ་རང་རྒྱལ་མཐོ་སྒང་གི་སྨི་ཁྲི་ཡོད་པའི་ལྕགས་ལམ་གྱི་ཆེས་རིང་བའི་ཕུག་ལམ་དང་པོ་དེ་ལེགས་འགྲུབ་ངང་ཤར་གཏོང་ཐུབ་པ་མཚོན་པ་རེད།
    ཀྲུང་གོའི་ལྕགས་ལམ་ཉེར་གཅིག་ཅུས་ཀྱི་སྤྱི་གཉེར་ཁང་གསུམ་པའི་ལྷ་ས་ནས་གཞིས་ཀ་རྩེ་བར་གྱི་ལྕགས་ལམ་གྱི་རྣམ་གྲངས་པུའུ་དང་པོས་བསྐྲུན་འགན་ཁུར་བའི་ཕེང་དབྱིང་ལའི་ཕུག་ལམ་དེ་མཚོ་བོད་མཐོ་སྒང་གི་ནུབ་ལྷོ་དང་། ཡར་ཀླུངས་གཙང་པོའི་གྲོག་རོང་གི་བྱང་འདབས་སུ་གནས་ཤིང་རིང་ཚད་ཡོངས་ལ་སྨི10410ཡོད། དེ་ནི་ལྷ་ས་ནས་གཞིས་ཀ་རྩེ་བར་གྱི་ལྕགས་ལམ་གྱི་དཀའ་གནད་ཆེ་བའི་ཨར་ལས་དང་པོ་དེ་ཡིན་ལ། མཚོ་བོད་མཐོ་སྒང་གི་སྨི་ཁྲི་ཡོད་པའི་ཆེས་རིང་བའི་ཕུག་ལམ་དང་པོ་དེའང་ཡིན་པ་རེད།