ཞིན་ཧྭ་གསར་འགྱུར་ཁང་པེ་ཅིན་ནས་ཟླ་བ7པའི་ཚེས22ཉིན་འབྱོར་བའི་གཏམ་གསར།ཚེས21ཉིན་ནོར་སྲིད་པུའུ་ཡི་སློབ་གསོ་དང་ཚན་རྩལ་རིག་གནས་སིས་གསར་འགྱུར་ཁྱབ་བསྒྲགས་བྱས་དོན།འོས་འགན་སློབ་གསོ་དོ་སྙོམས་འཕེལ་རྒྱས་གཏོང་བར་སྐུལ་སྤེལ་བྱེད་ཆེད།ཉེ་ཆར་ད་ལོའི་འོས་འགན་སློབ་གསོའི་འགྲོ་སོང་འགན་སྲུང་ནང་རྐྱེན་གྱི་མ་དངུལ་སྒོར་དུང་ཕྱུར878.97བཏང་བ་མ་ཚད།སློབ་མའི་གྲངས་ཀ་ཇེ་ཉུང་དུ་ཕྱིན་པའི་གནས་ཚུལ་འོག་ཁག་དེའི་མ་དངུལ་2013ལོ་དང་བསྡུར་ན་ཧ་ལམ་སྒོར་དུང་ཕྱུར50.6འཕར་སྣོན་བྱུང་ནས་བརྒྱ་ཆ6.1འཕར་བ་རེད།
    གསར་འགོད་པས་སློབ་གསོ་དང་ཚན་རྩལ།རིག་གནས་སི་ནས་ཤེས་རྟོགས་བྱུང་དོན།ཐེངས་འདིར་མ་དངུལ་བཏང་ནས་ཞིང་སྡེའི་འོས་འགན་སློབ་གསོའི་འགྲོ་སོང་འགན་སྲུང་གི་ཆུ་ཚད་མཐོ་རུ་གཏང་རྒྱུའི་ནང་ཞིང་སྡེའི་འོས་འགན་སློབ་གསོ་དུས་རིམ་གྱི་སློབ་གྲྭའི་སྤྱིར་བཏང་གི་སློབ་མ་རེར་ལོ་རེའི་ཆ་སྙོམས་ཀྱི་སྤྱི་སྤྱོད་གྲོན་དངུལ་ཚད་གཞི་བཅད་གྲངས་ཀྱི་སྒོར40ཚུད་ཡོད།དཔེར་ན་དབུས་རྒྱུད་དང་ནུབ་རྒྱུད་ས་ཁུལ་གྱི་སློབ་ཆུང་གི་སློབ་མ་རེར་ཆ་སྙོམས་ལོ་རེར་སྒོར600དང་དམའ་རིམ་སློབ་འབྲིང་གི་སློབ་མ་རེར་ཆ་སྙོམས་ལོ་རེར་སྒོར800ལ་ཟིན།ཤར་རྒྱུད་སློབ་ཆུང་གི་སློབ་མ་རེར་ཆ་སྙོམས་ལོ་རེར་སྒོར650དང་དམའ་རིམ་སློབ་འབྲིང་གི་སློབ་མ་རེར་ཆ་སྙོམས་ལོ་རེར་སྒོར850ལ་ཟིན།སློབ་གྲྭའི་ཆ་འཕྲིན་ལག་རྩལ་འཛུགས་སྐྲུན་དང་དགེ་རྒན་གསོ་སྦྱོང་བྱ་རྒྱུ་སོགས་ཀྱི་འགྲོ་སོང་དགོས་མཁོ་སྐོང་རྒྱུ་དེ་རེད།