ཀྲུང་དབྱང་ནོར་སྲིད་ཀྱིས་གྲོང་ཁྱེར་དང་གྲོང་གསེབ་ཀྱི་འོས་འགན་སློབ་གསོར་ཁ་གསབ་ རོགས་དངུལ་སྒོར་དུང་ཕྱུར1345སྤྲད།

2016-05-30

མི་དམངས་དྲ་བ་ནས་གནས་ཚུལ་བཀོད་པར་གཞིགས་ན། ཀྲུང་དབྱང་ནོར་སྲིད་ཀྱིས་ཉེ་དུས2016ལོའི་གྲོང་ཁྱེར་དང་གྲོང་གསེབ་ཀྱི་འོས་འགན་སློབ་གསོའི་ཐད་ལ་ཁ་གསབ་གྲོན་དངུལ་སྒོར་དུང་ཕྱུར་1345གཤམ་སྤྲོད་བྱས་ཤིང་། 2015ལོ་ལས་བརྒྱ་ཆ3འཕར་ཡོད་པ་རེད།
ནོར་སྲིད་པུའི་འབྲེལ་ཡོད་འགན་འཁུར་བས་འདི་ལོར་ཀྲུང་དབྱང་ནོར་སྲིད་ཀྱིས་རྩ་ཆག་གཉིས་དང་ཁ་གསབ་གཅིག་དང་། དམིགས་བསལ་ལས་གནས་ཀྱི་འཆར་གཞི་སོགས་ཀྱི་སྲིད་ཇུས་མུ་མཐུད་དོན་འཁྱོལ་ཡག་པོ་བྱེད་པའི་རྨང་གཞིའི་ཐོག གྲོང་ཁྱེར་དང་གྲོང་གསེབ་ཀྱི་འོས་འགན་སློབ་གསོའི་གྲོན་དངུལ་འགན་ལེན་ལམ་སྲོལ་གྱི་འབྲེལ་ཡོད་སྲིད་ཇུས་སྔར་བས་འཐུས་སྒོ་ཚང་དུ་བཏང་སྟེ། གྲོན་དངུལ་གྱི་འགན་ལེན་ཆུ་ཚད་མཐོ་རུ་གཏོང་བ་དང་གྲོང་ཁྱེར་དང་གྲོང་གསེབ་ཀྱི་འོས་འགན་སློབ་གསོའི་ཐོན་ཁུངས་དོ་སྙོམས་བཀོད་སྒྲིག་ཡོང་རྒྱུར་སྐུལ་འདེད་གཏང་རྒྱུ་རེད་ཅེས་བཤད་པ་རེད།
དེ་དང་ཆབས་ཅིག་འདི་ལོ་གྲོང་གསེབ་ཀྱི་འོས་འགན་སློབ་གསོའི་དུས་མཚམས་ཀྱི་སློབ་མའི་འཚོ་བཅུད་ལེགས་སུ་གཏོང་བའི་འཆར་གཞིའི་ཚོད་ལྟའི་ལག་བསྟར་ཁུལ་གྱི་ཀྲུང་དབྱང་གི་ཁ་གསབ་བྱ་ཐབས་འཐུས་སྒོ་ཚང་དུ་གཏང་རྒྱུ་རེད། ཀྲུང་དབྱང་ནོར་སྲིད་ཀྱིས་ལོ་འཁོར་གོང་མའི་ས་གནས་ནོར་སྲིད་ཀྱི་གཏོང་ཆ་གཏོང་ཤུགས་དང་། སྒྲིག་འཛུགས་དོ་དམ། ལག་བསྟར་བྱས་འབྲས་སོགས་ཀྱི་རྒྱུ་རྐྱེན་ལ་གཞིགས་ནས། ལོ་འདིའི་བྱ་དགའ་ཁ་གསབ་ཀྱི་མ་དངུལ་གཏན་འཁེལ་བྱ་རྒྱུ་རེད། དེས་མ་ཚད་ས་གནས་ཁག་ལ་ས་གནས་ཀྱི་ཚོད་ལྟའི་ལག་བསྟར་ཁྱབ་ཁོངས་རྒྱ་ཆེར་གཏོང་སྐབས། རྒྱལ་ཁབ་ཀྱི་དབུལ་སྐྱོར་གསར་སྤེལ་ལས་དོན་གྱི་གཙོ་གནད་རྫོང་ལ་དམིགས་སུ་བཀར་ནས་བསམ་གཞིག་བྱེད་དགོས་པའི་བླང་བྱའང་བཏོན་ཡོད་པ་རེད།།

དོ་སྣང་ཆེ་བའི་རྩོམ།

རྩོམ་གསར། 10

དོ་སྣང་ཆེ་བའི་རྩོམ། 10