རྒྱལ་སྟོན་དུས་ཆེན་གྱི་སྔོན་དུ་ཞིང་ཆེན་དང་རང་སྐྱོང་ཁུལ་གཉིས་ཀྱིས་མཉམ་འགུལ་བྱས་ནས་བཟའ་བཅའ་དང་སྨན་རྫས་ལ་ཉེན་མེད་ཞིབ་བཤེར་བྱེད།

ཨ་མགོན་གྱིས་བསྒྱུར།        2016-09-20

རྒྱལ་སྟོན་དུས་ཆེན་སླེབས་གྲབས་ཡོད་པའི་སྐབས་སུ། ཞིང་ཆེན་བཟའ་བཅའ་དང་སྨན་རྫས་ལྟ་སྐུལ་ཞིབ་བཤེར་ཚོ་ཆུང་རང་ཁུལ་གྱི་དར་མདོ་གྲོང་ཁྱེར་དང་རོང་བྲག་རྫོང་། ལྕགས་ཟམ་རྫོང་བཅས་སུ་ཕྱིན་ནས་བཟའ་བཅའ་དང་སྨན་རྫས་ཉེན་མེད་ལ་ལྟ་སྐུལ་དོ་དམ་བྱེད་སྟངས་ཐད་ཞིབ་བཤེར་ཆེན་པོ་བྱས་པ་རེད།
ཞིབ་བཤེར་བྱས་པའི་སྐབས་སུ། ཞིང་ཆེན་ལྟ་སྐུལ་ཞིབ་བཤེར་ཚོ་ཆུང་གིས་དར་མདོ་སློབ་འབྲིང་དང་སི་ཁྲོན་མི་རིགས་སློབ་གླིང་། དར་མདོའི་མི་རིགས་ཉོ་ཚོང་སྤྱི་གཉེར་ཁང་། དར་མདོ་གྲོང་ཁྱེར་སྨན་རིགས་ཚོང་གཉེར་ཁང་བཅས་སུ་ཕྱིན་ནས་ཡུལ་དངོས་སུ་ཞིབ་བཤེར་བྱས་པ་རེད། ཐེངས་འདིར་ཞིབ་བཤེར་བྱ་ཡུལ་གཙོ་བོ་ནི་སློབ་གྲྭ་དང་རང་འདེམས་ཚོང་ཁང་། སྨན་རིགས་ཚོང་གཉེར་བྱེད་མཁན་དང་བཟའ་བཅའ་ལས་སྣོན་བྱེད་མཁན་གྱི་ཁེ་ལས་བཅས་ཡིན་པ་རེད། སློབ་གྲྭའི་ནང་གཙོ་བོ་འབྲས་དང་གྲོ་ཕྱེ། བཟའ་སྣུམ་བཅས་ཀྱི་སྤུས་ཀར་ཞིབ་བཤེར་ལྟ་སྐུལ་བྱས་ནས་སློབ་མ་ཚོའི་བཟའ་བཅའི་ཉེན་མེད་བདེ་འཇགས་ལ་འགན་སྲུང་བྱས་པ་རེད། སྨན་རིགས་ཚོང་གཉེར་ཁེ་ལས་སུ་གཙོ་བོ་གཞི་རྩའི་སྨན་རྫས་དང་ཁྱད་པར་དུ་ཉེན་ཁ་ཆེན་པོ་ཡོད་པའི་སྨན་རྫས། སྨན་སྤྱོད་ཡོ་བྱད། དམིགས་བསལ་གྱི་སྨན་རྫས། དེ་བཞིན་དུ་རྒྱ་སྨན་བཅས་ལ་གཙོ་གནད་དུ་ཞིབ་བཤེར་བྱས་པ་རེད། བཟའ་བཅའ་ལས་སྣོན་བྱེད་མཁན་གྱི་ཁེ་ལས་ལ་གཙོ་བོའི་ལས་སྣོན་བྱ་ཡུལ་གྱི་འཕྲོད་བསྟེན་དང་རྒྱུ་ཆའི་སྤུས་ཀ་བཅས་ལ་གཙོ་གནད་དུ་ཞིབ་བཤེར་བྱས་པ་རེད།། 
  • ལེ་ཚན་སྔོན་མ།：པེ་ཅིན་ལ་རིན་པ་མི་དགོས་པར་སྨན་བཅོས་བྱེད་དུ་ཕྱིན་ནས་བོད་རིགས་བུ་མོ་ཞིག་ལྷན་སྐྱེས་སྙིང་ནད་ཀྱི་སྡུག་བསྔལ་ལས་ཐར།
  • ལེ་ཚན་རྗེས་མ།：བྲག་འགོ་རྫོང་གི་ནས་ནག་གི་ཟླ་གོར་ཚོང་རྒྱུག་བྲིན།

    • དོ་སྣང་ཆེ་བའི་རྩོམ།

    ལྷ་སར2021ལོའི“ལྷ་མོའི་ཟློས་གར་འཁྲབ་སྟོན་དུས་ཚིགས”སྤེ

    ཕྲུ་གུ་གསུམ་སྐྱེ་ཆོག་པའི་སྲིད་ཇུས་དང་དེའི་གལ་ཆེའི་

    རྩོམ་གསར། 10

    དོ་སྣང་ཆེ་བའི་རྩོམ། 10

    Copyright © 2014 All rights reserved by ti.kbcmw.com

    འདིར་བཀོད་པའི་ཡིག་རིགས་དང་པར་རིས་རྣམས་ཀྱི་པར་དབང་ནི་ཁམས་པའི་གསར་འགྱུར་དྲ་ཚིགས་ལ་དབང་བས་གང་མོས་ཀྱིས་བཀོལ་སྤྱོད་མི་བྱེད་པར་མཁྱེན།

    འབྲེལ་གཏུག་བྱ་ཡུལ།དཀར་མཛེས་ཁུལ་དར་མདོ་རྫོང་འོད་གསལ་ལམ་ཁམས་པའི་བོད་ཡིག་ཚགས་པར་ཁང་།

    གློག་འཕྲིན་ཡིག་སྒམ། :kbacmw@163.com ཁ་པར།:86836-2835733