ཀྲུང་གོ་བོད་ཀྱི་དྲ་བའི་འཕྲིན། བོད་ཞི་བས་བཅིངས་འགྲོལ་བཏང་ནས་ལོ་ངོ65འཁོར་བར་རྟེན་འབྲེལ་ཞུ་ཆེད།  གློག་བརྙན《གནམ་མཚོ་སྲུང་བ》ཞེས་པའི་སྟོན་ཐེངས་དང་པོའི་མཛད་སྒོ་དང་གློག་བརྙན་གྱི་དྲིལ་བསྒྲགས་གཟའ་འཁོར་བྱེད་སྒོ་སྤྱི་ཟླ5པའི་ཚེས25ཉིན་ལྷ་སར་སྤེལ་འགོ་ཚུགས་པ་རེད།

《གནམ་མཚོ་སྲུང་བ》ཞེས་པའི་གློག་བརྙན་དེ།  རང་སྐྱོང་ལྗོངས་ཏང་ཨུད་དྲིལ་བསྒྲགས་པུས་ཧྲན་ཏུང་ཞིང་ཆེན་ཨུ་ཡོན་ལྷན་ཁང་དྲིལ་བསྒྲགས་པུའུ་དང་ཧྲན་ཏུང་ཞིང་ཆེན་ཨུ་ཡོན་ལྷན་ཁང་རྩ་འཛུགས་པུའུ།  ཧྲན་ཏུང་གློག་བརྙན་བརྙན་འཕྲིན་སྨྱན་སྦྱོར་ཚོགས་པ་བཅས་དང་མཉམ་འབྲེལ་ཐོག་པར་ལེན་སྒྲིག་བཟོ་བྱས་པ་ཞིག་རེད།

གློག་བརྙན་དེའི་ནང་།  བོད་ལྗོངས་བརྟན་སྲུང་བྱེད་ཅེས་པས་གཙོ་དོན་བྱས་ཏེ་ཆུ་དཔྱད་བོད་སྐྱོར་ལས་བྱེད་པས་བོད་ལ་གཞིས་ཚུགས་པ་དང་སྒེར་སེམས་མེད་པར་ལེགས་སྐྱེས་ཕུལ་བའི་མི་སེམས་འགུལ་བའི་གཏམ་རྒྱུད་གླེང་བ་བརྒྱུད།  བོད་སྐྱོར་ལས་བྱེད་པས་བོད་ཀྱི་དཔལ་འབྱོར་དང་སྤྱི་ཚོགས་གོང་འཕེལ་ཐད་ལེགས་སྐྱེས་ཆེན་པོ་ཕུལ་བའི་གནས་ཚུལ་གང་ལེགས་མངོན་པར་བྱས་ཡོད།

གློག་བརྙན་དེ་ནི་བོད་སྐྱོར་ལས་བྱེད་པས་བོད་དུ་ཡོད་པའི་ལས་བྱེད་པ་དང་མཉམ་དུ་མཐུན་སྒྲིལ་འབད་འཐབ་བྱས་པའི་སྐོར་ཕྱོགས་ཡོངས་ནས་མངོན་པར་བྱེད་པའི་གློག་བརྙན་ཐོག་མ་དེ་ཡང་རེད།  གནམ་མཚོ་སྲུང་བ་ཞེས་པའི་གློག་བརྙན་དེ་སྤྱི་ལོ2014ལོར་རྒྱལ་ཁབ་གསར་འགྱུར་དཔེ་སྐྲུན་རླུང་འཕྲིན་གློག་བརྙན་བརྙན་འཕྲིན་སྤྱི་ཁྱབ་ཅུས་ཀྱི་རྒྱལ་ཁབ་དབུ་བརྙེས་ནས་ལོ་ངོ65འཁོར་བར་རྟེན་འབྲེལ་ཞུ་བའི་ཕུལ་བྱུང་གློག་བརྙན་བརྙན་འཕྲིན་ཟློས་གར53གྱི་ཕྱག་རྟགས་བརྩམས་བྱའི་མིང་གཞུང་ནང་ཚུད་པ་དང་།  དེ་ནི་རང་སྐྱོང་ལྗོངས་ཏང་ཨུད་དྲིལ་བསྒྲགས་པུའི་རིག་རྩལ་གསར་རྩོམ་དྲ་རྒྱས་གཏོང་བའི་གཙོ་གནད་རོགས་སྐྱོར་རྣམ་གྲངས་ཤིག་ཡིན་ཞིང་།  སྤྱི་ཟླ5པའི་ཚེས28ཉིན་གློག་བརྙན་དེ་གཞིས་རྩེ་གྲོང་ཁྱེར་དུ་སྟོན་རྒྱུ་རེད།   །