དར་མདོའི་ལྗོངས་རྒྱུ་གྲོང་ཁྱེར་གྱི་རྣམ་པ་དངོས་སུ་སྲུང་སྐྱོང་བྱེད་པ་དང་།སྔར་ལྷག་གིས་སྒྲིག་ཁྲིམས་དང་འགལ་ནས་ས་ཞིང་བེད་སྤྱོད་བཏང་བའི་བྱ་སྤྱོད་ལ་རྡུང་རྡེག་གཏོང་ཤུགས་ཆེ་རུ་གཏོང་ཆེད།ཟླ་བ7པའི་ཚེས16ཉིན་དར་མདོ་རྫོང་སྤྱི་བདེ་ཅུས་དང་།རྒྱལ་ས་ཐོན་ཁུངས་དོ་དམ་ཅུས།སྡོད་ཁང་འཛུགས་སྐྲུན་ཅུས།གྲོང་ཁྱེར་དོ་དམ་ཅུས།འགྲིམ་འགྲུལ་ཅུས་སོགས་སྡེ་ཁག་དང་དར་མདོ་གྲོང་རྡལ་གྱི་སྲིད་གཞུང་གིས་དར་མདོ་གྲོང་རྡལ་གྱི་རྟ་རྒྱུག་ཐང་གྲོང་ཁུལ་གསར་པའི་མྱུར་བགྲོད་གཞུང་ལམ་གྱི་ལམ་ཟུར་དུ་སྒྲིག་ཁྲིམས་དང་འགལ་ནས་ལྕགས་ཁེབས་ཀྱི་ཁང་པ་ཞིག་བསྐྲུན་ཡོད་པ་དེ་བཙན་ཤེད་ཀྱིས་མེད་པ་བཟོས་ཡོད།ཐེངས་འདིའི་བྱ་འགུལ་ཁྲོད་སྒྲིག་ཁྲིམས་དང་འགལ་བའི་བཟོ་བཀོད་གཞི་ཁྱོན་སྨི་གྲུ་བཞི་མ195ཡོད་པ་རེད།