ཞིན་ཧྭ་གསར་འགྱུར་ཁང་ལྷ་ས་ནས་ཟླ་བ7པའི་ཚེས21ཉིན་འབྱོར་བའི་གཏམ་གསར།བོད་རང་སྐྱོང་ལྗོངས་སྡོད་ཁང་དང་གྲོང་ཁྱེར་དང་གྲོང་རྡལ་འཛུགས་སྐྲུན་ཐིང་ནས་ཤེས་རྟོགས་བྱུང་དོན།སྲོལ་རྒྱུན་སྡོད་ཁང་སྲུང་སྐྱོང་ཧུར་ཐག་བྱེད་ཆེད།མིག་སྔར།བོད་ལྗོངས་ཀྱིས་སྲོལ་རྒྱུན་སྡོད་ཁང་སྲུང་སྐྱོང་བྱེད་མཁན་གྱི་ཆེད་རམས་པའི་ཨུ་ཡོན་ལྷན་ཁང་བཙུགས་པ་རེད།སྲོལ་རྒྱུན་སྡོད་ཁང་སྲུང་སྐྱོང་བྱེད་མཁན་ཆེད་རམས་པའི་ཨུ་ཡོན་ལྷན་ཁང་གི་ལས་འགན་གཙོ་བོ་ནི།སྲོལ་རྒྱུན་སྡོད་ཁང་སྲུང་སྐྱོང་བྱེད་པར་ལག་རྩལ་མཛུབ་སྟོན་དང་ཐབས་ཇུས་འདྲི་རྟོགས་མཁོ་འདོན་བྱ་རྒྱུ་དང་།སྲོལ་རྒྱུན་སྡོད་ཁང་སྲུང་སྐྱོང་བྱ་རྒྱུའི་ལག་རྩལ་ལ་ཞིབ་འཇུག་བྱེད་པ།སྲོལ་རྒྱུན་སྡོད་ཁང་གི་རྟོག་ཞིབ་དང་ཐོ་འགོད།ལེགས་སྒྲིག་བྱེད་པ་བཅས་ཀྱི་ལས་ཀར་ཞུགས་དགོས།སྲོལ་རྒྱུན་སྡོད་ཁང་རིགས་བགོས་ཏེ་ཁྱིམ་རྒྱུད་ཀྱི་མ་ལག་དང་བཟོ་སྐྲུན་ལག་རྩལ་རྩོམ་སྒྲིག་དང་ཞིབ་བཤེར་བྱེད་པ་བཅས་ཀྱི་ལས་ཀར་ཞུགས་དགོས་པ་རེད།
    ཤེས་རྟོགས་བྱུང་བར་གཞིགས་ན།བོད་ལྗོངས་སྲོལ་རྒྱུན་སྡོད་ཁང་གི་གནས་ཚུལ་གྱི་འབྱུང་རྩ་གསལ་པོ་ཤེས་པའི་ཆེད་དུ་བོད་ལྗོངས་སྡོད་ཁང་འཛུགས་སྐྲུན་ཐིང་གིས་ཆིང་ཧྭ་སློབ་གྲྭ་ཆེན་མོའི་འབྲེལ་ཡོད་ཆེད་ལས་མི་སྣ་གདན་འདྲེན་ཞུས་ནས་བོད་ལྗོངས་ཀྱི་གཞི་རིམ་དུ་ཕྱིན་ཏེ་བརྟག་དཔྱད་གཏིང་ལོན་པར་བྱས་ཤིང་།མིག་སྔར་བྲེལ་འཚུབ་ཀྱིས་བརྟག་དཔྱད་ལས་ཀ་སྒྲུབ་བཞིན་ཡོད་ཅིང་།ཤེས་རྟོགས་བྱུང་བར་བལྟས་ན།བོད་ལྗོངས་ཀྱི་སྲོལ་རྒྱུན་སྡོད་ཁང་གི་རིགས་དང་གྲངས་འབོར་དེ་རྒྱལ་ཡོངས་ཀྱི་མདུན་གྲལ་དུ་ཐོན་ཡོད་པ་རེད།