རྒྱལ་ཁབ་གློག་དྲྭས་མ་དངུལ་སྒོར་དུང་ཕྱུར94བཏང་སྟེ་སི་ཁྲོན་གྱིས་ཞིང་ལས་གློག་དྲྭ་བཟོ་བཅོས་དང་རིམ་པ་སྤར་བར་ནུས་པ་བཏོན།

ཡེ་ཤེས་ཀྱིས་བསྒྱུར། 2016-10-21

ཞིན་ཧྭ་གསར་འགྱུར་ཁང་ཁྲེང་ཏུའུ་ནས་ཟླ་བ10པའི་ཚེས10ཉིན་འབྱོར་བའི་གཏམ་གསར། རྒྱལ་ཁབ་གློག་དྲྭའི་སྤྱི་གཉེར་ཁང་དང་སི་ཁྲོན་ཞིང་ཆེན་མི་དམངས་སྲིད་གཞུང་གཉིས་ཀྱིས་གོང་ཚེས་ཉིན་ཁྲེང་ཏུའུ་རུ་མཉམ་ལས་བྱ་རྒྱུའི་གྲོས་མོལ་བཀོད་དེ་ཐུན་མོང་དུ་ཞིང་སྡེ་འཕེལ་རྒྱས་དང་དབུལ་སྐྱོར་འགག་སྒྲོལ་ལས་གཞི་ལ་སྐུལ་འདེད་གཏོང་བ་དང། གྲོང་ཁྱེར་དང་གྲོང་གསེབ་ཀྱི་གློག་ཤུགས་ཞབས་ཞུ་ཆ་སྙོམས་ཅན་དུ་མགྱོགས་པོ་ཡོང་བ་བྱ་རྒྱུ། ལོ་གཉིས་ཀྱི་ནང་ཁྲོད་དུ་རྒྱལ་ཁབ་གློག་དྲྭ་ཡིས་མ་དངུལ་སྒོར་དུང་ཕྱུར94གཏོང་འཇོག་བྱས་ཏེ་སི་ཁྲོན་གྱི་གྲོང་རྡལ་ཆུང་ཆུང་གི་གློག་དྲྭ་བཟོ་བཅོས་དང་རིམ་པ་སྤར་བ། འཕྲུལ་ཁྲོན་དུ་གློག་ཁྲིད་པའི་ལས་གཞི་ལག་བསྟར་བྱས་ཏེ་མི་འབོར་ཁྲི1000དང་ས་ཞིང་མུའུ་ཁྲི39ལ་ཕན་ཐོགས་ཐུབ་པ་རེད།
ཕྱོགས་གཉིས་ཀས་མཉམ་ལས་བྱ་རྒྱུའི་གྲོས་མོལ་བཀོད་པ་ལྟར། ཐེངས་འདིར་གྲོང་རྡལ་ཆུང་ཆུང་གི་གློག་དྲྭ་བཟོ་བཅོས་དང་འཕྲུལ་ཁྲོན་བཟོ་བཅོས་བྱེད་པ་དེ་རྒྱལ་ཁབ་གློག་དྲྭ་སི་ཁྲོན་ཞིང་ཆེན་གློག་ཤུགས་སྤྱི་གཉེར་ཁང་གི་གློག་ཤུགས་འདོན་སྤྲོད་བྱེད་ཁོངས་གཞི་ཁྱོན་ནང་གི་གྲོང་རྡལ་ཆུང་ཆུང་དང་ལྟེ་གནས་ཀྱི་གྲོང་ཚོ་ཁྲི0.6ལ་ཁྱབ་ཡོད་ཅིང་། མི་འབོར་ཁྲི1000དང་ཞིང་ཆུ་གཏོང་བའི་འཕྲུལ་ཁྲོན་ཁྲི0.5 ས་ཞིང་མུའུ་ཁྲི39དང་འབྲེལ་ཡོད།
རྒྱལ་ཁབ་ཀྱི་ལོ་ལྔའི་འཆར་གཞི་བཅུ་གསུམ་པའི་སྐབས་སུ་རེས་སྐོར་གསར་པའི་ཞིང་སྡེའི་གློག་དྲྭ་བཟོ་བཅོས་དང་རིམ་པ་སྤར་བའི་ལས་གྲྭ་ལག་ལེན་བསྟར་རྒྱུའི་འབྲེལ་ཡོད་བཀོད་སྒྲིག་ལྟར། རྒྱལ་ཁབ་གློག་དྲྭ་སྤྱི་གཉེར་ཁང་དང་སི་ཁྲོན་ཞིང་ཆེན་སྲིད་གཞུང་གིས་ལོ་གཉིས་ནང་གོང་གསལ་གྱི་འཆར་འགོད་ལས་གཞི་ལེགས་འགྲུབ་བྱ་རྒྱུ་རེད།།

དོ་སྣང་ཆེ་བའི་རྩོམ།

རྩོམ་གསར། 10

དོ་སྣང་ཆེ་བའི་རྩོམ། 10